Landsþing Frjálslynda flokksins - Hermundur Rósinkranz

Landsþing Frjálslynda flokksins verður haldið á Snæfellsnesinu 13.-14. mars næstkomandi. Satt best að segja var ég ekkert áfjáður í að halda þingið í Stykkishólmi en fyrst það var einlægur vilji okkar ástsæla leiðtoga Guðjóns Arnars Kristjánssonar lagðist ég ekki hart gegn því, enda á ég fjölmarga ættingja, vini og kunningja á nesinu þar sem ég er „kominn af vondu fólki“ sem hefði vafalaust gaman af að líta við á landsþinginu.

Það sem ég hafði mestar áhyggjur af vegna landsþingsins var dagsetningin, þ.e. að hefja það föstudaginn þrettánda þriðja. Þess vegna tók ég upp símann og sló á þráðinn til Hermundar Rósinkranz og lýsti áhyggjum mínum. Hermundur huggaði mig með því að dagsetningin væri ekki slæm og gæti verið góð til umskipta og mikilla breytinga.

Hermundur hefur oftar en ekki reynst sannspár um framvindu mála. Mér kæmi því ekki á óvart þótt það yrðu mikil umskipti og meiri slagkraftur í framhaldi af þinginu. 

Athugasemdir

[Baldur Kristjánsson, 10.2.2009 kl. 18:18]

Ert þú formannskandidat?  kv. B

[Arnar (IP-tala skráð) 10.2.2009 kl. 18:34]

Það er endalaus neikvæðni hjá ykkur um hvar landsfundurinn á að vera.

Hvernig væri að vera jákvæðari og minna á málefni flokksins heldur en að væla yfir hvað þetta er haldið.

Reykjavík er ekki nafli alheimsins og þú af öllum mönnum ættir að vita það :)

[Sigurjón Þórðarson, 10.2.2009 kl. 18:38]

Satt best að segja er ég mjög jákvæður og bjartsýnn eftir að hafa talað við Hermund.

Ég er sammála þér Krókurinn er naflinn.

[Oddur Helgi Halldórsson, 10.2.2009 kl. 20:59]

Sagði Hermundur þér, hvort Guðjón Arnar sé á leið í samfylkinguna?

[Gunnar Skúli Ármannsson, 10.2.2009 kl. 21:26]

Hermundur hefur oft verið sannspár. Sjálfsagt er farsælla að treysta honum en Seðlabanka eða viðlíka stofnunum. Ég myndi hugsa minn gang vel Sigurjón.

[Sigurjón Þórðarson, 10.2.2009 kl. 21:28]

Oddur Helgi ég reikna með að það sé eitthvað DV bull sem þeir lepja upp eftir herra Össuri utanríkisráðherra með meiru.

[Rannveig H, 10.2.2009 kl. 21:34]

'Eg myndi nú leita álits hjá nýja þingkonunni hjá Frjálslyndum svona til að þetta sé pottþétt tveir spámiðlar hljóta að vera betri en einn .

[Sigurjón Þórðarson, 10.2.2009 kl. 23:30]

Já ég reikna með að ég leiti álits hjá henni innan skamms en hún er pottþétt.

[Sigurður Þórðarson, 11.2.2009 kl. 10:09]

Ég sem var farinn að halda að landsfundurinn yrði á við huggulega fermingarveislu. En Hermundur Rósinkranz er forspár og fyrst hann telur að þessi dagsetning boði miklar breytingar þá myndi ég ekki afaskrifa það, síður en svo. Þvert á móti má reikna með að þetta verði sögulegt þing.

[Sigurður Pálsson (IP-tala skráð) 11.2.2009 kl. 20:35]

Sigurjón,miðað við skrif þín og annað sem frá þér hefur komið,ertu á leið úr FF og til XD?

Kv Siggi P 

[Sigurjón Þórðarson, 11.2.2009 kl. 22:02]

Þetta er einhver misskilningur en ég var einmitt að leggja símann á en í honum var maður sem vildi að ég leysti Guðjón af.

[Halla Rut , 11.2.2009 kl. 23:51]

Þú ert alveg milljón - þetta er fyndnast færsla á árinu.

Enda lítið annað hægt að gera en að gera grín að þessu.