Vítavert framferði Ingibjargar Sólrúnar

Ingibjörg Sólrún Gísladóttir sat á stífum fundum með Davíð Oddssyni þar sem hún fékk nákvæmar upplýsingar um stöðu mála, þar á meðal erfiðleika í efnahagslífi og þrönga stöðu bankanna. Það hlýtur að teljast vítavert að hafa ekki upplýst aðra ráðherra, ekki síst Björgvin sem átti að hafa eftirlit með bönkunum, um þessa gríðarlega erfiðu stöðu. Skorað hefur verið á Björgvin, þar á meðal frá ASÍ, að segja af sér en mér finnst standa Ingibjörgu nær að taka pokann sinn þar sem færa má rök fyrir því að skortur á upplýsingum - frá henni - til handa Björgvins hafi leitt til þess að hann hafi verið værukær og tekið þess vegna fullan þátt í klappliðinu í stað þess að bjarga því sem bjargað yrði, þar á meðal með stofnun dótturfélaga hjá Icesave í vor og takmörkun innlánasafnana Icesave í Bretlandi.

Menn tala um ábyrgð Árna og Björgvins sem er vissulega mikil en í allri sanngirni verður ekki annað sagt en að ábyrgð þeirra sé lítil miðað við ábyrgð höfuðpauranna, Ingibjörgu og Geir Haarde.

Hitti Davíð ekki í tæpt ár

Athugasemdir

[Rannveig H, 4.12.2008 kl. 12:49]

Er þetta ekki mergur málsins! Í upphafi skal endinn skoða. Þetta endar alltaf hjá þeim Ingibjörgu og Geir.Það er alveg sama hvað er velt sér upp úr allri spillingunni og allir benda á hvern annan þá bera þau fyrst og síðast ábyrgðina.

[Júlíus Björnsson, 4.12.2008 kl. 13:40]

Það er í verkahring, fyrst og fremst, Utanríkisráðherra, fjármálaráðherra og Viðskiptamálaráðherra, að vera upplýstir um stöðuna á alþjóðafármálamörkuðum, á öllum tímum. Í kjölfar falls "Lehman Brother" síðsumars 2007, voru öll teikn á loft að Íslensku bankarnir [og þeirra stærstu skuldunautar] yrðu meðal fyrstu sem myndu falla hinum megin atlands ála. Ástæðuna má rekja vafalaust til óeðlilegs vaxtarhraða Bankanna á erlendi grund, sem má rekja til útlána og innlánastefnu þeirra. Útlendingar láta nefnilega ekki bjóða sér það sem við heima látum bjóða okkur. Það er engin afsökun að halda ekki vöku sinni. Hinsvegar er ekki hægt að ætlast til þess að við séum að velta okkur upp úr alþjóðaumræðu viðskipta og fjármála, undir venjulegum kringumstæðum. Þar liggur hundurinn grafinn.

Ef þau hefðu unnið vinnu sína þá væri staðan önnur.

[Arnór Valdimarsson (IP-tala skráð) 4.12.2008 kl. 14:46]

Sammála, burt með spillingarliðið.

[Jakobína Ingunn Ólafsdóttir, 4.12.2008 kl. 15:52]

Ég hef á tilfinningunni að ISG sé í raun gengin í sjálfstæðisflokkinn og að aðrir samfylkingarráðherrar séu bara upp á punt og hafi ekki fengið alvöru upplýsingar. Björgvin kemur út eins og hálviti í þessu samhengi og ætti að vera löngu búin ða segja af sér virðingar sinnar vegna.

[Jón Valur Jensson, 4.12.2008 kl. 18:44]

Já, Sigurjón, það var vítavert að hafa ekki Björgvin bankamála á fundunum, og almennir félagsfundir Samfylkingarmanna ættu að víta
Ingibjörgu Sólrúnu fyrir að upplýsa ekki Björgvin um þá alvarlegu hluti, sem fram komu á fundunum um stöðu bankamála. Þess í stað stökk hún úr landi til að reyna að snapa stuðning við sæti í öryggisráðinu! Annað og þýðingarmeira öryggi þessarar þjóðar átti hún að hugsa um! – og það sama á við um Geir!

[Víðir Benediktsson, 4.12.2008 kl. 20:47]

Auðvitað er það vítavert kæruleysi ef hún hefur vitað eitthvað og ekki látið Björgvin vita. En hvar var Björgvin allan tímann? Talaði Seðlabankastjóri aldrei við hann? Svo kannski það sem verst er. Á bankamálaráðherra ekki að fylgjast með án þess að allt sé brytjað og tuggið ofan í hann? Datt honum aldrei í hug að spyrja neins?

[Landfari, 4.12.2008 kl. 21:00]

Enn og aftur komum við að ábyrgð fjármálaeftirlitsins sem heyrir undir viðskiptaráðherra. Það hefði átt að gera honum viðvart líka.

Alveg ar það samt furðulegt að bankamálaráðherra hitti ekki stjórn seðlabankans nema á ársfresti.

Ég er farinn að skilja betur þessar hugmindir sem eignaðar eru Davíð um utanþingsstjórn. Ef hinir eru ekki meira meðvitaðir um starf sitt en Björgvin er þessi sjórn það sem kalla mætti "utanviðsigstjórn"

[Magnús Helgi Björgvinsson, 4.12.2008 kl. 21:53]

Auðvita á bara að trúa öllu sem Davíð segir!!!! Það kemur nú fram í yfirlýsingu frá Ingibjörgu sem skráir hjá sér alla fundi að meintur fundur Davíðs með henni og Geir í júní er ekki á rökum reistur. Þau hittust víst í júlí og hann segði ekki á þeim fundi að hann teldi engar líkur á að bankarnir hefðu þetta af. Bendi á að Davíð skrifar undir skýrslur í maí sem segja að bankarnir séu meginatriðum traustir. Minni líka á að Davíð var settur í það síðast vor að skaffa landinu gjaldeyri og mistókst það með öllu. Værum ekki í þessari stöðu ef hann hefði staðið sig.

Passið ykkur á smjörklípum

[Rannveig H, 4.12.2008 kl. 23:07]

Það kom fram hér á blogginu að bankamálaráðherra hafi verið frekar upptekin í viðtölum hjá Séð&Heyrt  Hús og Híbýli og fleiri blöðum.

[Víðir Benediktsson, 4.12.2008 kl. 23:28]

Eru það ekki baugsmiðlar?

[Gunnlaugur B Ólafsson, 5.12.2008 kl. 00:03]

Skil ekkert í þér Sigurjón að vera alltaf að matreiða einhverjar smjörklípur á Samfylkinguna sem er okkur öllum mikilvæg og alltumvefjandi.

Eru ekki miklu fleiri sóknarfæri fyrir forpokaðan rasistaflokk að reyna að ná einhverjum fjöðrum af íhaldinu.

[Landfari, 5.12.2008 kl. 00:31]

Magnús Helgi, það var nú Björgvin sjálfur sem sagði að hann hefði ekki hitt seðlabankamennina í heilt ár. Ekki er það haft eftir Davíð.

Ég er farinn að hallast að því að hann hafi ekki gert sér grein fyrir í hvaða vinnu hann réð sig þegar hann varð ráðherra fyrr en eftir bankahrunið. Síðan þá henfur hann staðið sig ágætlega held ég.

En ef hann hefði verið á vaktinni fyrir þann tíma hefði kanski ekki komið til þess að bankarnir hryndu. Í það minnsta ekki með svona alvarlegum afleiðingum. En til þess að hann hefði getað það til fulls þurfti hann að treysta á fjármálaeftirlitið sem gersamlega brást. Það hafði og hefur heimildir sem aðrir hafa ekki til að skoða allt sem viðkemur bönkunum

[Júlíus Björnsson, 5.12.2008 kl. 01:56]

Síðasta vor var Ísland komið á svarta listan sbr. fyrirgreiðslur frá USA.

"Stærð seðlabankans miðað við stærð hinna bankanna" hljómar betur en "Stærð bankanna miðað við Seðlabankann". Vegna þess að aðgát skal höfð þegar um gjaldþrot banka er að ræða. 

[Guðrún María Óskarsdóttir., 5.12.2008 kl. 02:00]

Sæll Sigurjón.

Hafi einhver ekki gert sér grein fyrir því enn að Samfylkingin hefur siglt á bleiku skýi frá því sest var í ráðherrastólana, þá er það ljóst nú. Þegar vandræðin voru ljós þá var sama gamla platan sett á fóninn, um Davíð Oddson sem upphaf og orsök alls, svona til að dreifa athyglinn frá því að flokkurinn væri í ríkisstjórn.

kv.gmaria.

[Jón Valur Jensson, 5.12.2008 kl. 07:06]

Stundum verða "faðmlögin alltumvefjandi" kæfandi, Gunnlaugur.

[Sigurjón Þórðarson, 5.12.2008 kl. 08:11]

Það er merkilegt með þennan flokk sem kallast Samfylkingin að þegar sýnt hefur verið fram á að flokkurinn  standi nú vörð um spillingu, leynd og áframhaldandi mannréttindabrot að þá skuli forsvarsmenn Samfylkingarinnar ekki bregðast við með því að reyna að bæta ráð sitt

- Nei í stað þess þá forskrúfast leiðtogar og minni spámenn umræðuflokksins heiftarlega og reyna að útmála málefnalegar gagnrýnisraddir sem rasista.

[Rannveig H, 5.12.2008 kl. 08:46]

Leiðtogar forskrúfkast svo sannarlega, og saga þeirra verður notuð til kennslu inn í framtíðina ef þeir ná ekki að eyðileggja alveg þessa framtíð hér. Minni smámönnum fara nú ört fækkandi, en það eru til svona menn eins og Gunnlaugur sem sjá ljósið.

Gunnlaugur hvaða framtíðarsýn sérðu í flokknum þínum? Vertu málefnalegur og trúverðugur!