Úr hörðustu átt

Hefur Bjarni Ármannsson ekki verið nokkuð stórtækur í innherjarviðskiptum.  Fengið lán í gegnum bankann til að kaupa hlut í Íslandsbanka og selja hann síðan bankanum. 

Nú er Bjarni Ármannsson kominn í Samfylkinguna og predikar gagnsæi launa.  Það eru heldur ekki margir sem hafa leyst til sín jafn háar fjárhæðir í svokölluðum kaupréttarsamningum.

Bjarni Ármannsson telur að efla þurfi Fjármálaeftirlitið

Athugasemdir

[Tjörvi Dýrfjörð, 27.4.2007 kl. 13:28]

Gerir þú þér grein fyrir þversögninni i blogginu hjá þér?
þú væntanlega veist af þessum kjörum Bjarna vegna þess að þau hafa verið gegnsæ. 

[Georg P Sveinbjörnsson, 27.4.2007 kl. 20:06]

Ekki sannfærandi málflutningur hjá Bjarna með þetta í huga...alls ekki.

[Vilhjálmur Þorsteinsson, 28.4.2007 kl. 23:41]

Hvaða bull er nú þetta?  Stjórn Glitnis (sem heitir ekki lengur Íslandsbanki) má semja við Bjarna um hvaða kjör sem henni sýnist, fyrir hönd hluthafa í bankanum.  Það eru jú hluthafarnir sem borga honum launin.  Stjórnin hefur kosið að tengja kjör Bjarna við gengi bankans með því að veita honum kauprétt að hlutafé í bankanum, eða með því að lána honum peninga til kaupa á hlutabréfum, sem hann myndi þá tapa á ef hlutabréfin lækka.  Það er nákvæmlega ekkert óeðlilegt við þetta, þótt Lenín og Stalín gætu vissulega verið mér ósammála um það.  Eru Frjálslyndir annars ekki frekar til hægri við miðju, eða vilja þeir fara til baka í miðstýrt efnahagslíf?

Svo Bjarni ekki endilega genginn í Samfylkinguna þótt hann mæti þar sem ræðumaður á fund og lýsi yfir stuðningi við afnám launaleyndar, sem er væntanlega skoðun sem hann hefur komið sér upp af reynslu sem stjórnandi stórs fyrirtækis.