Löghlýðnir Pólverjar

Hún er forvitnileg, fréttin í Mogganum um löghlýðnu Pólverjana. Þar kemur fram að þeir brjóti lögin síður en aðrir landsmenn ef marka má tölfræðina sem liggur að baki. Ég tel að það geti verið mjög gagnlegt að ræða þessi mál opið og fordómalaust og leyfa hópum að eiga sitt lof og last með réttu. Það var vafasamt sem sjálfskipaðir verðir leyfilegrar umræðu ætluðu sér síðasta sumar og haust, þ.e. að koma í veg fyrir umræðu um öll afbrot í tengslum við innflytjendur.

Það kemur mér ekki á óvart að Pólverjar séu löghlýðnir en það er pottur brotinn í þeim málum sem varða afbrot erlendra ríkisborgara og hvernig tekið er á þeim, s.s. manna sem eru í farbanni eftir að hafa framið alvarlega glæpi. Þeir geta áfram farið út úr landinu eins og ekkert sé. Hið sama má segja um stórhættulegan eiturlyfjasmyglara sem var varla fyrr búið að vísa út úr landinu en var kominn hingað aftur.

Það er virkilega þörf á að taka á alvarlegum afbrotum útlendinga sem bitna á saklausum löndum þeirra.

Pólverjar þeir löghlýðnustu

Athugasemdir

[Geir Ágústsson, 6.1.2008 kl. 14:43]

Fréttin býður nú ekki upp á mjög alvarlega gagnrýni. Hún segir einfaldlega frá niðurstöðu tölfræðiæfingar sem felst í að deila fjölda ákæra með fjölda einstaklinga með sama ríkisfang og fá út niðurstöðu sem lendir svo í fyrirsögn.

Í Danmörku er allt annað uppi á teningnum - hérna eru innflytjendur eða 2. kynslóðar innflytjendur (sérstaklega frá Miðausturlöndum) í yfirgnæfandi tölfræðilegum meirihluta. Blessun Íslendinga hefur verið sú að setja innflytjendur/nýbúa ekki á félagslega spenann. Vinna göfgar manninn og það allt. 

[Guðjón Sigþór Jensson, 6.1.2008 kl. 14:46]

Nú eru meðaltalstölur sem liggja að baki þessum fullyrðingum. Miðað við hve fjöldi Pólverja er tiltölulega hár hérlendis er ekki óeðlilegt að hlutfall þeirra sem brjóta af sér sé af þeim ástæðum lágt. Annars er þetta með meðaltalsútreikningana alltaf mjög umdeilanlegt. Þekktur er samanburðurinn við það að hafa aðra löppina í sjóðandi vatni en -26C ísklump um hina löppina. Hvort tveggja er lífshættulegt en meðaltalslega ætti viðkomandi persónu að líða bara ósköp vel og ekkert að ama að!

Útreikningar sem byggjast á meðaltölum og prósentum eru því alltaf umdeilanleg aðferð en meðan enginn annar mælikvarði sem tekur á því þá verður ekki lengra komist í þessa átt.

Mosi 

[Júlíus Valsson, 6.1.2008 kl. 15:03]

Oft vitu ógörla
þeir er sitia inni fyrir
hvers þeir ro kyns, er koma;
erat maðr svá góðr
at galli né fylgi,
né svá illr, at einugi dugi.

...eins og ég hef áður sagt

[Guðrún María Óskarsdóttir., 7.1.2008 kl. 02:32]

Þjóðfélag og ríkistjórn sem samþykkir handónýtt fiskveiðistjórnunarkerfi eftir rúm tuttugu ár enn í notkun , gerir ekkert í því að skoða önnur mál Sigurjón,

kv.gmaria.

[Björg F (IP-tala skráð) 7.1.2008 kl. 07:44]

Kemur mér ekki á óvart. Er að vinna með fjöldan allan af pólverjum.. duglegt og heiðarlegt fólk sem reynir aldrei að koma sér undan vinnu eða er yfirleitt bara veikt.. Þar sem ég bý, búa líka nokkrir pólverjar.. reglusamir með afburðum. Þetta stemmir bara við mína reynslu..

[Frakkur (IP-tala skráð) 7.1.2008 kl. 09:51]

Ætla nú ekki að vera með fordóma en samt bendi ég á að stór hluti þessara Pólverja er hér tímabundið og vinnur einangrað og því kannski ekki mjög mikil tækifæri á lögbrotum, kannski þess vegna sem tíðnin er svo lág hjá þeim án þess að ég vilji fullyrða nokkuð um það