Umræðan þjökuð af rétthugsun

Það er rétt að þakka Kastljósinu fyrir ágætt viðtal við hollenska þingmanninn Geert Wilders sem greindi frá þeim sjónarmiðum sem lágu á bak við framleiðslu á myndinni Fitna. Markmiðið með myndinni var, að sögn Wilders, að greina frá þeirri ógn sem frjálslyndum vestrænum gildum stendur af öfgasjónarmiðum Íslams.

Ég sá umrædda mynd Fitna á netinu fyrir nokkrum mánuðum og fannst hún ekkert sérlega vel gerð og í raun fátt nýtt í henni. Ekki átti ég von á því að myndin yrði til þess að fólki sem vann hjá vefmiðlum sem dreifðu myndinni yrði hótað lífláti af íslamistum sem hafði þær afleiðingar að myndin var tekin af netinu í kjölfarið.

Morðhótanir íslamista í garð Geert Wilders og Ayaan Hirsi Ali og síðan morðin á kvikmyndagerðarmanninum Theo van Gough og stjórnmálamanninum Pim Fortuyn ásamt öfgafullum viðbrögðum og morðhótunum í garð danskra teiknara verða til þess að hægt er að taka undir með Geert Wilders um að tilefni sé til að sporna af hörku við öfgum sem telja réttlætanlegt að svipta fólk lífinu vegna skoðana sinna.

Umræðan er einhverra hluta vegna mjög viðkvæm vegna útvarða pólitískrar rétthugsunar og var miður að sjónvarpið skyldi ekki treysta sér til að birta viðtalið við hollenska þingmanninn án þess að vera stöðugt að skjóta inn viðbrögðum umdeilds dansks íslamsfræðings, Jörgen Bæk Simonsen.  Það virtist sem viðtalið vð Danann væri tekið upp í kjölfar viðtalsins við hollenska þingmanninn og honum gefinn kostur á að gera athugasemd við málflutning þingmannsins en ekki öfugt.

Í sjálfu sér var mjög áhugavert að fá að heyra sjónarmið danska fræðimannsins sem virtist hafa mun meiri áhyggjur af skoðunum Geert Wilders en þeim sem vildu drepa hann vegna umdeildra skoðana sinna.

Þetta virkaði einhvern veginn með þeim hætti að þáttarstjórnendur treystu sér ekki til að senda út boðskap Geert Wilders nema þá að í sömu andrá kæmi fram boðskapur pólitískra rétttrúarmanna.

Reiði í Danmörku vegna sæmdarmorðs

Athugasemdir

[Stebbi (IP-tala skráð) 1.7.2008 kl. 16:11]

Sæmdarmorð koma því miður til með að verða framin hér á landi í framtíðinni, ef við gerum sömu mistökin og aðrar þjóðir og tökum við múslímum.  Hvernig væri að læra af mistökum annanrra þjóða. Þetta fólk vill ekkert með vestræna menningu hafa að gera né lýðræði. Í Noregi mega kennslukonur ekki lengur bera hálsmen með krossi og svínakjöt hefur verið bannað í Austurbæjarskólanum. Við eigum að taka endalaust tillit til þeirra. Ætla Íslendingar að leyfa múslímum hér að giftast stúlkubörnum, eins og þeir gera víða? Ekki öfunda ég Akurnesinga að fá 60 Palestínumenn í þorpið. Ég hef ekkert á móti útlendingum. Frekar hefði ég viljað að Ísendingar hefðu tekið á móti 120 flóttamönnum, sem ekki væru múslímar og sem ekki settu sig upp gegn okkar siðum.

[Jón Gunnar Ásbjörnsson (IP-tala skráð) 1.7.2008 kl. 16:41]

Mér finnst þessi athugasemd hjá þér frekar þjóðrembuleg. Þótt sæmdarmorðið yrði ekki framið hér á landi yrði það samt sem áður framið. Vandamálið er ekki leyst, heldur værum við bara að komast hjá því að þurfa að velta því fyrir okkur.

Það er heldur ekki bara í okkar verkahring að sýna útlendingum hér á landi tillit. Tillitsemi er gagnkvæmt fyrirbæri. Við sýnum útlendingum tillitsemi og þeir sýna okkur tillit. Auðvitað eru svo til tillitslausir útlendingar sem og tillitslausir Íslendingar. 

Þessi athugasemd með Palestínumennina á Akranesi er mjög ótillitsöm. Þér tekst að dæma 60 manna hóp fyrirfram. Frægt orð nú til dags, fordómar. Ekki að ástæðulausu.

[Jón Gunnar Ásbjörnsson (IP-tala skráð) 1.7.2008 kl. 16:42]

Athugasemd minni var beint til Stebba.

[Jóhann Elíasson, 1.7.2008 kl. 18:48]

Margir hafa haft á orði að "múslimar" væru hreinlega "hættulegir" vestrænum samfélögum, þessu er ég að mörgu leyti sammála og nefni máli mínu til stuðnings hvernig er tekið á móti múhameðstrúarfólki hér á vesturlöndum.  Þessu fólki er ekki ætlað að samlagast því samfélagi, sem það flytur til, heldur eiga þeir sem eru fyrir í því samfélagi að aðlagast þeirra siðum og þjóðfélagsháttum.  Gott dæmi um þetta er Svíþjóð, en frá því að Írakstríðið hófst hafa Svíar tekið á móti 100.000 flóttamönnum frá Írak, um þetta er ekki nema gott eitt að segja og mættu fleiri ríki fylgja fordæmi þeirra (svo sem Bandaríkjamenn).  En það fylgir böggull skammrifi: Svíar leggja svo mikið á sig við að gera þessum flóttamönnum til hæfis að t.d til að styggja ekki múslimana eru margir skólar í Svíþjóð búnir að taka svínakjöt af matseðlinum og það er verið að endurskrifa nokkrar námsbækur svo þær séu múslimum þóknanlegar. Hvað næst?  Ekki er það ætlunin að skella allri skuldinni á múslima að sjálfsögðu er sökin að nokkru leiti okkar vesturlandabúa, að við sýnum þessu liði ekki nokkurt umburðarlyndi, þannig að ef þeir flytja á okkar menningarsvæði verða þeir bara að taka upp okkar lífshætti og aðlagast okkar þjóðfélag, ég veit ekki til að neinn afsláttur sé gefinn í þeirra löndum ef vesturlandabúi flytur til þeirra landa.  Í framtíðinni vil ég geta farið í Bónus og verslað skinku og hamborgarahrygg í Fjarðarkaupum.  Nú skilst mér að svínakjöt sé á bannlista í Austurbæjarskóla.  Hvað verður næst?  Við eigum að  hætta að vera umburðalynd við þá sem ekki eru umburðarlyndir.

[Hanna Dóra (IP-tala skráð) 1.7.2008 kl. 19:14]

Hvaða andskotans kjaftæði er þetta í þér Jóhann. Móttaka á íröskum flóttamönnum hér í Svíþjóð hefur ekki haft þessi áhrif og ég veit ekki hvaða hvatir eru að baki skrifum þínum.

Skólabækur eru óbreyttar og fyrir mörgum árum síðan var farið að bjóða upp á hlaðborð í matsölum grunn- og framhaldskóla. Það var ekki vegna múslima sem sú ákvörðun var tekin heldur opnuðust augu ráðamanna fyrir því að matarræði fólks væri mismunandi. Til dæmis er leitun að eins mörgum grænmetisætum og finnast í Svíþjóð.

Svínakjöt er enn á boðstólunum í skólum og þá geta þeir sem ekki leggja sér það til munns  valið annan mat.

Svíar hafa tekið á móti flóttamönnum á mun betri hátt en margar aðrar þjóðir og ekki hefur þurft að taka upp ný gildi í þjóðfélaginu. Allt tal um annað vitnar bara um þekkingarleysi viðkomandi á sænsku samfélagi.

[Svartagall, 1.7.2008 kl. 19:19]

Það skuggalega við þessa umræðu er ekki "rétthugsunin" (moggabloggið er svo ofboðslega þjakað af rétthugsun og rökvísi!), heldur alhæfingarnar um íslam sem enda yfirleitt í tali um að koma í veg fyrir innflutning múslima og jafnvel útlendinga almennt.

Þrepin eru einhvern veginn svona:

1) Hér er dæmi um illvirki;

2) Það var múslimi sem framdi illvirkið (örugglega eða kannski); þar af leiðir:

3) íslam er vont, nei, öfgasinnað íslam er vont (ég er ekki rasisti); þar af leiðir:

4) íslam er vont (aukaafleiðing: þessi múslimi hér á götunni er vondur); þar af leiðir:

5) það verður að koma í veg fyrir innflutning múslima; þar af leiðir:

6) það verður að koma í veg fyrir innflutning útlendinga.

Þegar ég las pistilinn hér að ofan var ég að velta fyrir mér á hvaða þrep umræðan kæmist.  Tilefnið er frétt um sæmdarmorð, sem kemur okkur á fyrsta þrepið. Sigurjón tengir fréttina við "öfgasjónarmið Íslams", þótt hvergi komi fram að múslimi hafi framið morðið, né þá út frá öfgasjónarmiðum. Af aðstæðum að dæma er þó óhætt að samþykkja að morðinginn hljóti að vera múslimi, án þess að ljóst sé hvernig það kemur málinu við. Við erum komin á annað þrepið.

Pistillinn fjallar svo að mestu um Geert Wilders og öfgasinnað íslam, sem er næstum eins vont og pólitísk rétthugsun, semsagt allt á þrepi þrjú. Nema að myndin Fitna þóttist vera á þrepi þrjú en var eins og rúllustigi upp öll þrepin: stöðugt voru illvirki öfgamúslima sýnd og þau slegin saman við íslam almennt og íslamska innflytjendur, jafnvel innflytjendur almennt. En pistillin heldur sig á þrepi þrjú.

Þá koma athugasemdir.  Stebbi hoppar af þrepi þrjú beint upp á þrep fimm - það eru mistök "að taka við" múslimum. Hann virðist gefa sér þrep fjögur. Hann vill samt ekki upp á þrep sex: Vill taka fram að hann hefur ekkert á móti útlendingum.

Einar Einarsson er með annan fótinn á þrepi þrjú og hinn á þrepi fjögur. Hann hefur bloggað um öfgaíslam en finnst eins og "rétthugsandi einstaklingar" séu að banna honum að gagnrýna íslam.

Hippókrates fær punkt fyrir að leiðrétta fullyrðingar Stebba um svínakjötsbann í Austurbæjarskóla.  Mér sýnist Hippókrates dansa á þrepum fimm og sex.

Jóhann er á þrepi fimm en með tá á þrepi sex. (Hann fær punkt, eða tvo, fyrir að sjá að málið snýst ekki bara um aðlögun múslima og að gagnkvæmt umburðarlyndi er nauðsynlegt. Hann missir þó hálfan punktinn fyrir að endurtaka fullyrðinguna um svínakjötsbannið í Austurbæjarskóla.) 

Hvernig væri að hugsa aðeins um muninn á þessum þrepum og að færa einhver rök fyrir því að hoppa af einu þrepi yfir á það næsta eða þarnæsta?

[Svartagall, 1.7.2008 kl. 19:42]

Einar, ég er besservisser og stóðst ekki mátið.

[Þarfagreinir, 1.7.2008 kl. 20:59]

Hvaða bull er þetta, sem hver étur upp eftir öðrum, um að svínakjöt sé bannað í Austurbæjarskóla? Þetta er sjö ára gömul saga sem nú er verið að dusta rykið af.

Hafi svínakjöt einhvern tímann verið bannað í Austurbæjarskóla (sem ég stórefa, en það er annað mál), þá er það klárlega ekki bannað lengur. Hérna blasir til að mynda við Bayonskinka, þann 14.

Eru þetta virkilega einu 'rökin' sem fólk getur fært fyrir því að minnihlutahópum sé sýnt eitthvað óeðlilegt umburðarlyndi hér á Íslandi?

Sorglegt rugl.

Hvernig væri að reyna að ræða málin á einhverjum vitrænum forsendum, en ekki út frá hysterískum flökkusögum?

[Þarfagreinir, 1.7.2008 kl. 23:01]

Fleiri en einn tók þetta sem dæmi, og ég hef séð þetta mun víðar. Ég er bara orðinn þreyttur á því að fólk éti bull upp hvert eftir öðru og setji það fram sem vitrænt framlag til umræðu.

Eða er kannski óþarfi að leiðrétta rangfærslur? Allt í lagi að leyfa fólki að byggja sinn málflutning á sandi og bulli?

Jú, hér er fleira rætt - en það eina sem sett er fram sem á að 'sanna' að hér á Íslandi sé minnihlutahópum nú þegar sýnt eitthvað sérstakt umburðarlyndi er þessi saga af svínakjötinu í Austurbæjarskóla. Þegar það er horfið er ekkert sem stendur eftir.

Mér finnst ekkert að því að benda á það, og rífa niður þetta rugl, hvar sem ég rekst á það.

Ég er ekki að flokka alla umræðuna eftir þessu - þetta er bara það helsta sem ég hef hér fram að færa. Afsakið innilega ef það hefur komið við kauninn á einhverjum.

[IGÞ, 1.7.2008 kl. 23:50]

Hefur einhver  af þeim sem hér skrifa kynnst því hvernig í raun það er þegar fólk frá gjörólíkum menningarheimi tengist fjöldskyldu hér? Þá fyrstr reynir á þegar tveir ólíkir menningarheimar mætast.

Við munum aldrei geta sætt okkur við andlegt ofbeldi og illa meðferð á konum sem því miður er reynsla af hjá ónefndum menningarheimi. Enhverstaðar hefur verið sagt eða skrifað, að ofbeldi leiði af sér ofbeldi.

Því miður er það borin von að þessir heimar geti búið sama í sáttt og samlindi í náinni framtíð vegna svo ólíkra gilda og viðhorfa.

[S.H (IP-tala skráð) 2.7.2008 kl. 08:16]

Hanna Dóra!

 Det är inte riktigt som du säger att Sverige inte har påverkats av den stora mängden invandrare och då i första hand muslimer. En hel del lagar har ändrats, andra har kommit till, exempelvis lagen om anhöriginvandring och förbud mot könsstympning av flickor, som vanligen sker i hemlandet. Nu förbereds ett lagförslag där man skall försöka stävja att flickor i nedre tonåren gifter sig på sommarlovet i sina forna hemländer med män som föräldrarna valt ut. Äktenskap som Sverige inte erkänner men som ställer till problem eftersom  flickorna då har en make som genast vill till Sverige, arvsrätt o s v.

Det har också väckt mycket ont blod hos svenska föräldrar att vissa rektorer har velat flytta och flyttat skolavslutningarna ut ur kyrkan av rädsla för att diskriminera muslimer, men skolavslutningar med traditionsenlig psalmsång är något av det svenskaste som finns. Många svenskar har varit rasande och uppfattat att muslimerna är boven i dramat. Skolministern har klokt nog sagt ifrån att så får diskrimineringslagen inte tolkas.

Här där jag bor, är simbassängen stängd för allmänheten fredag eftermiddag för att muslimska kvinnor skall kunna bada utan att män råkar komma i vägen och visst har det varit diskussion om att muslimer har tryckt på om visst undervisningsmaterial och/eller att författarna har ålagt sig självcensur. 

 Sedan har jag inte nämnt alla de poliser, socialarbetare, skolpersonal, sjukvårdspersonal, lärare och rättsvårdande myndigheter som fått utbildas för att bekanta sig med och i möjligaste mån stävja hedersrelaterade brott och andra kulturella problem som invandrarna för med sig. Jag tror inte att man kan överblicka detta på Island. Skulle kunna berätta om ett fruktansvärt grymt hedersmord på en kille för ovanlighetens skull.

Till sist. 100 tusen irakiska invandrare  ( Jòhann)är en siffra i överkant, men i fjol togs 18 000 irakier emot och Södertälje ensamt tog emot fler irakier än  hela USA ,vilket föranledde kommunens ordförande att resa dit och förklara Södertäljes dilemma i amerikanska  Senaten. Här hemma i Sverige lyssnar inte myndigheterna och Södertälje går på knäna.

Så bästa Hanna Dóra . Var också du försiktig med att uttala dig tvärsäkert!

[Landfari, 2.7.2008 kl. 09:31]

Er einhver það góður í sænsku að hann geti þýtt þetta fyrir okkur hin sem ekki kunnum sænsku.

[Skúli Skúlason (IP-tala skráð) 2.7.2008 kl. 10:29]

Trúarpólitísk tengsl heiðursmorðA  við Íslam ótvíræð.

Það er mikill misskilningur að álíta að heiðursmorð eigi sér ekki ríka stoð í hinu pólitíska Íslam.  Það er auðvelt að rökstyðja það og nægar sannanir fyrir hugsanaferlinu á bakvið heiðursmorðin.  Þær slóðir liggja allar til Kóransins, og Annálanna. 

Heiðursmorð í Íslam

Stórt atriði er að þegar kona giftist manni af öðrum trúarhópi eða grein Íslams, þá gerist hún fyrrverandi-Múslími og þar með réttdræp.  Einnig er stúlkan í stór hættu ef væntanlegur maki er ekki þóknanlegur fjölskyldunni einhverra ástæðna vegna.  Sama skeður ef hún vill temja sér vestræna lífshætti, þá er hún einnig orðin  fyrrverandi-Múslími (apostate,  fráhvarfsmaður frá trúnni)

 

 

Úr 4. Kafla  88-89  "Viltu reyna að leiðbeina þeim sem Allah hefur afvegaleitt? Þá sem Allah hefur afvegaleitt skaltu ekki reyna að leiðbeina. Þeir þrá að þú verðir trúleysingi svo þú verðir eins og þeir sjálfir; þess vegna skaltu ekki gera þá að vinum þínum nema þeir flýi frá sínum fjölskyldum til að þóknast Allah, en ef þeir snúa aftur heim til sín skaltu elta þá uppi og drepa þá hvar sem þú finnur þá, en leitaðu ekki aðstoðar eða vinskapar meðal þeirra." 

 

Ég vil benda á eftirfarandi greinar um HEIÐURSMORР og slóðirnar að þeim:

HEIÐURSMORÐ OG STAÐA KVENNA Í ÍSLAM

http://hermdarverk.blogcentral.is/blog/2008/4/21/heidursmord-og-stada-kvenna-i-islam/

HEIÐURSMORÐ, 9. GRÖFIN Í FJÖLSKYLDUNNI.

http://hermdarverk.blogcentral.is/blog/2008/4/22/heidursmord-9-grofin-i-fjolskyldunni/

Athyglisverð stuttmynd um heiðursmorð.

Everywoman- Honour Killings- 07 Dec 07- Part 2

http://www.youtube.com/watch?v=PZ0XHZhlpBc

 

 

[Blahh (IP-tala skráð) 2.7.2008 kl. 10:41]

Ég hafði einu sinni svipaðar skoðanir og þú... svo hætti ég að vera 14 ára gamall.

[Magnús Þór Hafsteinsson, 2.7.2008 kl. 11:08]

Blessað veri fólkið

Ég sló að gamni í það að þýða skilaboð Svíans  S. H. hér fyrir ofan. Er mikið að flýta mér, svo þið fyrirgefið hugsanlegar villur. Þær skrifast þá á minn reikning:

Það er ekki rétt sem þú segir að Svíþjóð hafi ekki orðið fyrir áhrifum af hinum mikla fjölda innflytjenda, og þá fyrst og fremst múslímum. Fjölda laga hefur verið breytt og önnur ný komið til, til dæmis lög um innflutning náinna ættmenna og bann við kynfæralimlestingum stúlkna sem gerist yfirleitt í heimalandinu. Nú er í undirbúningi lagafrumvarp þar sem reyna á að koma í veg fyrir að stúlkur á táningsaldri séu giftar í sumarleyfum í sínum gömlu heimalöndum karlmönnum sem foreldrar þeirra hafa valið. Hjónabönd sem Svíðþjóð viðurkennir ekki, en skapa vandamál þar sem stúlkurnar eignast maka sem gjarnar vill til Svíþjóðar o. s. frv.

Það hefur líka skapaði illindi meðal sænskra foreldra að sumir skólastjórar hafa viljað flytja og flutt skólaslitsathafnir úr kirkjum af ótta við að sýna múslímum misrétti, en skólaslit með hefðbundnum sálmasöng eru eitt það sænskasta sem finnst. Margir Svíar hafa orðið mjög reiðir og upplifað þetta þannig að múslímarnir séu bófinn í dramanu. Menntamálaráðherra hefur brugðist við af skynsemi og lýst því yfir að lögin um mismunun skuli ekki túlka með þessum hætti.

 

Þar sem ég bý er sundlaugin lokuð almenningi á föstudags eftirmiðdögum til að múslímskar konur geti farið í sund án þess að karlmenn séu til staðar, og það hefur farið fram umræða um að múslímar hafi beitt þrýsingi til að ákveðið kennsluefni og/eða að höfundar þess beiti sig sjálfsritskoðun.

 

Síðan hef ég ekki nefnt alla þá lögreglumenn, félagsráðgjafa, skólafólk, fólk í heilbrigðisstéttum, kennara og aðra sem hafa sótt námskeið til að kynna sér og stöðva eftir bestu getu heiðurstengd afbrot og önnur menningarleg vandamál sem fylgja innflytjendum. Ég býst ekki við að þið þekkið til þessa á Íslandi. Ég gæti greint frá einu hræðilega grimmdarlegu heiðursmorði á stúlku .

 

Að lokum. 100 þúsund íraskir innflytjendur (Jóhann) er er tala í hæsta lagi, en í fyrra var tekið á móti 18.000 Írökum, og bærinn Södertalje tók einn á móti fleiri Írökum en öll Bandaríkin, nokkuð sem leiddi til þess að bæjarstórinn fór þangað til að úrskýra þetta mál fyrir bandaríska þinginu. Hér heima í Svíþjóð hlusta stjórnvöld ekki og Södertalje fellur á hnén.

 

Svo kæra Hanna Dóra. Farðu varlega í því að tala út með svo fjallgrimmri vissu!

[Johnny Rebel (IP-tala skráð) 3.7.2008 kl. 00:02]

Bevara Sverige Svenskt!

[Johnny Rebel (IP-tala skráð) 3.7.2008 kl. 12:52]

Bevara Sverige svenskt og flytjum alla útlendingana til Íslands

[S.H (IP-tala skráð) 3.7.2008 kl. 15:10]

Ég gaeti greint frá einu hraedilega grimmdarlegu heidursmordi á pilti

á thad ad vera. Annars var thetta fljótt og vel unnid. Takk.

 sjá http://www.expressen.se/1.328176