Hvers vegna mótmælir Hörður Torfa ekki mannréttindabrotum VG?

Leiðtogi Vinstri grænna sem hefur lengi verið fylgismaður óréttláts kvótakerfis í sjávarútvegi og samþykkti framsalið á sínum tíma gæti breytt einni reglugerð og komið í veg fyrir að stjórnvöld haldi áfram mannréttindabrotum þeim sem þau hafa fengið ákúrur fyrir hjá mannréttindanefnd Sameinuðu þjóðanna.

Það er ekki ólíklegt að Hörður Torfa mun taka þetta mál föstum tökum þegar hann verður búinn að hlusta á erindi Aðalheiðar Ámundadóttur í kvöld á borgarafundi í Háskólabíó.

Athugasemdir

[Björn Halldór Björnsson, 17.2.2009 kl. 03:53]

Ég var nú búin að skrifa langa færslu en hún þurrkaðist út sökum tæknilegra örðugleika.
---

Mér þykir það áhugaverð kenning hjá þér.

Vilt þú meina það að VG (sem var stofnaður 1999 útfrá Alþýðuflokknum 9 árum eftir þessa umtöluðu atkvæðagreiðslu sem var 1990) Sé enn í dag 19 árum eftir það sami flokkurinn? Eða vilt þú meina það að Steingrímur SÉ FLOKKURINN, einráður?

Annars eru breyttir tímar og á því sem heyrst hefur frá Steingrími undanfarið þá heyrist mér ekki betur en hann hafi áttað sig á mistökunum og sé líklegur til að endurskoða þau. Veit reyndar ekki betur en VG hafi lagt fram tillögur þess efnis áður, Þó vissulega sé ég skeptískur á ýmsa þætti.

Finnst þetta samt hljóma eins og tilraun til að eyðileggja fylgi VG þó ég voni að þið í F séuð að beita VG þrýstingi.

[Gústaf Gústafsson (IP-tala skráð) 17.2.2009 kl. 10:35]

Ertu þeirrar trúar eins og Mogginn í ,,gamla daga" að nóg sé að endurtaka þvæluna nógu oft, þá verði hún að sannleika?

Þessi endalausi áróður þinn gegn VG og að þeir standi fyrir mannréttindabrotum er einhvers konar ,,sannleikaþroskaröskun". Eða eru Frjálslyndir búnir að koma sér upp sérstakri ,,skólpkeild" eins og Sjálfstæðisflokkurinn?

Kveðja að vestan 

[Sigurjón Þórðarson, 17.2.2009 kl. 10:58]

Björn Halldór, markmiðið er fyrst og fremst að ná þessu máli í gegn. Eins og Aðalheiður Ámundadóttir sagði á borgarafundi í gær: Hvaða skilaboð eru það til þjóðarinnar ef álit mannréttindanefndar eru látin eins og vindur um eyrun þjóta? Hvað verður um önnur mannréttindabrot stjórnvalda í framtíðinni? Hvaða fordæmi er VG að setja?

Gústaf, ég er bara að draga fram kaldan veruleikann, SJS er jafn harðsvíraður og Einar Kristinn Guðfinnsson í að vanvirða mannréttindi Íslendinga. Megi hann sjá að sér. Ég er þó því miður ekki bjartsýnn eftir að hafa hlýtt á hann á borgarafundinum í gærkvöldi.

[Sigurður Sveinsson, 17.2.2009 kl. 12:39]

Gakktu bara í VG og komdu þínum málum í gegn innanfrá. Þú myndir bara sóma þér vel í þeim flokki.

[Þórbergur Torfason, 17.2.2009 kl. 13:46]

Sigurjón, ég sé að þú ert á réttri leið. Núna læturðu nægja að tala um framsalið sem mannréttindabrot og er það allt í áttina hjá þér. Þú endar í VG innan tímamarka.

Þó kem ég ómögulega auga á það fordæmi sem þú talar um að VG sé að setja. Það hefur margkomið fram að sú ríkisstjórn sem nú situr hefur ekki tíma til að lagfæra allar skrokkskjóður sem gerðar hafa verið síðustu áratugi. Annars er svo margt að skjótast upp á yfirborðið þessa dagana eða eftir að var farið að upplýsa um hvað gengi á að maður tekur öllu með varúð.

[Vilbogi Magnús Einarsson (IP-tala skráð) 17.2.2009 kl. 19:37]

Þetta er athygli vert allir, en maður sá Steingrím Jóhann sökkva í sæti sitt þegar og í hvert skipti sem umræðan varð á þessum nótum. Verðist fimlega með að þurfa að svara spurningu Eiríks Stefánssonar, sem nota bene í langan tíma koma með hnitmiðaða spurningu á fundinum.

Athygli vakti líka röggsemi Ögmundar sem svaraði þessari spurningu ærlega, og verður kominn í Frjálslynda áður en við vitum af.

Hitt er svo með þessa blessuðu stjórn og títtnefndan Ögmund að hann hefur verið vel hæfur í því starfi sem hann er þekkastur fyrir þe. B.S.R.B og má draga það fram að Davíð Oddsson situr makindalega undir hans verndarvæng.

Ætli Ögmundur sé ekki stoltur núna?