Leita í fréttum mbl.is

Liður í ritskoðun Framsóknar

Það er auðvelt að skilja að sjálfstæðismenn sem eru skoðanajárnaðir við gamla formanninn vilji tefja fyrir afgreiðslu seðlabankafrumvarpsins sem gengur meira og minna út á að Davíð Oddsson, sem hvorki hefur traust ríkisstjórnarinnar né fjölmargra annarra, hætti í Seðlabankanum. En það er erfiðara að fá nokkurn botn í það hvað Höskuldi Þórhallssyni gengur til sem vildi bíða með að afgreiða frumvarpið úr viðskiptanefnd. Hann hefur átt náið samráð við formann Framsóknarflokksins um hvernig ætti að tefja málið.

Alþjóð veit að Sigmundur er gríðarlega sár út í Samfylkinguna vegna umræðu um fjármál sín og tengingu við Ólaf Ólafsson, Finn Ingólfsson og Halldór Ásgrímsson. Þetta virðist vera einhvers konar liður hjá Framsóknarflokknum í að stöðva umræðuna sem þeir kenna eingöngu Samfylkingunni um. Þeir gera þá ekki ráð fyrir því að aðrir en flokksbundnir samfylkingarmenn geti verið sömu skoðunar á málinu.

Mér finnst gott að vinur minn Birkir Jón falli ekki í þessa gryfju, enda er hann skæður briddsari sem sér að þessi kapall formanns Framsóknarflokksins gerir bara illt verra. Svo hafa verið uppi ýmsar kenningar, s.s. að Höskuldur hræðist mjög prófkjörsslaginn við Siglfirðinginn og sé þess vegna á leið í Sjálfstæðisflokkinn. Siglfirðingar hafa sýnt það og sannað að þeir eru nánast heimsmeistarar í prófkjörum.


mbl.is Lausn ekki fundin
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Nú er gaman. Jóga flugfreyja mætir í TV með sinn rauða varalit og skilur ekkert í málinu. Eina sem hún segir er : Við tölum ekkert um efnahagsmál hér í þinginu, vandamál heimilina né fyrirtækja fyrr en Davíð er farinn út. Meðan Róm brennur er þetta hennar framlag, merkilegt en skiljanlegt þegar maður veit hvernig hún hugsar. Nú brosir líklega ISG sem henti þessu eitraða epli í fang Jógu.  

Örn Johnson ´43 (IP-tala skráð) 23.2.2009 kl. 22:30

2 Smámynd: Benedikt Halldórsson

Er það virkilega svo að þingmaður "tefji" mál vegna þess að eitthvað annað en sannfæring hans um ágæti málsins, búi að baki? Er það virkilega svo að hlutverk stjórnarþingmanna sé aðeins að samþykkja allt sem frá ráðherrum kemur?

Benedikt Halldórsson, 24.2.2009 kl. 01:07

3 Smámynd: Sigurður Sveinsson

Það er dagljóst að Höskuldur tekur þetta mál föstum vettlingatökum.

Sigurður Sveinsson, 24.2.2009 kl. 06:36

4 identicon

Framsóknarflokkurinn er að verða dragbítur í núverandi ríkisstjórn og skoðanakannanir sýna að fylgi við flokkinn fer ört dvínandi. Það væri fínt að fá það upplýst hér og nú hver fjármálatengsl Sigmundar eru við framsóknarfjárglæframennina Finn Ingólfsson og Ólaf Ólafsson.   

Stefán (IP-tala skráð) 24.2.2009 kl. 11:01

5 Smámynd: Rannveig H

Ég velti því fyrir mér hvort Framsóknarflokkurinn  sé enn þessi hagsmunarsamtök sem þeir voru, og hvort þetta hafi bara verið plat að þeir ætluðu að gerast pólitískur flokkur með nýtt fólk.

Rannveig H, 24.2.2009 kl. 11:52

6 Smámynd: Jóhann Ólafsson

Þessi skýring frá þér segir líklega meira um þig og þín vinnubrögð en framsóknarmenn. Það er gott að þú ert ekki lengur á þingi.

Jóhann Ólafsson, 24.2.2009 kl. 12:55

7 Smámynd: Sigurjón Þórðarson

Jóhann ég er bara ljómandi ánægður með að ég hafi getað glatt þitt hjarta og þá sérstaklega núna á viðsjárverðum tímum.

Sigurjón Þórðarson, 24.2.2009 kl. 14:00

8 identicon

Það er ekki eins og FJÖLSSYLDUR séu að missa heimilin sín í þessu þjóðfélagi. Þessu svikulu  vinnubrögð eru ekki GJALDÞROTA Þjóð bjóðandi.

Guðrún Hkín (IP-tala skráð) 24.2.2009 kl. 16:44

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband