Guðlaugur bólgnar í stað þess að stinga á kýlunum

Öll spjót stóðu í gær á Guðlaugi Þór út af samtals 22 milljóna króna reikningi í heilbrigðisráðuneytinu í meira en heilt ár. Ekki ætla ég að fjölyrða um það hvernig þessum fjármunum var varið, vel eða illa, en hitt liggur þó á borðinu að í gegnum tíðina hefur viðgengist ótrúlegur fjáraustur hins opinbera vegna kaupa á sérfræðiþjónustu. Fyrirspurn á Alþingi og svar við henni leiddi það í ljós að hið opinbera varði á árinu 2003 rúmlega 5 milljörðum króna í kaup á sérfræðiþjónustu. Það hefur tíðkast að fólk er ráðið í tímabundin störf hjá ríkinu án auglýsingar. Samfylkingin hefur verið mjög drjúg við það á þessu kjörtímabili og reikna má með að reikningar vegna þessa séu eitthvað hærri en þessar 22 milljónir. Er til of mikils mælst að fá eitthvert samhengi í hlutina? Hverju var t.d. eytt í sérfræðiþjónustu í iðnaðarráðuneytinu á árinu 2008?

Ég held að þrátt fyrir að Guðlaugur gæti hugsanlega komið sér undan spjótalögunum veigri hann sér við því vegna þess að þá byrji menn að stinga á fleiri kýlum - og upp komi sitthvað misfagurt um fyrrum formann flokksins sem sjálfstæðismenn hafa slegið skjaldborg um.

Athugasemdir

[Guðrún Hlín (IP-tala skráð) 25.2.2009 kl. 09:31]

Það sem verra er að ennþá er til fólk sem ætlar að hjálpa þessum siðspillta flokki BRAUTAGENGI til VALDA Á ÍSLANDI.

[Júlíus Valsson, 25.2.2009 kl. 12:28]

Ekki veit ég af hverju Gulli er tekinn svona fyrir. Þessu umræða er algjörlega út í hött án þess að fá að sjá samanburð við önnur ráðuneyti. Þetta er afspyrnu léleg blaðamennska. Fjölmiðlar eða þeir sem þeim stýra virðast hafa ákveðið að koma höggi á hann.

[Gunnar Sigurðsson (IP-tala skráð) 25.2.2009 kl. 12:37]

Við þetta má bæta að heildarútgjöld ríkisins frá árinu 1998 - 2007, árin reiknuð á verðlagi 2007, jukust um 23 % á tímabilinu.

mest aukningin varð á milli 2006-2007

kv. ilmandi VgUnnar

[Gísli Foster Hjartarson, 25.2.2009 kl. 13:01]

Öll ráðuneyti eiga náttúruelga að vera með svona uppi á borðinu svo fólk sjaí hvað er í gangi og geti gagnrýnt og bennt á hluti til að halda fólki á tanum, það hlýtur að vera heiðarlegasta og besta leiðin, ja ekki nema að fólk sé sífellt að maka eigin krók þá skil ég vel að þetta lið vilji hafa þetta helst á botninum á skúffunni.

Eins finnst mér líka með ólíkindum að Lúðvík Bergvins. sé enn með þetta ábyrgðarmannafrumvarp í höndunum - mér finnst eitthvað svo sjálfsagt að þessu sé breytt og að maður þurfi ekki að leggja alla ættina að veði til að fá 1000 kall að láni.

[Jónína (IP-tala skráð) 25.2.2009 kl. 18:45]

Það þarf alveg klárlega að hafa allt svona upp á borðinu á vefsíðum ráðuneytanna, ekki bara hvers konar þjónustu verið er að kaupa heldur líka hversu mikið á að greiða fyrir hana ásamt myndarlegum rökstuðningi.

[Jakobína Ingunn Ólafsdóttir, 25.2.2009 kl. 23:56]

Það mætti nú skoða vinagreiðanna hjá fleirum. Mér skilst að Össur og fleiri í samfylkingu hafi gaukað litlum 7 milljónum að fyrirtæki Kristjáns Guy Burges sem nú er aðstoðarmaður Össurar. Auðvitað í boði skattgreiðenda. Ágætt væri líka að vita hvað Capacent hefur haft í tekjur frá ráðuneytum samfylkingar á síðastliðnu ári.