Leita í fréttum mbl.is

Sjálfstæðisflokkurinn leggst gegn rannsókn á lögbrotum

Ekki var að heyra á Bjarna Ben í Silfrinu annað en að hann vildi fara nákvæmlega sömu leið og fyrir hrun og nota sömuleiðis að mestu sömu mennina og áður, í helstu verkin.

Greinilegt var að formaður Sjálfstæðisflokksins var mjög andsnúinn rannsókn; lögreglu, sérstaks saksóknara og Seðlabankans á lögbrotum Samherja. Hann talaði um innrás í fyrirtækið og að brotin snéru fyrst og fremst að lögum sem menn vildu ekki hafa, þ.e. lög um gjaldeyrishöftin.

Málflutningurinn og afstaðan gegn lögum og reglum minnti frekar á orðræðu aktífista eða vítisengils en formanns í borgarlegu stjórnmálaafli.  Reyndar á Bjarni það sammerkt með öðrum formönnum fjórflokksins og bæjarstjóranum á Dalvík, að gera enga athugasemd við að Samherji hafi tekið stærsta vinnustaðinn á Dalvík í gíslingu vegna rökstuddra aðgerða yfirvalda.  Það er engu líkara en það sé búið að normalisera bullið - Vitleysan sé orðin eðlileg.

Umræðan um kvótakerfið var ekki upp á marga fiska en formaður Sjálfstæðisflokksins vildi meina að kerfið hefði sannað ágæti sitt og í stað þess að útvegurinn væri upp á þjóðina kominn líkt og á níunda og tíundartugnum, þá væri hann að skila miklu.  Þetta er auðvitað argasta kjaftæði enda má spyrja í framhaldinu ef að þetta tal væri tekið trúanlegt -  á hverju lifði þjóðin þá á síðustu öld?  Staðreyndin er sú að þorskaflinn á níundaáratugnum var um tvöfalt meiri þá, en nú.


mbl.is „Af hverju eruð þið að þessu?“
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Árni Gunnarsson

Og auðvitað hefur þess verið gætt að enginn spyrði um tengingu brottkasts við aukinn ábata af kerfinu né heldur hver hlutur stórlega minni afraksturs í magni væri í þessari sérstæðu útkomu.

En mjög líklega vegur lágt gengi krónunnar upp eitthvað af bullinu auk ábatans af kvótaleigu.

Árni Gunnarsson, 29.4.2012 kl. 20:32

2 identicon

Og nú er forseti íslands farin að mæra kvótakerfið í útlöndum, og komin á sama stall og hannes hólmssteinn og có, nú er Ræfillinn komiðn í sjálfstæðisflokkinn.

bjarni kjartansson (IP-tala skráð) 29.4.2012 kl. 20:42

3 Smámynd: Sigurjón Þórðarson

Hvað hefur hlaupið í Ólaf Ragnar Grímsson?

Sigurjón Þórðarson, 29.4.2012 kl. 21:37

4 Smámynd: Ásthildur Cesil Þórðardóttir

Þegar menn vita upp á sig skömmina þá....

Þetta með Ólaf Ragnar það þarf að spyrja karlinn um þetta atriði, þegar hann fer að skoða baráttuna. 

Ásthildur Cesil Þórðardóttir, 29.4.2012 kl. 22:32

5 Smámynd: Sævar Óli Helgason

Hehehe...!

Já, ég rak augun í þetta með samanburðin við Vítisenglana... Hjá þér...

Ég hef nefnilega lengi verið þeirrar skoðunar að Sjálfstæðisflokkurinn sé "óæskilegur og glæpsamlegur samráðsvettfangur" einsog einmitt Vítisenglarnir eru sagðir vera...

En hvernig er með það... Er ekki hægt að fara framá, í fullri alvöru, að stjórnvaldið fari í svipaða rannsókn og aðgerðir gegn Sjálfstæðisflokknum einsog það er að gera gegn Vítisenglunum...? Sérstaklega í ljósi þess hve margir í forustusveit flokksins og sitja á þingi eru nú í afbrotum og eru tengdir í auðgunarbrot þau er leiddu til efnahagshrunsins hérna á Íslandi...?

Eða eru þær aðgerðir kannski bara hugsaðar fyrir alþjóðleg glæpasamtök en þá ekki íslensk...?

(Sem er þá náttúrulega bara bölvuð xenóphóbía...!)

Því núna eru núverandi formaður þessarar stjórnmála-glæpaklíku og tveir þeir síðustu að tala opinberlega niðrandi um lög og dóma sem gerir okkar litla samfélag að því sem það er... Þeir eru s.s að gera lítið úr æðsta dómsvaldi landsins og finnast það bara alltílagi...! Sannar það ekki glæpsamlegan og óæskilegan samráðsvettfang...?

Ég tel að lagalegur grundvöllur sé fyrir löngu komin fyrir samanburði á þessum alþjóðlegu glæpasamtökum, sem lögreglan er að reyna að sporna við, og Sjálfstæðisflokknum...

Enn og aftur, er ekki hægt að stöðva þessi glæpasamtök og "óæskilega samráðsvettfangi" sem Sjálfstæðisflokkurinn er með íslenskum lögum...?

Sævar Óli Helgason, 30.4.2012 kl. 00:13

6 Smámynd: Heimir Lárusson Fjeldsted

Ekki er umtal þitt uppbyggilegt. Hver tekur mark á málflutningi þess sem líkir Bj. Ben. við vítisengil?

Heimir Lárusson Fjeldsted, 30.4.2012 kl. 07:10

7 Smámynd: Sigurjón Þórðarson

Afstaða Bjarna Ben eins og hún birtist í viðtalinu í Silfrinu bar með sér að það væri í góðu lagi að brjóta ákveðin lög og tekin var bein afstaða gegn aðgerðum lögreglunnar.  Nú er það ekki svo að ef mark má taka á fréttum að húsrannsóknin eða "innrásin" eins og Bjarni Ben kýs að kalla hana hafi hvítþvegið Samherja - miklu frekar hitt. 

Sigurjón Þórðarson, 30.4.2012 kl. 09:15

8 Smámynd: Anna Sigríður Guðmundsdóttir

Sæll Sigurjón minn. Ef málin væru svo einföld, að einungis Sjálfstæðisflokkurinn í heild sinni, með manni og mús, væri eini flokkurinn sem brýtur lög og mannréttindi á Íslandi, þá væri vandamálið fljótleyst.

Ég er ekki síður hrædd við hlaupatíkur og skemmd epli í öðrum flokkum/hreyfingum, en Sjálfstæðisflokknum. Ég er þó ekki að styðja Bjarna Ben sérstaklega með orðum mínum. Svo það sé á hreinu.

Enginn er hafinn yfir gagnrýni, og síst af öllu þeir sem sigla undir fölsku flaggi.

Þeir eru verstir sem gefa sig út fyrir að tilheyra þeim sem berjast fyrir raunverulegu réttlæti og mannréttindum af heiðarleika, til að ná fram upplýsandi og opinni umræðu. Það er staðreynd að undir öllum bókstöfum og nöfnum á stjórnmála-öflum eru útsendarar auðvaldsins.

Þjóðin, og heimurinn allur þarf ekki skemmd epli, né liðhlaupara-svikara sem leggja mikið á sig til að flækja málin áfram, til að blekkja heiðarlegt fólk.

Þeir taka þetta til sín sem eiga það, og þeir vita hvað ég á við. Ég gef þeim tækifæri til að uppfæra heiðarleika-mannréttinda-lýðræðismat sitt, áður en ég nafngreini þá.

M.b.kv.

Anna Sigríður Guðmundsdóttir, 30.4.2012 kl. 11:44

9 Smámynd: Anna Sigríður Guðmundsdóttir

Svo er það þetta með vítisenglana. Ég gleymdi að benda á að auðjöfrarnir eru áskrifendur að þeim, sem á fínu máli svikaranna eru kallaðir vítisenglar. Það er ekki vanþörf á að rannsaka hvernig svokallaðir vítisenglar hafa fengið að líða, þróast og dafna í heiminum. Lyfjamafían þekkir best hvernig þessi þróun hefur orðið til.

Ég minni á að nánast ekkert er eins og það sýnist í þessari spilltu veröld. Íslenskt embættismanna-kerfi er engin undantekning.

M.b.kv.

Anna Sigríður Guðmundsdóttir, 30.4.2012 kl. 11:54

10 Smámynd: Óskar Þorkelsson

oft er vont að vera líkt við líka..  

Óskar Þorkelsson, 2.5.2012 kl. 06:35

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband