Frjálslyndi flokkurinn hefur verið með opið bókhald frá upphafi

Í DV í dag má lesa enn einn þáttinn um tengsl stjórnmálanna og fjárglæframannanna. Þar voru þingmenn Samfylkingarinnar og Sjálfstæðisflokksins framarlega að vanda, og jú úr gömlu góðu Framsókn. Margir eru fyrst núna að fatta það sem Frjálslyndi flokkurinn hefur bent á í áratug, þetta óeðlilega spillingarsamband viðskipta og stjórnmála. Það sem verður örugglega með í umræðunni á næstunni er samband fjölmiðla og stjórnmála og hvers vegna umræða um almannahagsmuni er fyrir borð borin.

Í aðdraganda kosninganna er líka umhugsunarefni hvernig fjórflokkurinn í kosningabaráttu hefur komist hjá því að ræða hvernig á að stoppa í 150 milljarða fjárlagagat á einu ári. Hvaðan á að fá peningana? Með niðurskurði og skattahækkunum? Með því að endurvekja skattstofna?

Frjálslyndi flokkurinn hefur bent á að hallinn verði ekki réttur af nema með auknum veiðum - og það strax!

 X-F

Góður fundur á Skagaströnd í kvöld

Húnvetningar eru vel með á nótunum og átta sig á þeim grundvallaratriðum að út úr erfiðri stöðu þjóðarbúsins verður ekki komist nema með því að auka tekjur. Þeir eru klárir í að leggja sitt af mörkum, þeir vita sem er að fiskurinn er nægur á Skallaskerinu og höfnin er til staðar. Nokkur ónýtt fiskvinnsluhús eru líka til staðar þannig að Húnvetningum er ekkert að vanbúnaði, það eina sem beðið er eftir er grænt ljós frá jarðtengdum stjórnvöldum sem hafa þá skynsemi til að bera að leyfa auknar veiðar sem Frjálslyndi flokkurinn, enn sem komið er, einn flokka leggur til.

X-F

 

Einsmálsflokkurinn

Fjórflokkurinn er í sárum. Eitthvað eru framsóknarmenn þó að leggja fram sín hefðbundnu yfirboð, s.s. 900 milljarða afskriftir, og trompa þannig 90% lánin sín sem slógu út fíkniefnalaust Ísland fyrir árið 2000. Sjálfstæðisflokkurinn er eins og hauslaus hæna sem boðar lækkun stýrivaxta á sama tíma og að maðurinn sem alltaf hefur rangt fyrir sér, a.m.k. alltaf þegar efnahagsmál ber á góma, sbr. jöklabréfin og styrk bankanna, og líka varðandi atvinnuleysistölur í kjölfar hrunsins. Tryggvi Þór Herbertsson segir að stjórnmálamenn eigi ekki að skipta sér af vaxtastiginu - sem þó er helsta kosningamál flokksins hans!

Það er helst að Vinstri grænir uni glaðir við sitt enda hefur farið fram ein mesta ríkisvæðing á atvinnutækjum einnar þjóðar ef frá eru taldar ríkisvæðingar sem fylgt hafa blóðugum byltingum.

Samfylkingin er með sitt eina mál á dagskrá, Evrópusambandið, þó að hér gangi þúsundir manna um án atvinnu, ríkissjóður sé galtómur og algjört kerfishrun blasi við. Flóttinn frá raunveruleikanum er að ræða Evrópusambandið í gríð og erg, það er engu líkara en að forystumenn telji að með því að setja umsóknareyðublað í póst hverfi öll vandamál þjóðarinnar eins og sjóðir bankanna skömmu fyrir októberhrun. Árni Páll, Björgvin og Katrín Júlíusdóttir tala reyndar svo flókið mál þegar Evrópuumræðan hitnar skil ég, saklaus sveitamaðurinn, varla hvað er í gangi en þykist merkja á látbragði þeirra að þau ræði öll heimsins gæði - að eigin mati. 

Í dag var ég svo heppinn að fá tækifæri til að ræða við nokkra girðingarverktaka frá Borðeyri og það sem þeir höfðu áhyggjur af, og stjórnmálaklúbburinn hefur greinilega ekki, er hvernig á að fylla í 150 milljarða fjárlagagatið. Þeir voru nokkuð skotnir í því að fara yfir tillögur Frjálslynda flokksins um að veiða meiri fisk enda sætir tíðindum ef trilla sést við innanverðan Húnaflóa.

X-F

Evrópustefnan verði á hreinu

Meiri sáttatónn hjá útgerðarmönnum

Mér finnst ég skynja þann sáttatón hjá ýmsum útgerðarmönnum að þeir geri sér ljóst að núverandi kerfi gengur ekki lengur óbreytt. Að vísu hafa þær raddir ekki komið fram opinberlega af því að fréttamenn hafa einkum veitt athygli Binna í Vestmannaeyjum sem hefur haldið uppi gömlu harðlínunni um að kerfið eigi bara að haldast óbreytt.

Margir sjá að þjóðin mun ekki líða braskið áfram og stöðugur samdráttur í veiðum verður greininni mjög erfiður. Allt útlit er fyrir að ef ráðum Hafró verður fylgt verður niðurskurður í aflaheimildum mikill í ýsu og þorski. Það þýðir milljarðatap fyrir þjóðarbúið og ég veit um ýmislegt sem íslenska þjóðin vildi gera fyrir milljarðana sem við getum veitt úr hafdjúpunum. Dettur þér eitthvað í hug, hmm?

Mörgum útgerðarmanninum sem er annt um heimabyggð sína óar við þeirri ábyrgð sem hvílir á herðum hans hvað varðar framtíð byggða en vill engu að síður tryggja öruggan rekstrargrunn og arðsemi fyrirtækisins. Margur sér feigðina í því að girt sé fyrir nýliðun í atvinnugreininni.

Frjálslyndi flokkurinn hefur um árabil lagt fram lausnir til breytinga og gerir sér grein fyrir því að útvegsmenn og sjómenn þurfa að vera aðalleikararnir í því að koma þjóðinni út úr kreppunni.

Grípum þorskinn meðan hann gefst - Vg gamaldags

Ég er í tengslum við fjölmarga sjómenn og þó nokkra útgerðarmenn.  Allir hafa sömu söguna að segja að þeir séu á flótta undan þorski í leit að ýsu vegna þess að hve takmarkaður þorskkvóti hamlar veiðum. Þrátt fyrir framangreinda staðreynd þá reiknar Hafró enn einu sinni þorskstofninn langt fyrir neðan meðaltal en að vísu eitthvað örlítið stærri en þá botnmælingu sem gerð var í fyrra. 

Steingrímur J. hefur þegar sagt að hann ætli að fylgja ráðgjöf Hafró í einu og öllu þó svo að kenningin um að veiða minna til að veiða meira seinna hafi hvergi gengið eftir.  Ef að Vg lenda í ríkisstjórn og fara með sjávarútvegsmál, eru allar líkur til þess að þorskveiðar verði skornar niður frá því sem nú er, en heimilt er að veiða 160 þúsund tonn, þar sem ráðlögð veiði á yfirstandandi fiskveiðiári var einungis 130 þúsund tonn.  Fastlega má búast við því að þorskveiðar verði einungis liðlega 140 þúsund tonn á næsta fiskveiðiári.  Það er nánast ekkert fjallað um að Hafró reiknar ýsustofninn fjórðungi minni nú en í fyrra sem mun að öllum líkindum leiða til þess að leyfileg ýsuveiði verði skorin niður um tugi þúsunda tonna með tilheyrandi milljarða tapi fyrir þjóðarbúið.

Frjálslyndi flokkurinn hefur enga trú á þessum reiknikúnstum Hafró og telur algerlega óábyrgt að veiða minna en 260 þúsund tonn enda er það talsvert minna magn en það sem var veitt fyrir daga kvótakerfisins.

Þessi yfirlýsing Steingríms J gefur til kynna hve Vg eru íhaldssamir og gamaldags. Flokkurinn er ekki  tilbúinn að skoða gatslitna ráðgjöf upp á nýtt sem hvergi hefur gengið eftir í heiminum og það þrátt fyrir vel rökstudda gagnrýni.  Það eitt að reiknað hefur verið út frá forsendum Hafró að hrefnan ein éti mun meira af þorski og ýsu en íslenskum sjómönnum er leyfilegt að veiða ætti að vekja venjulegt fólk til umhugsunar.

9,3% stuðningur við Frjálslynda flokkinn í Norðvesturkjördæminu

Samkvæmt nýrri skoðanakönnun Gallup mælist fylgi Frjálslynda flokksins í Norðvesturkjördæmi 9,3% og er það sama fylgi og flokkurinn mældist mest með fyrir Alþingiskosningarnar 2003 og 2007.

Sem kunnugt er kemur flokkurinn alltaf betur út úr kosningum en niðurstöður skoðanakannana gefa til kynna. Miðað við þessa niðurstöðu er nokkuð öruggt að Guðjón Arnar Kristjánsson verði kjördæmakjörinn og ég gæti jafnvel búist við að fá nýja vinnu í næstu viku og að það endurtaki sig að flokkurinn fái uppbótarþingmenn í öðrum kjördæmum.

 xF 

Þeir sem vilja fá nánari upplýsingar um könnunina geta slegið á þráðinn til Guðjóns Arnars í síma: 898 7727.

 

 

Hvers virði er mannorðið?

Sem kunnugt er þiggur Frjálslyndi flokkurinn ekki mútur. Margur ferðalangurinn sem hefur gert víðreist um Evrópu síðustu mánuði hefur orðið þess áþreifanlega var að mannorð landans er stórskaðað.

Í komandi kosningum verður án nokkurs efa tekið eftir því hvort að íslenskir kjósendur munu veita þeim flokkum brautargengi sem eiga mesta sök á hruninu og fjármálamisferlinu en það eru auðvitað Sjálfstæðis- Framsóknarflokkur og jú Samfylkingin sem hafa verið á spena fjárglæfrafyrirtækjanna.

Með því að greiða framangreindum flokkum atkvæði sitt þá eru kjósendur í og með að skrifa undir vafasöm vinnubrögð sem hafa rýrt orðstír þjóðarinnar.

 

Stjórnmálaklúbburinn í algjörri afneitun

Í gærkvöldi var ég í þessu pallborði ásamt öðrum frambjóðendum allra stjórnmálaafla sem bjóða fram. Svo var að heyra á fjórflokknum, stjórnmálaklúbbnum, að talsverðir fjármunir væru í ríkiskassanum til að hækka námslán og auka framboð á hinum og þessum námsleiðum og öllu yrði forgangsraðað til að tryggja óbreytt eða betra ástand í menntakerfinu. Satt að segja var mér svolítið brugðið yfir því að þingmennirnir og formaður Framsóknarflokksins virtust ekki hafa kynnt sér að vaxtagreiðslur ríkisins í ár nema sjöföldum fjárframlögum til HÍ, bara þess eina háskóla. Allar líkur eru til þess að vextirnir einir saman verði talsvert hærri á næsta ári þegar skuldadagar Icesave renna upp.

Frjálslyndi flokkurinn hefur ítrekað bent á að það verði að fara í mikla tekjuöflun, stórauka fiskveiðar og taka upp samninga um lán, að öðrum kosti er dæmið óyfirstíganlegt. Hinir flokkarnir hafa talað um blandaða leið, niðurskurð og skattaaukningu - nema Sjálfstæðisflokkurinn sem vill ekki hækka skatta og hlýtur þá að boða enn meiri niðurskurð en aðrir. Tölum tæpitungulaust, sleppum innihaldslausum fagurgalanum.

Ef taka mætti mark á fulltrúum flokkanna á þessum fundi ætti ekki að skera af eina einustu krónu í menntakerfinu, frekar bæta í. Eðlilega finnst námsmönnum ljúft að heyra það - en hverjar verða efndirnar þegar reikningarnir hrúgast inn á næsta ári? Reyndar bætti fyrrum menntamálaráðherra því við að þetta ástand, að borga af hátt í tveggja þúsund milljarða skuldum, væri á að giska tveggja ára verkefni! Skorturinn á raunsæi er algjör. Fjórflokkurinn er í stórkostlegri afneitun eða hann lýgur vísvitandi að fólki. Eini flokkurinn utan Frjálslynda flokksins sem sagði að smjör drypi ekki af hverju strái á komandi árum var Borgarahreyfingin og mér fannst jafnvel Ástþór Magnússon hafa á köflum mun meiri jarðtengingu en stjórnmálaklúbburinn. Samfylkingin heldur að fólki efnahagstillögum sem samdar eru af fyrrum stjórnarformanni Fjármálaeftirlitsins sem var Icesave-fyrirsætan í fyrrasumar. Jóni til aðstoðar við samningu ritsins var enginn annar en Jón Þór Sturluson sem gerði lítið úr olíusamráðssvindlinu fyrir fáum árum. Og eru menn búnir að gleyma hvernig olíugarkarnir svínuðu á okkur?

Bjartsýni er góðra gjalda verð en hún verður að ganga í takt við raunsæið. Fyrst þarf að afla teknanna.

Háskólanám verði metið til jafns við vinnu

Stjórnmálaklúbburinn í algjörri afneitun

Í kvöld var ég í pallborði hjá stúdentum og framhaldsskólanemum ásamt frambjóðendum allra stjórnmálaafla sem bjóða fram. Svo var að heyra á fjórflokknum, stjórnmálaklúbbnum, að talsverðir fjármunir væru í ríkiskassanum til að hækka námslán og auka framboð á hinum og þessum námsleiðum og öllu yrði forgangsraðað til að tryggja óbreytt eða betra ástand í menntakerfinu. Satt að segja var mér svolítið brugðið yfir því að þingmennirnir og formaður Framsóknarflokksins virtust ekki hafa kynnt sér að vaxtagreiðslur ríkisins í ár nema sjöföldum fjárframlögum til HÍ, bara þess eina háskóla. Allar líkur eru til þess að vextirnir einir saman verði talsvert hærri á næsta ári þegar skuldadagar Icesave renna upp.

Frjálslyndi flokkurinn hefur ítrekað bent á að það verði að fara í mikla tekjuöflun, stórauka fiskveiðar og taka upp samninga um lán, að öðrum kosti er dæmið óyfirstíganlegt. Hinir flokkarnir hafa talað um blandaða leið, niðurskurð og skattaukningu - nema Sjálfstæðisflokkurinn sem vill ekki hækka skatta og hlýtur þá að boða enn meiri niðurskurð en aðrir.

Eitt er víst, ef mark mátti taka á fulltrúum flokkanna á þessum fundi átti ekki að skera af eina einustu krónu í menntakerfinu, frekar bæta í. Reyndar bætti fyrrum menntamálaráðherra því við að þetta ástand, að borga af hátt í tveggja þúsund milljarða skuldum, væri á að giska tveggja ára verkefni. Maður hlýtur að velta fyrir sér hvort fjórflokkurinn sé í svona stórkostlegri afneitun eða að ljúga vísvitandi að fólki. Eini flokkurinn utan Frjálslynda flokksins sem sagði að smjör drypi ekki af hverju strái á komandi árum var Borgarahreyfingin og mér fannst jafnvel Ástþór Magnússon hafa á köflum mun meiri jarðtengingu en stjórnmálaklúbburinn. Samfylkingin heldur að fólki efnahagstillögum sem samdar eru af fyrrum stjórnarformanni Fjármálaeftirlitsins sem var Icesave-fyrirsætan í fyrrasumar. Jóni þeim Sigurðssyni til aðstoðar við samningu ritsins var enginn annar en Jón Þór Sturluson sem gerði lítið úr olíusamráðssvindlinu fyrir fáum árum.

Bjartsýni er góðra gjalda verð en hún verður að ganga í takt við raunsæið.

Steingrímur J. Sigfússon tvöfaldur

Frjálslyndi flokkurinn fagnar öllum breytingum á illræmdu kvótakerfi í frjálsræðisátt en það hlýtur að vekja upp spurningar hvers vegna Steingrímur J. boðar breytingu á kerfinu með því að segjasta ætla að leggja fram frumvarp þess efnis eftir kosningar.

Staðreyndin er sú getur hæglega opnað fyrir frjálsar handfæraveiðar með því einu að gefa út reglugerð.  Það er engin ástæða til þess að binda veiðarnar við ákveðið magn þar sem þær fóru sjaldnast yfir 20 þúsund tonn fyrir daga kerfisins þegar frelsi til veiða ríkti. 

Eftir hverju er verið að bíða?

Strandveiðar í stað byggðakvóta