Hvers vegna er enginn handtekinn?

Í kvöld var nákvæm atvikalýsing í Kastljósinu á því hvernig hundruðum þúsunda milljóna var stolið úr Glitni og hvernig bankarnir fölsuðu bókhaldið.  Hvernig óskópunum má standa að enginn er fangelsaður en Nota Bene en skýrslan sem fjallað var um af Helga Seljan var unnin af viðurkenndu frönsku greiningarfyrirtæki að beiðni sérstaks saksóknara.  Ef þetta er niðurstaðan eftir hverju er þá verið að bíða?

Ég fór að velta því fyrir mér eftir að hafa horft á Kastljósið hvort að stjórnendur bankans kæmust upp með morð í beinni útsendingu?  Alla vega virðist vera að Glitnismenn komist upp með bókstaflega hvað sem er og helstu samverkamenn þeirra í bankanum eru ráðnir áfram í æðstu stöður í Íslandsbanka eftir hrun. Sömu sögu virðist vera að segja í hinum bönkunum einnig.

Endalaust dynur á fólki óskapnaður og ófyrirleitin málflutningur eins og Guðmund útgerðarmanns á Rifi sem talaði um 8 milljarða tap sem varð af hans völdum sem léttvæga froðu sem engu skipti máli og engum kæmi við.  Til samanburðar þá nemur þessu upphæð nálega tvöföldum heildarskuldum sveitarfélagsins Skagafjarðar sem komu til vegna byggingar skóla, hafna sundlauga félagsheimila íþróttahúsa og allt það sem sveitarfélagið nýtir til að þjóna á fimmta þúsund manns.

Allt venjulegt fólk hlýtur að fyllast viðbjóði þegar það horfir á algert aðgerðarleysi stjórnvalda og sjá að engin lög ná yfir þessa fjármála"elítu" Íslands.

Segja að Landsbankinn hafi staðið mun verr en bókhald sagði

Athugasemdir

[Steingrímur Helgason, 8.12.2010 kl. 23:16]

Jamm, enda er ozz lítt zkemmt....

[Íslendingur (IP-tala skráð) 8.12.2010 kl. 23:45]

Var ekki Birna, núverandi bankastjóri, yfirmaður hjá Glitni og þáttakandi í þessum skítamálum?

Hvenær á að sópa og smúla flórinn? Við getum ekki haft fólk sem er búið að gera upp á bak þarna inni.

[Siggi Helga (IP-tala skráð) 9.12.2010 kl. 00:09]

Það er merkilegt að þessar upplýsingar skulu koma fram sama dag og Iceslavenefndin situr að samningum í London. Er verið að draga athyglina frá Iceslave.

[Steinar Immanúel Sörensson, 9.12.2010 kl. 01:08]

Verðugt íhugunar efni Sigurjón, það að menn skuli ekki settir í járn og beint í gæsluvarðhald þar til búið er að rétta í málinu bendir til þess að eitthvað mikið sé bogið við réttarríkið Ísland.

Menn eru handjárnaðir af minna tilefni og leiddir fyrir dómara.

[Andrés.si, 9.12.2010 kl. 01:43]

Ekki tók langan tíma að góma stráka þjófar úr Leonard.

[Þráinn Jökull Elísson, 9.12.2010 kl. 01:53]

Hvuddnin var það annars, var kúlulánið ekki afskrifað hjá Birnu bankastjóra???

[Magnús Ágústsson, 9.12.2010 kl. 02:32]

þar sem ég er ekki á landinu þá langar mig til að vita hvort einher ykkar tók þátt í bánka áhlaupinu?

ég er að  því núna en það tekur mig lengti tíma þar sem ég er hérumbil hinumegin á hnettinum

mig langar til að biðaja ykkur kæru samlandar að hætta viðskiptum við glæpabankana og færa ykkur til litlu sparisjóðanna úti á landi sem ekki tóku þátt í vitleisunni

[Andrés.si, 9.12.2010 kl. 02:52]

Magnús. Ég tók ekki vírkan þátt þar sem ekki er hætt að taka mikið úr. En er vel í undirbuningu að færa mér í óspilt banka.

En mitt framlag til atburdsins igær er hér. 

 http://sphotos.ak.fbcdn.net/hphotos-ak-ash2/hs352.ash2/63253_10150099968374884_643834883_7408880_1170357_n.jpg

og vídeó hér. 

http://www.youtube.com/watch?v=lpT_JzA2O3s

[Ragna Birgisdóttir (IP-tala skráð) 9.12.2010 kl. 08:03]

Góð grein Sigurjón. Ég er fyrir löngu búin að missa trúna á réttarkerfinu hér á landi. Við búum í mesta glæpalýðveldi heims þar sem meiri áhersla er lögð á að fanga níumenninga sem réðust inn í Alþingi og skartgripaþjófa í vímu.

[Hörður Sigurðsson Diego, 9.12.2010 kl. 08:43]

Þetta er ömurlegt. Manni finnst maður vera hafður að fífli.

[Arinbjörn Kúld, 9.12.2010 kl. 10:12]

Góðar og gildar spurningar. Líklega ræður yfirvaldið ekki við mál af þessari stærðargráðu enda margir flæktir í málið og málin. Skýrsla RNA gefur góða innsýn í viðbjóðin og er ein samfelld brotalýsing.

Kveðja frá Akureyri.

[Guðmundur Ásgeirsson, 9.12.2010 kl. 12:33]

Varðandi Guðmund á Rifi og 9,4 milljarðarða froðuna hans sem gufaði upp, þá er rétt að setja hlutina í samhengi. Þetta eru á bilinu 5-10% af uppgefnum kostnaði við aðgerðir vegna skuldavanda heimilanna, sem var afskrifað fyrir aðeins einn mann. Og það er ekki einu sinni stórt samanborið við hina stórfiskana!

[Sigurjón Þórðarson, 9.12.2010 kl. 14:13]

Jú jú Birna var innsti koppur í búri í Glitni og ætti sjálf að þekkja vel til bókhaldsóreiðunnar og bókhaldsfölsunnarinnar  en óreiðan varð til þess að Fjármáleftirlitið fannst eðlilegt að hún slyppi ekki við að greiða hlutabréf sem hún taldi sig hafa fest kaup á. 

Það er ekkert hik enn sem komið er að taka á smákrimmum en hætt er við því að með auknu óréttlæti og stórþjófnuðum sem stjórnvöld láta átölulaust sé verið að slíta í sundur friðinn í samfélaginu.

Steingrímur J. og Jóhanna Sig hafa verið iðin við að greiða götu þeirra sem bera ábyrgð á hruninu og finnst ekkert eðlilegra en að varpa kostnaðinum óskiptan á almenning.

[Sigurgeir Árnason. (IP-tala skráð) 9.12.2010 kl. 15:46]

Ágætis spurningar og vangaveltur Sigurjón. Ætli það sé skki svolítið pólitíkusunum að kenna hvernig réttarkerfið er í landinu þeir hafa í gegnum árin verið iðnir við að koma sínum gæðingum inní ákæru og dómsvaldið,ætli það kerfi hafi ekki vit á því að þakka fyrir liðsinnið og þá má ekki hrófla við þeim stóru,þá kemst leynimakkið upp og verður lýðnum ljóst.