Þjófnaður

Nú berast svakalegar sögur út úr bönkunum, s.s. um „lánveitingar“ rétt fyrir hrun upp á rúma 100 milljarða. Fyrir þessa upphæð er hægt að byggja nýtt sjúkrahús á höfuðborgarsvæðinu auk tveggja Sundabrauta. Þessi gjörningur er ekkert annað en þjófnaður og sætir furðu að Ólafur Ólafsson skuli ekki vera kallaður í yfirheyrslu og settur í gæsluvarðhald. Í stað þess valsa kónar eins og hann inn og út úr landinu eftir að hafa komið gríðarlega háum upphæðum úr landi, úr þjóðarbúinu.

Ég hef fullan skilning á því að Bretar hafi reynt að verja hagsmuni sína með öllum tiltækum lögum - en hér rembast íslensk stjórnvöld við að líta undan til að sjá ekki hvernig menn hafa gengið um almenningshlutafélög eins og eigin sparibauk.

Hundruð milljarða millifærðir á reikninga erlendra félaga

Athugasemdir

[Guðmundur Óli Scheving, 19.1.2009 kl. 12:10]

Sæll Sigurjón.

Þetta er bara rosalegt.

Hvernig á að fá stjórnvöld til að sjá þetta ?

[Sigríður B Svavarsdóttir, 19.1.2009 kl. 12:18]

Gleðilegt ár Sigurjón og takk fyrir þau liðnu..

Sammála þér Sigurjón.. Þetta er  spilling í miklum mæli, og það er núna fyrst sem er verið að skoða þetta.. Þjóðin á þessa peninga..

 Það væri búið að taka þjófinn með kaffipakkann eða kjötlærið undir hendinni  og setja á bak við lás og slá..Hið minnast að taka það af honum..Eigðu daginn Ljúfan

[Guðjón Sigþór Jensson, 19.1.2009 kl. 12:20]

Kannski við ættum að fáhermdarverkalögin hans Gordon Brown lánuð til að beita þeim hér á grafaræningjana. Mér skilst að þau séu lítið notuð og aðallega notuð gegn valdafíklum á Íslandi.

Með orðinu „grafaræningi“ er vísað í það hugafar þeirra sem létu greipar sópa um grafhýsi faróa og fornkónga meðal Azteka og Inka og auðvitað fleirra. Þessir ræningjar höguðu sér eins og þeim sýndist og tóku ekkert tillit til annarra enda hugsunin að komast yfir sem mest af gulli og öðrum verðmætum á sem skemmstum tíma.

Eftir sitjum við litlu hluthafarnir í bönkunum og fleiri fyrirtækjum sem voru svo auðtrúa að byggja allt traust okkar á að þessir karlar væru á réttri leið.

Mosi

[Árni Gunnarsson, 19.1.2009 kl. 12:25]

Er þetta ekki einhver misskilningur? Er ekki maðurinn argur yfir því að eiga útistandandi skuld hjá ríkinu vegna óuppgerðrar kröfu á hendur bankanum? Ég man ekki betur en að hann sé að íhuga að reisa mál út af þessari skuld.

En ef öll þessi viðskipti eru lögleg er einhver maðkur í mysunni hvað reglur um svona viðskipti varðar. Það var nú reyndar löngu vitað.

[Einar Einarsson (IP-tala skráð) 19.1.2009 kl. 13:13]

Þetta er svakalegt!

Að þessir menn gangi frjálsir og geti sinnt sínum viðskiptum hér á landi eins og ekkert hafi í skorist... þetta er skammarlegt!

Þessir menn eiga að sitja í gæzluvarðhaldi og eignir þeirra frystar.

Hverskonar siðferði hefur verið í gangi hérna að undanförnu... var þetta góðærið?? þjófnaður?

[Guðrún Hlín (IP-tala skráð) 19.1.2009 kl. 14:55]

ER ekki bara verið að slá skjalborg um spillinguna,því sannleikurinn þolir ekki DAGSLJÓSIÐ? Ekki þurfum við að efast um pólitíska ÁBYRÐ.

[Sigurður Þórðarson, 19.1.2009 kl. 15:03]

Erlendir sérfræðingar eru furðu slegnir yfir að forsætisráðherra skuli ekki enn vera búinn að segja af sér.

[Guðjón Sigþór Jensson, 19.1.2009 kl. 15:45]

Hér á landi sitjum við uppi með nokkra stjórnmálamenn sem þekkja ekki sinn vitjunartíma. Þeir telja sig hafna yfir lög og rétt. Lög um ráðherraábyrgð og Landsdóm er þeim jafn framandi og fjarlægustu sólkerfin. Eru þeir að koma í veg fyrir að mikilvægar upplýsingar berist rannsóknaraðilum? Er verið að eyðileggja sönnunargögnum?

Kannski verði að hefja byltingu til að losa sig við þessa herramenn? Höfum viðnokkru aðtapa úr því orðið er?

En vonandi þarf ekki byltingu til að þeir segi af sér.

Mosi

[Hildur (IP-tala skráð) 19.1.2009 kl. 16:14]

Varst þú ekki á þingi og hefðir getað séð til þess að sterkari lagarammi yrði settur?

[Offari, 19.1.2009 kl. 17:23]

Mér þykir þetta leitt.

[Guðrún Hlín (IP-tala skráð) 19.1.2009 kl. 17:40]

Er það bara kannski Guðjón.Það er lykilatriði að gæta hag BARNNANA sem verða að borga þessa skuldaklafa sem á þau er sett.Við þurfum RÉTTLÆTI og losa okkur við ótta ÞRÆLSINS. 

[ragnar bergsson, 19.1.2009 kl. 23:05]

Það er ekkert annað að gera en handtakat þessa fjárglæframenn.

[Dexter Morgan, 20.1.2009 kl. 00:24]

Nei nei, enginn handtekinn, nema 400 ofurskuldsettir Sunnlendingar sem ekki eiga í sig né á lengur. Þetta er Ísland í dag !

[Jóhann Elíasson, 20.1.2009 kl. 12:16]

Lög um ráðherraábyrgð eru nokkuð ströng en vandamálið við þau er að það er nokkuð mikið um að þar vanti skilgreiningar á hugtökum þannig að þegar upp er staðið, þá er mikill ágreiningur um hvernig eigi að "túlka" hinar ýmsu greinar laganna.

[EE (IP-tala skráð) 25.1.2009 kl. 22:00]

Og þjófahyskið valsar enn inn og út úr landinu.  Með peninga landsmanna i vasanum.