Mugabe og Ingibjörg Sólrún Gísladóttir

Svo virðist sem Mogginn gagnrýni undir rós ríkisstjórn Íslands fyrir að bæta ekki úr mannréttindabrotum á íslenskum sjómönnum. Morgunblaðið minnir með réttu á að mannréttindi eru algild og ættu þess vegna að gilda um íslenska sjómenn sem brotið hefur verið á rétt eins og um fólkið í Simbabve. Mannréttindabrot íslenskra stjórnvalda á sjómönnum eru ekki einkamál ISG eins og Morgunblaðið minnir á að mannréttindabrot Mugabes eru ekki einkamál hans.

Málin snerta réttlæti í íslensku samfélagi og það er spurning hversu lengi aðrir borgarar þessa lands geta horft upp á stjórnvöld þverbrjóta mannréttindi og jafnræði á íslenskum þegnum. Það er rétt að velta upp þeirri spurningu í lokin hvers virði 60 ára mannréttindayfirlýsing Sameinuðu þjóðanna er þeim hópi manna og byggðum landsins sem sannarlega hefur verið brotið á skv. mannréttindanefnd Sameinuðu þjóðanna.

Það verður að hrósa leiðara Morgunblaðsins fyrir að sneiða sérstaklega að íslenskum stjórnvöldum og brýna þau til að breyta rétt.

Athugasemdir

[Sigurður Þórðarson, 7.12.2008 kl. 21:45]

Þetta er óvenju harkaleg  og óvægin gagnrýni að hálfu Morgunblaðsins á ríkisstjórnina í ljósi þess að Morgunblaðið hefur reynt að koma sér fyrir í baklandi ríkisstjórnarinnar og sami leiðarahöfundur hefur margsinnis borðið lof á núverandi sjávarútvegsráðherra, þó sjávarútvegurinn sé í skuldafeni og friðunin hafi mistekist.  Þess vegna er þessi harða gagn´rynni sem þruma út heiðskíru lofti.

[Guðrún Þóra Hjaltadóttir, 8.12.2008 kl. 00:33]

Sigurjón, takk fyrir framlag þitt í Silfrinu í dag. Þú stóðst þig vel þó svo þú sért ekki að vestan.