Steingrímur J. endurfæðist við komu Dalai Lama

Koma Dalai Lama hefur haft ýmislegt jákvætt í för með sér þó að Kínverjarnir hafi fuðrað upp með miklum hvelli. Það er áberandi að fjármálaráðherra virðist núna fyrst vera að átta sig á umfangi vandans í íslensku efnahagslífi, núna þó nokkrum mánuðum eftir hrunið og sömuleiðis þó nokkrum vikum eftir kosningarnar.

Helsta hættan er að hann endurfæðist í líki Geirs Haarde og geri áfram ekki neitt.

Það er fjandanum merkilegra að menn skoði ekki einu sinni að auka veiðiheimildir. Í stað þess er miklu púðri varið í að skoða áhrif fyrningarleiðar í sjávarútvegi.

Nefnd skoðar áhrif fyrningarleiðar

Athugasemdir

[Sigurður Þórðarson, 4.6.2009 kl. 14:39]

Það á að skipa nefnd.

Þeir hafa orðið fyrir hughrifum og stefna úr hugleiðslu yfir í kóma.

[Draugur (IP-tala skráð) 4.6.2009 kl. 14:43]

Sigurjón, þú ert menntaður líffræðingur og hefur víðtæka reynslu. Segðu okkur þitt mat á nýlegum fréttum af rannsóknum, sem virtust benda til þess að grunnsævisþorskur gæti verið í útrýmingarhættu hér við land? Þetta hljómaði mjög undarlega í eyrum alþýðufólks eins og Draugsins og væri fróðlegt að lesa skilgreiningu á þessu á mannamáli. Treysti þér til að gera það.

[Sigurjón Þórðarson, 4.6.2009 kl. 15:07]

Draugur það er hér neðar á síðunni umfjöllun um þessa rannsókn og sömuleiðis skrifaði ég nokkrar athugasemdir um hana á síðu Arnars Pálssonar erfðafræðings en hér er ein þeirra:

Hvað varðar þennan pappír sem hér um ræðir sem ég renndi í gegnum í fljótheitum, þá virðist hann ekki vera skrifaður af mikilli yfirvegun og niðurstaðan sem dregin er af mismunandi dreif ákveðinna arfgerða vera brjálæðislega víðtæk.

Man the hunter has become a mechanized techno-beast, a highly efficient predator. In particular, commercial fisheries searching for fish with computerized fish-finders and airplanes and scooping up fish with several thousand-ton capacities with ships powered by several thousand horsepower engines are a case in point

Ofangreindur texti gefur ekki til kynna ákveðna fordóma gagnvart undirstöðuatvinnugrein þjóðarinnar.  Fljótt á litið þá virðist samkv. grafi um dreif A arfgerðar þar sem að niðurstaðan er að A haldi sig á grunninu, sé ekki mjög afgerandi og sömuleiðis er ekki gert grein fyrir dreif B.  Í greininni er sömuleiðis greint frá því að grunnsævismið séu aðallega fyrir norðan land en B arfgerðin fyrir sunnan þar sem djúpsjávarmið er helst að finna, en kaflinn sem þar sem fjallað er um að mögulegar breytingar á dreif megi skýra út frá breytileika út frá hafsvæðum er ekki mjög afgerandi.  Rannsakendur finna það út að A og B arfgerðum fækki mismunandi mikið á milli 4 ára og 8 ára en út frá því eru dregnar stórkallalegar ályktanir um hæfni út frá mismunandi arfgerða eins gens.

Fátæklegum en engu að síður áhugaverðum niðurstöðum er síðan blandað inn í minnkandi þorskgegnd við Kanada sem varð reyndar af völdum breyttra umhverfisaðstæðna.

Niðurstaðan er samkvæmt rannsókninni, algjört hrun eftir nokkur ár! 

Þetta eru vægast sagt hraustlegar ályktanir sem ganga vel í fjölmiðlagengið á flestum stöðvum en ættu að misbjóða gagnrýnum líffræðingum. 

(ath leiðrétting frá aths. á síðu Arnars Pálssonar)

[Jón Steinar Ragnarsson, 4.6.2009 kl. 18:50]

Það eru góðar fréttir að fjármálaráðherra skuli vera að átta sig á þessu síðastur manna. Raunar vantar eitthvað upp á að forsætisráðfrúin sé alveg komin úr lalalandi.

Frábært skjaldborgartiltæki að hækka bensíngjöld til að keyra vísitöluna upp fyrir skuldug heimilin og skrúfa upp verðbólgu. Finnst ekki betra úrræði til þess að gera fljótt og vel út af við fólk. Merkilegt að AGS hafi ekkert fundið að því.

Nú er nokkuð víst að fólk á enga úrkosti aðra en að segja "við borgum ekki. "  Ekki gefið meira fyrir enduréisn bankanna en það.

Vart þarf að nefna það að ætla sér að lúta hótunum þjóðverja og hollendinga. Góður forleikur að því sem bandalagið býður upp á. Vitnisburður um atkvæðavægi Íslendinga í því úlfagreni. Þetta fólk er gersamlega viti firrt.

Ég er ekki viss um að fegurðardrottningafílosófía Lamans hafi nokkuð með það að gera.

[Jón Steinar Ragnarsson, 4.6.2009 kl. 18:54]

Sennilega er stefnt að Nirvana Kurt Cobain frekar en hinu. Við fáum öll að vera með í því transi, hvort sem okkur hugnast eður ei.

[Kjartan Magnússon, 10.6.2009 kl. 23:13]

Þú bloggar stórskemmtilega, og hefur greinilega sömu skoðun og ég á þessu fólki.....

http://kje.blog.is/blog/kje/