Ekki ólíklegt að niðurskurður aflaheimilda aukist enn

Ég er nýkominn úr ferð til Skotlands en þar eru menn komnir enn lengra í að skera niður veiðar í Norðursjó. Þar er veiðin rétt um 10% af því sem hún var áður en uppbyggingarstarfið hófst.  Hafró stefnir í þessari ráðgjöf að um 30% af því sem veitt var áður en hafist var handa við byggja upp.

Niðurskurðurinn hefur komið smám saman og alltaf er því lofað að hann verði til þess að það veiðist meira næst en aldrei kemur þetta ,,næst" eins og við vitum sem höfum fylgst náið með ráðgjöf Hafró.

Það er orðið tímabært að stjórnvöld hleypi fleiri sjónarmiðum og aðilum að rannsóknum.  Þessi stefna sem hefur ráðið för hefur ekki gefið af neitt af sér og það er ekkert sem gefur til kynna að þessi friðunarstefna skili öðru en enn meiri niðurskurði. 

Einar Kristinn hefur hingað til miklu frekar lagt stein í götu þeirra sem hafa gagnrýnt nýtingarstefnu Hafró, s.s. Jóns Kristjánssonar fiskifræðings.  Er ekki löngu orðið tímabært að aflétta núverandi einokun Hafró á rannsókn og ráðgjöf og leyfa öðrum að spreyta sig sem hafa náð góðum árangri, t.d. í Færeyjum?

 

Sjávarútvegsráðherra: Þurfum að ræða málin af yfirvegun

Athugasemdir

[Óhress (IP-tala skráð) 2.6.2007 kl. 18:11]

Hjartanlega sammála.

[Ólafur Ragnarsson, 2.6.2007 kl. 18:34]

Hvar hefur auminga maðurinn verið,ég segi bara ekki annað,hefur hann iörugglega ekki búið á Íslandi?????En annars er ritstjórnargrein Moggans í dag athyglisverð.Gleðilega sjómannadagshelgi

[Einar (IP-tala skráð) 2.6.2007 kl. 20:16]

Getur þú, Sigurjón, frætt okkur um hvað er að gerast með þorksveiðar í Færeyjum?

[Gunnar Skúli Ármannsson, 2.6.2007 kl. 20:42]

Það er mjög sérkennilegt að boðskapur Hafró skuli alltaf vera sá sami, alltaf sama niðurstaðan, engar efasemdir. Efinn er aðalsmerki góðra vísinda, hann knýr okkur til dáða. Þess vegna skoðum, teljum, mælum og rannsökum við hluti. Mál og vog ráða oft niðurstöðum, því mælum við oft á mismunandi hátt. Ekkert telst sannað fyrr en það er mælt á mismunandi hátt endurtekið með sömu niðurstöðu. Þangað til er það kenning. 

Efalaus boðskapur kallast trúarbrögð-þar helgar tilgangurinn meðalið, það eru ekki vísindi. 

[Sigurjón Þórðarson, 2.6.2007 kl. 21:46]

 

[Sigurjón Þórðarson, 2.6.2007 kl. 22:33]

Einar eins og þú sérð á lönduðum afla í Færeyjum þá sveiflast stærð fiskistofna: cod er þorskur, Saithe er ufsi og haddock er ýsa og er ekkert óeðlilegt við það enda má sjá nokkuð reglulegar sveifur í þorskstofninum við Færeyjar í á annað hundrað ár.

Nú síðustu 2 árin hefur þorskstofninn verið í niðursveiflu á meðan ufsinn hefur verið í mikilli uppsveiflu.  Færeyskir sjómenn hafa ekki áhyggjur af minni þorskafla nú síðustu árin. Ég ræddi við Auðunn Konráðsson sem rær frá Klakksvík um daginn og taldi hann að það væri meira af litlum og velhöldnum þorski að koma inn í veiðina þessa dagana sem ætti að vera merki um aukna nýliðun.  Ef það eru skoðaðar aflatölur frá jan og feb 2007 og borin saman við árið á undan kemur í ljós að alfinn er heldur minni og er það rakið til að veður var mjög slæmt til sjósóknar og útgerðarmenn vildu ekki nota veiðidaga sína þegar skilyrði voru slæm til sjósóknar.  Aflinn í apríl nú var svipaður ef ekki heldri meir en í fyrra.  

Aflaverðmæti sjávarfangs í Færeyjum var meira á árinu 2006 en á árinu á undan og það er uppgangur í færeyskum sjávarútvegi.

Í þeim hremmingum sem íslenskur sjávarútvegur er algjört ábyrgðarleysi að fara ekki rækilega í gegnum það hvernig okkar næstu grannar haga sínum málum.

[Sigurjón Þórðarson, 2.6.2007 kl. 22:40]

Myndin stærri

[Georg Eiður Arnarson, 3.6.2007 kl. 00:51]

Það er alveg merkilegt að Íslendingar virðast frekar vilja annaðhvort vinna í álveri eða bíta gras freka enn veiða fisk, skrítið.

[Guðrún María Óskarsdóttir., 3.6.2007 kl. 03:13]

Þegar stjórnmálaástandið er þannig að tveir stærstu stjórnmálaflokkar landsins steinþegja um ágalla fiskveiðistjórnunarkerfis sem er á góðri leið með að kafsigla þjóðarskútuna, þá eru góð ráð dýr.

kv.gmaria.

[Pathema Adachka, 3.6.2007 kl. 03:33]

Hvaða skelfing er þetta? þessi rösemdarfærsla dugði varla 2.5ja ríkinu, hvað þá því þriðja sem var hvá allvel upp byggt (stjórnfarslega, einungis!)? Til þess að baka kleinu þarf að beygja hana! hættum svona tannstönlgarugli!

Ef við mælum skriffinsku í pappírsmetrum er þetta nokkuð ágæt niðurstaða, enn við erum fyrir löngu byrjuð að ræða árangur í alt öðrum stærðum. Hlutfall af fjölföldun kynþroska dýrum er nokkuð nærri sannleka almennu arðráni, en línurnar frá færeyjum gætu alt eins verið um írskann graslauk, svo laust er samhengið og rökin. Fiskurinn er lifandi, þar til hann er ánetjaður!

[Sigurjón Þórðarson, 3.6.2007 kl. 13:08]

Sæll Pétur ég botna lítið þessari athugasemd þinni.  Ef það á að meta árangur af fiskveiðistjórn þá hlýtur það að vera í því hvað stofnarnir gefa af sér mikinn afla á hverju ári en alls ekki hvað stofnanir eru stórir.