Vinstri grænir - falskari en sextíu og fimm krónu seðill

Friðunarsinnarnir í Vg hafa beitt sér af hörku fyrir vernd hvala og hagsmunum auðmanna.  Steingrímur J. er iðinn við að afskrifa skuldir auðmanna á sama tíma og hann hleður skuldum á þjóðarbúið. 

Eitt af því aumasta af öllu aumu sem Vg hefur staðið að eru blekkingar Jóns Bjarnasonar, Atla Gíslasonar og Ögmundar Jónassonar þegar þeir fluttu þingsályktunartillögu um breytta stjórn fiskveiða í samræmi við úrskurð mannréttindanefndar Sameinuðu þjóðanna.  

Núna þegar flokkurinn fer með ,,stjórn" sjávarútvegsráðuneytisins þá bólar ekkert á breytingum, hvað þá bótum til handa Erlingi Sveini Haraldssyni og Erni Snævari Sveinssyni sem þeir þó lofuðu bótum í greinargerð með þingsályktunartillögunni.

Sjávarútvegsráðherra reynir að drepa raunverulegum breytingum á dreif með skipan einhverrar nefndar um breytingar á óstjórninni þar sem stuðningsmenn áframhaldandi mannréttindabrota eru í miklum meirihluta. Í ræðu sem Jón Bjarnason flutti fyrir rúmu ári fordæmdi hann þáverandi stjórnvöld harðlega fyrir mannréttindabrotin og sagði þau grafalvarlegt mál en í dag hefur Jón tekið upp þá brotastarfsemi sem hann áður gagnrýndi harðlega!    

Á morgun, laugardaginn 24.10. kl 11, verður kaffifundur að Lynghálsi 3, í húsnæði Frjálslynda flokksins, þar sem ég mun fjalla um hik og ótrúlegan viðsnúning Jóns Bjarnasonar. 

Athugasemdir

[Jóhannes Laxdal Baldvinsson, 23.10.2009 kl. 17:01]

Talist þið ekki við, þú og Addi Kitta Gau?  Hégt það væru hæg heimatökin fyrir hann að hnippa í ráðherrann

[Sigurjón Þórðarson, 23.10.2009 kl. 17:50]

Jú, Jóhannes, ég heyrði í Guðjóni í vikunni. Það kemur mér verulega á óvart ef Guðjón hangir mjög lengi í ráðuneytinu ef þessi aumingjadómur heldur áfram.

[Jóhann Elíasson, 23.10.2009 kl. 20:51]

Fyrir nokkrum dögum var "hobbitinn" sem er sjávarútvegsráðherra spurður um hvort til greina kæmi að tengja kvótann við byggðirnar.  Í svari hans kom fram að hann vissi ekkert um málið, frekar en annað sem tilheyrir sjávarútvegi og til þess að breiða yfir vanþekkingu sína fór hann að tala um SAMFÉLAGSLEGA ÁBYRGÐ, sem enginn veit með vissu hvað er, eða hvernig á að skilgreina.  Með því að tala um "samfélagslega ábyrgð" opinberar Sjávarútvegsráðherra vanþekkingu sína og reynir að grípa til hugtaks, sem hefur verið nokkuð vinsælt hjá stjórnmálamönnum og tengist þetta aðallega málskrúði og innihaldslausum yfirlýsingum.  Ég hef gengið á milli margra "fræðimanna" og "leikmanna" og beðið þá um útskýringu á hugtakinu "SAMFÉLAGSLEG ÁBYRGÐ" í ÖLLUM tilfellum hefur orðið fremur lítið um svör og það sem meira er að ef einhver hefur getað bögglað út úr sér einhverri langloku, sem skýringu á hugtakinu, þá gat sá hinn sami ekki með neinu móti bent mér á að "samfélagsleg ábyrgð" væri nokkurs staðar skilgreind, hvergi væri til neitt skráð um hana. 

[Þorður Sævar Jónsson (IP-tala skráð) 23.10.2009 kl. 22:39]

ER rugludallurinn ekki kominn á launaskrá hjá L.Í.Ú. ?

[Undrandi (IP-tala skráð) 24.10.2009 kl. 15:42]

Thad er eins og öllum á Althingi sé mútad...annad hvort af LÍÚ eda audkýfingum.

Audvitad er thad gódur business fyrir thá sem hafa völd til thess ad afskrifa skuldir audkýfinga ad thyggja nokkrar % af theim milljónum eda milljördum sem their skrifa af skuldum audkýfinganna.  Bádir hóparinir graeda ofbodslega...almenningur tapar rosalega.

Kvótaraeningjarnir graeda á sinni monopoly stödu og thingmenn ef their thyggja mútur frá LÍÚ fá sennilega miklu meira en thingmannalaun fyrir vikid.

Gód eru taekifaerin fyrir óheidarlega á thingi.  Hverning stendur annars á thví ad meirihluti thingmanna hefur engan áhuga á ad tryggja hagsmuni almennings?  Thad er svo augljóst ad kvótakerfid er hreinn og klár thjófnadur.  Ad flokkar sem thykjast vera fyrir frelsi einstaklingsins og samkeppni stydji thetta raeningjakerfi segir allt sem segja tharf.

[Undrandi (IP-tala skráð) 24.10.2009 kl. 15:44]

Kom ekki annars fram ad fjöldi fyrirtaekja "studdu" meirihluta thingmanna fjárhagslega....th.e. alla adra en thingmenn VG?

[Níels A. Ársælsson., 25.10.2009 kl. 00:55]

Sigurjón.

Þú varst 4 ár á þingi.

Hvað fluttir þú margar tillögur um breytingar á kvótakerfinu ?

[Haraldur Pálsson, 25.10.2009 kl. 19:07]

Kannski er niðustaðan sú að meira að segja þeir í VG eru búnir að sjá að það er ekkert við í breytingu á því kerfi sem við höfum. Kostnaðurinn við að breyta því er of mikill og ekki skynsemi í því að eyðileggja þessa atvinnugrein, og þurfa síðan að leggja hana á ríkisspenan.
En að sjálfssögðu geta þeir ekki viðurkennt opinberlega þessa uppgvötun sína.

[Sigurjón Þórðarson, 25.10.2009 kl. 22:53]

Nilli, Ég hef ekki talið það en hér er hægt að fara í gegnum mín störf http://www.althingi.is/vefur/thmstorf.html?nfaerslunr=664

Hér er m.a. eitt http://www.althingi.is/altext/132/s/0017.html

Haraldur, mér sýnist sem að önnur hver útgerð sé kominn á afskriftarspena hjá ríkisbönkunum þrátt fyrir "besta kerfi í heim".