Fá rök gegn því að þjóðin fái að segja sína skoðun

Það eru fá rök gegn því að Ólafur Ragnar Grímsson leyfi þjóðinni að segja skoðun sína á Icesave-samningnum.  Málið var pínt í gegnum þingið og greinilegt að sumir þingmenn Vg sem studdu málið gerðu það með óbragð í munni og eftir miklar fortölur Steingríms sem hefur persónugert málið.

Samfylkingin og Steingrímur ættu að vera ákaflega sátt við að þjóðin fái að segja sína skoðun í lýðræðislegri atkvæðagreiðslu en þingmenn stjórnarliðsins hafa á síðustu misserum flutt hástemmdar ræður um beint lýðræði og þjóðaratkvæðagreiðslur. Steingrímur J. var mikill baráttumaður fyrir því að þjóðaratkvæðagreiðsla færi fram um fjölmiðlamálið sem var miklu minna mál og þess vegna væri það stílbrot ef að formaður Vg berðist gegn því að þjóðin fengi að segja álit sitt á Icesave-samningnum.

Forseti tekur sér frest

Athugasemdir

[Kristján (IP-tala skráð) 1.1.2010 kl. 01:02]

Fengum við í alvöru að segja okkar álit á fjölmiðlafrumvarpinu? Ekki minnist ég þess. Eins voru margir þeir sem nú hafa hátt um málskotið til þjóðarinnar ekki mjög áfram um gjörninginn á þeim tíma.

[Jón Aðalsteinn Jónsson, 1.1.2010 kl. 12:47]

Gleðilegt ár Siurjón

Sammála þér að það eru fá rök fyrir öðru. En ég hef samt þá trú að hann skrifi undir en bíð spenntur eftir réttlætingunni,

[Sigurjón Þórðarson, 1.1.2010 kl. 19:28]

Gleðilegt ár - Jú ég reikna með því að hann átti sig á því að það er engin leið fyrir landið að standa undir þessum greiðslum.