Ríkishagræðing Sjálfstæðisflokksins - Illa farið með fé

Hvaða almannahagsmuna er Sjálfstæðisflokkurinn að gæta?  Fyrir tveimur árum var varið  gríðarháum upphæðum til þess að endurnýja sláturhúsið í Búðardal vegna þess að þáverandi landbúnaðarráðherra tók upp á því hjá sjálfum sér að setja sláturhúsum mjög íþyngjandi reglur og gætti ekki jafnræðis við að framfylgja þeim. 

Það er grátbroslegt að ég man ekki betur en að núverandi landbúnaðarráðherra Einar Kristinn Guðfinnsson hafi haldið langa og ábúaðarmikla ræðu við vígslu endurbótanna haustið 2005.  Ræða Einars fjallið um mikilvægi stórhuga endurbóta  fyrir Dali og íslenskan landbúnað.  Nú mun sami maður nokkuð örugglega flytja þjóðinni þann boðskap að úreldingin sé mikilvæg aðgerð til hagræðingar í íslenskum landbúnaði. Ég efast stórlega um það enda hvíla allir þeir útreikningar á mjög hæpnum forsendum.

 

Ákveðið að úrelda sláturhúsið í Búðardal

Athugasemdir

[Guðrún Jóna Gunnarsdóttir, 27.12.2007 kl. 11:56]

Það sárgrætilega er að menn fara ekki einu sinni rétt með þær kostnaðartölur sem fóru í framkvæmdirnar. Nefna 70 milljónir í þeim efnum. Ég veit að þær upphæðir voru hærri, námu vel á annað hundrað milljónir. SKil ekki hvernig núverandi sveitarstjórnarmenn geta lifað með sjálfum sér né horft framan í spegil. Klúðruðu málum svo gjörsamlega á fyrstu mánuðum eftir kosningar þannig að KS tryggði markað sinn og samkeppnisstöðu.

Landbúnaðarráðherra er löngu búinn að tapa trúverðugleika sínum, bæði sem slíkur og sem sjávarútvegsráðherra. Hef ekki trú á framlengingu á hans veru á þingi eftir 3 ár.

[Árni Gunnarsson, 27.12.2007 kl. 12:19]

Guðrún. Hænsnahús kjósenda skoðar aldrei hverjir bera ábyrgð á því ástandi sem gerir þeim lífið leitt.

Kjósendur á Íslandi segjast nú ekki láta einhverja vitleysinga segja sér að svíkja flokkinn sinn!

En slátrunareinokun K S er einhver skelfilegasta eyðingarstefna útbyggðanna á landinu. Og á þessu ástandi bera tveir flokkar ábyrgð.

[Guðrún Jóna Gunnarsdóttir, 27.12.2007 kl. 23:39]

Þörf og réttmæt ábending um hegðun kjósenda Árni sem er með ólíkindum.

Sammála þér um eyðingastefnu KS sem virðist fá byr undir báða vængi og fullan stuðning núverandi ríkisstjórnar.

[Guðrún María Óskarsdóttir., 28.12.2007 kl. 01:37]

Já hvað er í gangi þarna Sigurjón ?

Hélt mig hefði ekki misminnt að varið hefði verð fé í þetta verkefni.

kv.gmaria.

[Sigurjón Þórðarson, 28.12.2007 kl. 10:22]

Þetta er allt mjög einkennilegt og furðulegt að sveitarfélagið skuli taki við einni 30 milljóna greiðslu í stað þess að leggja niður nýlega endurbætt fyrirtæki sem var einn stærsti atvinnurekandinn í sveitarfélaginu en hér er úr fundargerð Dalabyggðar þar sem fjallað er um málið.

Sveitarstjórn, fundur nr. 21
 Prentvæn útgáfaDags. 19. Desember 2007  18.12.2007

Fundur haldinn í sveitarstjórn Dalabyggðar þriðjudaginn 18. desember 2007 í
stjórnsýsluhúsinu í Búðardal og hófst kl. 16:00.

 

Mætt voru: Þórður Ingólfsson, Helga H. Ágústsdóttir, Ingveldur Guðmundsdóttir,

Guðrún Ingþórsdóttir í stað Höllu Steinólfsdóttur, Jón Egill Jóhannsson, oddviti,

Gunnólfur Lárusson sveitarstjóri, Þorgrímur Einar Guðbjartsson,

Einnig sat fundinn Magnína G. Kristjánsdóttir sem ritaði fundargerð á tölvu.

 

 

9. Sláturhúsið í Búðardal.

Meirihluti sveitarstjórnar Dalabyggðar  leggur fram eftirfarandi tillögu:
Sveitarstjórn Dalabyggðar samþykkir að beina því til stjórnar Sláturhússins
í Búðardal ehf. að hún þiggi tilboð um  kr. 30.000.000 styrk til úreldingar semí boði eru þannig að hægt verði að halda áfram uppbyggingu  atvinnustarfsemi í Dalabyggð. Fyrir liggur viljayfirlýsing frá Kaupfélagi Skagfirðinga um að leigja húsið í 7 ár og reka og þróa atvinnustarfsemi þar.

Fulltrúar V-lista í Dalabyggð leggja fram eftirfarandi breytingartillögu vegna
málefna Sláturhússins í Búðardal ehf.

Tillaga:

Sveitarstjórn Dalabyggðar, sem er stærsti hluthafi í Sláturhúsinu í Búðardal ehf, hafnar því að sláturhúsið í Búðardal verði úrelt.

Greinagerð:

Það kann að vera að ekki sé svigrúm fyrir sláturhús nú um stundir en aðstæður eru fljótar að breytast og það er ekki ólíklegt að innan fárra ára myndist á ný svigrúm fyrir fleiri sláturhús heldur en nú eru starfrækt. Skyndilegur áhugi Kaupfélags Borgfirðinga á húsinu fyrr á þessu ári, og sá órói sem myndaðist í framhaldinu, er gott dæmi um það. Þess vegna teljum við að sláturhúsinu og framtíðarrekstri þess, hvort sem er til slátrunar eða til annarra nota, betur borgið án úreldingar.

Kaupfélag Skagfirðinga er með leigusamning um húsið og meðan sá samningur er í gildi þá er mikilvægt að hann sé virtur. Samningur þessi tryggir þó ekki starfsemi nema út samningstímann. Þegar samningstíma lýkur er ekkert sem tryggir rekstur hússins og þá er komin upp sama ef ekki verri staða heldur en fyrir úreldingu.

Í framhaldi af fyrirhuguðum hluthafafundi er gert ráð fyrir því að Dalabyggð sýni aukið frumkvæði þegar kemur að málefnum sláturhússins. Farið verði ítarlega yfir stöðu mála og unnið útfrá þeirri ákvörðun að sláturhúsið verði ekki úrelt. Dalabyggð hafi frumkvæði að því að ræða við lánadrottna um endurfjármögnun og lengingu lána,auk þess að ræða við stjórnvöld og aðra sem að þessu máli koma. Gert verði ráð fyrir því að þessari vinnu verði lokið fyrir 1. apríl 2008 og að þá verði staðan endurmetin.

Reglugerð Nr. 651 sem gefin var út 3. september árið 2003 gerði ráð fyrir því að hægt væri að sækja um úreldingu sláturhúsa til 31 desember sama ár.
Engin reglugerð gerir ráð fyrir því að hægt sé að sækja um úreldingu eftir þann tíma og því hljóta að vakna spurningar þess efnis hvort hér sé lagalega rétt að málum staðið.

Breytingartillagan borin upp til atkvæðagreiðslu.

Tillagan felld með 5 atkvæðum gegn tveimur.

Tillaga meirihlutans borin upp til atkvæðagreiðslu.

Samþykkt með 5 atkvæðum tveir á móti.

[Árni Gunnarsson, 28.12.2007 kl. 14:51]

Ég er sammála Sigurjóni með að þessi afgreiðsla er einkennileg.

Reyndar miklu fremur óskiljanleg.

[Guðrún Jóna Gunnarsdóttir, 29.12.2007 kl. 00:38]

NB! Dalabyggð fær ekki þessar 30 milljónir, KS fær þær, hafi ég tekið rétt eftir. Sveitarfélagið fær hins vegar 4 millj vegna fasteignagjalda.

Svo virðist sem sveitarstjórnarmenn átti sig ekki á því að hægt er að láta þá sæta ábyrgð. Það finnst mér nauðsynlegt í þessu tilfelli. Þáttur Sjálfstæðismanna ekki minna ábyrgðarmál hér. 

[Guðrún María Óskarsdóttir., 29.12.2007 kl. 02:14]

Furðulegt og að sjá má einhver skilaboð einhvers staðar frá bak við tjöldin um slíkt , miðað við orðaval að venju.

kv.gmaria.

[Guðsteinn Haukur Barkarson, 31.12.2007 kl. 01:26]

Gleðilegt ár kæri Sigurjón ! Og takk fyrir yndisleg viðkynni á árinu!