Velkomin í Frjálslynda flokkinn

Ríkisstjórn Samfylkingar og Vg hefur valdið kjósendum sínum gríðarlegum vonbrigðum en þessi hluti fjórflokksins lofaði í aðdraganda kosninganna sem fram fóru fyrir einu og hálfu ári endurreisn, endurmati, réttlæti og sáttargjörð við þjóðina um breytingar á illræmdu kvótakerfi í sjávarútvegi.

Núna sitja fjölmargir kjósendur Vg og Samfylkingarinnar eftir með sárt ennið þar sem skjaldborgin reyndist lygaþvæla og þegar til á að taka varðseta um algerlega óbreytt ástand. Ríkisstjórnin hefur að vísu reist háa múra um þau kerfi sem ollu hruninu, s.s. óbreytt kvótakerfi, lífeyrissjóðakerfi, verðtryggingu og fjárglæframennina. Hún dekstrar hrunaliðið með skattfríðindum til atvinnurekstrar pólitískra vildarvina og hálaunaðri sérfræðivinnu í æðstu stjórn ríkisins.
Þeir sem vilja raunverulegar breytingar verða að þora að stíga fram og taka af krafti þátt í stjórnmálabaráttu þar sem endurreisnin mun ekki verða af sjálfu sér.  Þjóðin hefur ekki lengur efni á samtryggingu fjórflokksins og varðstöðu um kerfi sem fela í sér mannréttindabrot.

Oddviti Samfylkingarinnar í Norðvesturkjördæmi, Guðbjartur Hannesson, sem lofaði fólki réttlátum breytingum á kvótakerfinu býður fólki upp á að festa í sessi óbreytt kerfi til tveggja áratuga. Ósvífnin er þvílík að varaþingmaður Samfylkingarinnar, Þórður Már Jónsson, hafði ekki lengur geð í sér til þess að kenna sig við flokkinn. Mér finnst eðlilegt að almennir kjósendur Samfylkingarinnar velti því einnig fyrir sér hvort þeir eigi samleið með þessu ómerkilega svikaliði. Ég reikna með að fjölmargir kjósendur Samfylkingarinnar í Norðvesturkjördæmi svari þessari spurningu hikstalaust neitandi. Á þá hina sömu skora ég að koma til starfa í Frjálslynda flokknum. Frjálslyndi flokkurinn hefur frá stofnun barist af alefli fyrir skynsamlegum og réttlátum breytingum á kvótakerfinu og hefur ekki verið á jötu banka eða útrásarhyskis.

Frjálslyndi flokkurinn hefur sett stórt spurningarmerki við grundvallarforsendur kvótakerfisins sem hefur grafið undan byggðunum. Okkur veitir ekki af því að fara að fiska meira til að rétta af byggðirnar og allir sem eru sama sinnis ættu að leggja okkur lið.

Athugasemdir

[Haraldur Baldursson, 27.9.2010 kl. 23:45]

Í orkunni býr mikið verðmæti sem dýrt er að sækja. Sjávarnytjarnar, sem eru vannýttar geta gefið okkur miklu, miklu meiri auð og það án fjárfestingar (af því að flotinn ræður við aukninguna). Ábyrgir Samfylkingarmenn verða að þrýsta á flokkinn sinn til að nýta þau auðæfi sem hafið býður upp á. Gangi þær óskir ekki eftir hljóta þeir að snúa sér til þess flokks sem raunverulega þorir að standa með raunverulegri björgun Íslands.

[Réttlaeti (IP-tala skráð) 28.9.2010 kl. 23:48]

Thad er ljóst ad margir hafa brugdist.  Ef ekki verdur skapad eftirlitskerfi sem fylgist med stjórnmálamönnum thá er haetta á ad sagan endurtaki sig. 

Stjórnmálamenn hafa ekki gaett ad hagsmunum thjódarinnar.  Their hafa reynt ad fá sem mest út úr stödu sinni til thess ad audga sjálfa sig og sína vini.  Ekki er ólíklegt ad LÍÚ sé búid ad múta flestum althingismönnum.  Hver er annars skýringin á  takmörkudum hug thingmanna á ad afnema kvótaglaepakerfid sem brýtur mannréttindi?

Thad aetti flestum landsmönnum ad vera ordid ljóst ad gömlu flokkarinir eru svo gerspilltir ad their eru ónothaefir.  

Frjálslyndi flokkurinn virdist standa einn allra flokka med thjódinni í mikilvaegasta málinu:  Ad afnema kvótakerfid og tryggja ad allir hafi sama rétt á ad stunda sjávarútveg.   

Kreppan á eftir ad dýpka til muna.  Verd á fasteignum mun hrynja brádlega.  Thad verdur vonandi til thess ad starta heilastarfseminni í theim sem ávallt hafa kosid Sjálfstaedisflokkinn og Framsóknarflokkinn og fá thá til thess ad kjósa eitthvad annad í naestu kosningum.   Ad gefa gömlu flokkunum fjórum sitt atkvaedi er thad sama og segja:  Vid kunnum ad meta ykkar störf og erum ánaegd med ykkar "árangur" og kunnum ad meta thá stödu sem thjódin er í í dag.   

Thad breytist EKKERT ef fólk kýs aftur gerspilltu flokkana.  Ástandid verdur einungis verra.