Heimssýn kynna mannréttindabrot sem góðan kost

Heimsýn eru samtök sem beita sér gegn aðild Íslands að Evrópubandalaginu sem kunnugt er.

Um helgina þá halda samtökin ráðstefnu um sjávarútvegsstefnu ESB annars vegar og íslenska kvótakerfið hins vegar.  Íslenska kvótakerfið  brýtur í bága við mannréttindi og hefur rústað sjávarbyggðunum.  Við val á frummælendum ber ekki á öðru en að samtökin telji íslenska kvótakerfið afar góðan kost þrátt fyrir að þorskafli á Íslandsmiðum hafi ekki verið minni hér við land í heila öld.

 

Athugasemdir

[Haraldur Hansson, 9.1.2009 kl. 13:11]

Hvað svo sem mönnum kann að finnast um Heimssýn og ESB eða íslenska kvótakerfið, þá sé ég ekki hvernig auglýsingin sem þú vísar á geti þýtt að fundarboðandi kynni "mannréttindabrot sem góðan kost".

Það eru skráðar sex spurningar sem fundarefni. Sú síðasta er um hvort breyting yrði á kvótakerfinu við inngöngu í Evróusambandið. Aðrar varða samningsaðstöðu, verndum veiðisvæða o.fl., en hvergi lýst stuðningi við óbreytt kvótakerfi. Hvað þá mannréttindabrot.

Enda er kvótakerfið sjálft ekki viðfangsefni fundarins heldur sjávarútvegur í breyttu umhverfi ef til inngöngu í Evrópusambandið kæmi.

[Sigurjón Þórðarson, 9.1.2009 kl. 15:38]

Mér finnst þetta merkileg nálgun Heimssýnar að kvótakerfið sé ekki viðfangsefni fundarins en samt sem áður breytingar á umræddu kerfi við inngöngu í Evrópusambandið.

Ég hef kynnt mér stöðu sjávarútvegs í Evrópusambandinu og farið nokkrar ferðir til Bretlands og víðar ásamt Jóni Kristjánssyni fiskifræðingi og Jörgen Niclasen m.a. héldum við erindi í fiskveiðinefnd Evrópusambandsins. 

Málið er að fiskveiðistjórn ESB og á Íslandi er algerlega misheppnuð og byggir á mjög vafasamri líffræði sem gengur m.a. út að fiskveiðar séu helsti affallþáttur fiskistofna og sá eini sem skiptir einhverju máli varðandi vöxt og viðgang þeirra. 

Það má þó segja að Evrópusambandinu til hróss að það virðist vera opnara fyrir að hlýða á ólík sjónarmið hvað varðar grundvöll fiskveiðistjórnar.

[Sigurgeir Jónsson, 9.1.2009 kl. 21:51]

Þú mætir Sigurjón.Taktu Grétar Mar með þér og Eirík.

[Sigurjón Þórðarson, 9.1.2009 kl. 22:04]

Sigurgeir ég verð fyrir norðan og kemst því ekki en ég reikna með því að fátt merkilegt komi fram, enda er verið að bera saman kúk og skít.

[Helgi Jóhann Hauksson, 9.1.2009 kl. 22:47]

Heimssýn er einn armur kvótabarónanna. Það sannast hér bara eina ferðina enn.

[Sigurjón Þórðarson, 10.1.2009 kl. 12:55]

Já það er spurning hvað þessi félagsskapur gengur út á

Formaður: Ragnar Arnalds, rithöfundur.
Varaformaður: Sigurður Kári Kristjánsson, alþingismaður.
Gjaldkeri: Bjarni Harðarson, alþingismaður.

Mér sýnist stjórnin vera skipuð miklum kvótavinum.