Guðjón Arnar vel kryddaður - Geir saltaður

Það var virkilega gaman að fylgjast með vasklegri framgöngu Guðjóns Arnars Kristjánssonar  formanns Frjálslynda í umræðuþættinum Kryddsíldinni á Stöð 2 nú fyrr í dag.  Hann kom víða við og benti á að ASÍ hafi tekið upp skattastefnu Frjálslynda flokksins og að víðtæk sátt sé orðin um sjónarmið Frjálslynda flokksins í útlendingamálum 

Að vanda vakti Guðjón Arnar einn máls á því að nauðsynlegt sé að taka kvótakerfið í sjávarútvegi til gagngerrar endurskoðunar.  Það er staðreynd að kvótakerfið er ekki að gera sig en það er eins og að  umræða um það sé of erfið fyrir aðra stjórnmálaflokka en Frjálslynda flokkinn.

Guðni var einnig í nokkuð góðum gír enda hafði hann sér til aðstoðar sjálfan ævisöguritara sinn Sigmund Erni sem þekkti að eigin sögn betur til verka formanns Framsóknar en hann sjálfur.

Steingrímur J aðalritari VG átti óvenju dapran dag og reyndi hvað hann gat að hífa sig upp á kostnað annarra stjórnarandstöðuflokka.

Það var ólíkt að fylgjast með skötuhjúunum Geir og Ingibjörgu Sólrúnu. Geir var óvenju dapur í bragði og þungur, á meðan Ingibjörg Sólrún blómstraði og greinilegt að hún var glöð í bragði og hæstánægð með ráðherratign sína og nýja borgarstjóra Samfylkingarinnar.

Ég vil óska öllum lesendum bloggsins gleði og gæfu á nýju ári.

 

Athugasemdir

[Snorri Magnússon, 31.12.2007 kl. 17:56]

Að sjálfsögðu eru kvótamálin erfið fyrir velflesta stjórnmálaflokka á Íslandi, nema, kannski Frjálslynda flokkinn, því þeir hafa jú allir ákveðinna hagsmuna að gæta fyrir sig og félagsmenn sína í þessum efnum - ekki satt?

[Skilningur, 31.12.2007 kl. 18:40]

Ég skil.

[Óskar Þorkelsson, 31.12.2007 kl. 18:44]

Gleðilegt ár og farnist ykkur sem best á nýju ári

[Guðmundur Óli Scheving (IP-tala skráð) 31.12.2007 kl. 20:02]

Sæll Sigurjón.

Mér fannst alveg vanta allan kraft í formanninn. Hann varð afskiptur í umræðunni um efnahagsmál. Og það var bara engin kraftur í honum.Hann hafði tækifæri á að mótmæla þessum mótvæhisaðgerðum sem eru gerðar til höfuðs sjávarbyggðum og sjómönnum í landinu en gerði það ekki. Það vantaði kryddið í hann fannst mér.

En Gleðilegt ár.

[Guðrún María Óskarsdóttir., 1.1.2008 kl. 01:36]

Innilega Gleðilegt ár Sigurjón með þökk fyrir þau gömlu.

Guðjón var með sina yfirveguðu festu en Geir var í hálfgerðum vandræðum, saltaður er rétta orðið he he..

kv.gmaria.

[Birkir (IP-tala skráð) 1.1.2008 kl. 02:39]

...og skaupið svo það versta frá upphafi!

[Ottó Marvin Gunnarsson, 1.1.2008 kl. 05:19]

Gleðilega hátíð, ég óska þér alls þess besta á nýju ári.

FF munu ávalt hafa það fram yfir aðra flokka að þora að tala um þau mál sem aðrir vilja hellst bara sópa undir mottuna.

Birkir: Mér fannst skaupið fyndið og komu þarna skot sem ég er ennþá hlæjandi af, sérstaklega var ég hrifinn af hversu mikið innflytjendamál voru tekin fyrir svona "on the surface"

[Óðinn Þórisson, 1.1.2008 kl. 12:20]

Geir og Sólrún voru róleg og yfirveguð - greinilega sátt í nýja stjórnarsamstarfinu.
Skaupið-það lélegasta frá upphafi.

[Brjánn Guðjónsson, 1.1.2008 kl. 12:24]

bleh

[Ulla og Kalli (IP-tala skráð) 1.1.2008 kl. 17:41]

Gleðilegt ár félagi, með þökk fyrir það gamla.                                      Kveðja frá Húsavík.

[Jóhann Elíasson, 1.1.2008 kl. 19:53]

Gleðilegt ár Sigurjón og kærar þakkir fyrir það gamla, megi nýtt ár verða þér og fjölskyldu þinni gott.

[Halla Rut , 2.1.2008 kl. 11:09]

Það var virkilega gaman að fylgjast með þessum þætti og þá meina ég svona út frá mannlegu sjónarmiði. Gaman að sjá hvað Ingibjörg er "happy" enda draumur hennar uppfylltur. Varðandi Steingrím þá er eins og það heyrist ekki lengur hvað hann er að segja enda hefur hann sungið of lengi sama sönginn. Það verður forvitnilegt að sjá hvað gerist í næstu kosningum.

[Magnús Þór Hafsteinsson, 2.1.2008 kl. 13:58]

Gleðilegt ár félagi, og takk fyrir allt gamalt og gott.

[Jens Guð, 2.1.2008 kl. 20:25]

  Gleðilegt ár.  Guðjón stóð sig áberandi best.

[Gunnar Th. Gunnarsson, 2.1.2008 kl. 23:28]

Sannast nú hið fornkveðna að sínum augum lítur hver silfrið. Fannst einmitt Guðjón hafa afskaplega lítið að segja í þessum þætti.