Gylfi og Villi eru sætir saman

Það hefur oft komið upp í hugann hvort sameining ASÍ og SA sé á næsta leiti. Forystumenn samtakanna voru báðir jafn grunlausir gagnvart gríðarlegri skuldasöfnuninni og æpandi teiknum um að ekki væri allt með felldu í íslensku fjármálalífi. Þeir virðast einlægir fylgismenn vonlauss kvótakerfis sem markaði upphaf hrunsins, hefur komið í veg fyrir nýliðun í greininni og svipt fólk lífsbjörginni.

Núna í kvöld komu þeir sameinaðir sem aldrei fyrr, að vísu eilítið daprir í bragði yfir því að Seðlabankinn kæmi í veg fyrir að þeir næðu að endurnýja heit sín þann 1. júlí nk.

Ég var þeim sammála efnislega hvað varðar nauðsyn þess að lækka stýrivextina en óneitanlega var sérkennilegt að sjá þá leiðast svona einlæglega í Kastljósinu í kvöld. Það mátti sjá að þeim var sárt um að þurfa mögulega að skiljast á miðju sumri...

Athugasemdir

[Haraldur Baldursson, 5.6.2009 kl. 10:02]

Gylfi virkar oft eins og hann sé í röngum samtökum :-)

[Árni Gunnarsson, 5.6.2009 kl. 16:46]

Getur þú bent mér á það Haraldur í hvaða samtökum Gylfi gæti verið staddur án þess að vera í röngum samtökum?

Gylfi er býsna lipur við að tala en þar fyrir utan er hann allslaus.

[Haraldur Baldursson, 5.6.2009 kl. 19:18]

Kæri Árni.
Ég held að Gylfi sæti betur hinu megin við borðið. Hann er óttalega lítið sannfærandi sem fulltrúi vinnandi fólks. Mér finnst hann helst dæmi um hvernig bjúrókratíur geta af sér leiðtoga, sem sjá sinn hag sem fyrsta forgang samtaka sinn. Eða sérð þú þetta á annan hátt.