Vísindaleg rök gegn kvótakerfinu

 

Fundur verður haldinn á Hótel Sóley Dalvík í kvöld, 26. apríl, kl. 20. Á fundinum mun Jón Kristjánsson fiskifræðingur halda stórfróðlegt erindi um mikinn árangur Færeyinga við að stýra fiskveiðum.   

Ég sem er þingmaður og líffræðingur mun kynna stefnu Frálslynda flokksins í sjávarútvegsmálum. 

Ummæli fundarmanns sem mætti á sambærilegan fund fyrir viku á Húsavík eru sem hér segir:

„Ég fór á þennan fund til þess að hlusta á Jón Kristjánsson fiskifræðing og hvað hann hefði fram að færa.

Niðurstaðan er þessi: Ég var gáttaður á þeim fróðleik og vísindum sem hann hafði fram að færa. Ég er gáttaður á að alþingismenn, fréttamenn, og aðrir sem vilja auka skilning sinn á umhvefinu skuli ekki leggja við hlustir og auka þekkingu sína með því að hlusta á önnur sjónarmið en þau sem eru mötuð ofan í okkur af Hafrannsóknastofnun. Bara gáttaður. Ég fer á ýmsa fundi og þetta er sá albesti fundur sem ég hef orðið vitni að.“ 

Athugasemdir

[Ásthildur Cesil Þórðardóttir, 26.4.2007 kl. 13:24]

Stóðst þig vil á fundinum í gær Sigurjón.  Áfram XF.

[Guðrún Magnea Helgadóttir, 26.4.2007 kl. 15:55]

Kvótamálið og ekki síst væntanleg lagataka á vatnalögum þar sem vatnið okkar á að komast í einkaeigu fárra útvalinna veldur mér áhyggjum, vatnið kemur til með að verða jafnvel verðmætara en allur fiskur og olía jarðar... Ég hef ferðast víða um heiminn og séð hvernig ár og vötn eru menguð af allskonar úrgangi svo erfitt er að lýsa því. Einu sinni í höfuðborg Thailands, Bangkok sat ég föst í umferðinni á umferðarbrú sem var önnur hæð af tveimur akvegum en neðst var á þar sem fljótabátar fluttu fólk á hraðleið.

Vatnið í ánni var svart eins og óunnin olía og þar sem ég vissi að enginn íslendingur myndi trúa mér þá tók ég myndir af svarta vatninu til að geta sannað mál mitt. Við íslendingar skrúfum frá krananum án þess að hugsa um hverskonar verðmæti við látum renna tímunum saman til einskis.

[Ragnar (IP-tala skráð) 26.4.2007 kl. 17:56]

Frábært framtak hjá ykkur Sigurjón! Verðið þið með svona fund hér fyrir sunnan í Rvk? það eru svo mörg mál sem hægt er að nefna sem réttlæta það að koma þessari ríkisstjórn frá að manni svimar stundum. Ég ætla núna að nefna þrjú mál: Kvótakerfið, vatnalögin og auðlindafrumvarpið. Þessi ríkisstjórn sérhagsmuna verður að fara frá. Það er kominn tími til að fá hér ríkisstjórn sem hugsar um landsmenn alla! Og eitt enn, Landsvirkun, þessi ríkisstjórn stefnir að því að einkaVINAvæða Landsvirkjun líka, það má alls ekki gerast!

[Jón Magnússon, 26.4.2007 kl. 19:29]

Sammála Ásthildi. Þú varst flottur. Áfram X-F

[Guðrún Magnea Helgadóttir, 26.4.2007 kl. 21:14]

Af hverju forðist þið frjálslyndir að tala um vatnalögin sem taka gildi ef núverandi stjórnvöld verða áfram við stjórn?

[Sigurður Þórðarson, 26.4.2007 kl. 23:39]

Þú hefur greinilega lítið fylgst með umræðunni. Fáir ef nokkrir hafa talað meira um vatnaólögin en einmitt Frjálslyndir.  Ef þú myndir fletta þingtíðindum myndir þú fljótlega sjá það.  Ef mig misminnir ekki talaði Magnús Þór Hafsteinsson manna lengst um það mál en gildistöku þess var frestað fram yfir kosningar.  En það þarf auðvitað að ræða margt annað líka. Það er með öðrum orðum margar brýnar  ástæður til að skipta um ríkisstjórn.

[PW, 27.4.2007 kl. 01:49]

Hmmmm?? Var ekki Jón Kristjánsson látinn fara sem ráðgjafi Færeyinga í sjávarútvegsmálum? Var ekki einnig gefin út tilkynning frá Færeysku ríkistjórninni fyrir nokkru um að hugmyndir hans um fiskveiðistjórnun hafi verið byggðar á gölluðum vísindum og því hafi hann verið látinn taka pokann sinn?

[Sigurjón Þórðarson, 27.4.2007 kl. 09:12]

 

Jón Kristjánsson fiskifræðingur hefur verið helsti ráðgjafi færeyskra stjórnvalda og er hann nýkominn úr ferð til Færeyja þar sem hann var m.a. gestur á fundi Fólkaflokksins. Ávarpi hans á fundi Fólkaflokksins var sérlega vel tekið og hér eru viðtöl sem tekin voru við Jón í Færeyjum í síðustu viku - um gagnsleysi þess að geyma fisk í hafinu  og um þorskainnrásina á Íslandsmið. Í Færeyjum hafa „sérfræðingar“ sem hafa lagt til grundvallar stærðfræðilega fiskifræði lagt árlega til 25-50% niðurskurð á aflaheimildum um áratuga skeið en stjórnvöld hafa nánast ekkert farið eftir þeim ráðum frá árinu 2000. Á þeim tíma hafa fiskistofnar í Færeyjum risið og hnigið í samræmi við það sem Jón Kristjánsson hefur spáð fyrir um.