Síldarsjúkdómurinn getur verið jákvæð teikn

Í gær bárust fréttir af því að sjúkdómur herjaði á síldina, allt virðist vera í miklum voða núna, ríkisstjórnin fer á taugum og menn skjóta á neyðarfundum. Það fyrsta sem mér datt í hug var að nú væri síldarstofninn að stækka, en venjan er að við aukinn þéttleika fiska aukist sjúkdómar.

Ég gat ekki betur heyrt en að Gísli Jónsson fisksjúkdómalæknir væri á sama máli og ég, að eina vitið væri að auka veiðar og gefa þær frjálsar. Eitthvað virðist það þó standa í Einari Kristni sem finnst miklu léttara að skera niður en að leyfa auknar veiðar.

Það er ótrúlegt að verða hvað eftir annað vitni að því að ekki er stuðst við vist- og líffræðileg rök við veiðistjórnina, heldur einungis umdeild bergmálstæki og reiknislíkön.

Núna er t.d. vöxtur þorsksins í sögulegu lágmarki en samt sem áður vill Einar Kristinn ekki auka veiðiheimildir - þrátt fyrir að þjóðina bráðvanti gjaldeyri.

Nú benda allir á Davíð, að hann sé ein helsta meinsemdin í íslensku efnahagslífi. Ég held að það sé rétt að líta í fleiri áttir.

Athugasemdir

[Óskar Þorkelsson, 1.12.2008 kl. 19:20]

ég hugsaði það sama.. moka henni upp og bræða hana .. med det samme.

[Haraldur Bjarnason, 1.12.2008 kl. 19:31]

Auðvitað eiga menn að hugsa um þetta Sigurjón. Það eru þó ákveðin verðmæti í bræðslufiski. Síldin sem drepst úr pestinni verður engum til gagns. Ekki er ólíklegt að þéttleikinn sé mikill og kannski benda veiðistaðirnir síðustu ár til þess þegar allur kvótinn hefur veiðst á litlum blettum í Breiðafirði. Það er ábyggilega síld víða við landið en enginn áhersla verið lögð á að leita að henni annars staðar, þar sem hægt hefur verið að ganga að henni vísri á einum stað. Svo þarf náttúrlega ekki að ræða þetta með þorsksstofninn frekar. Það vita allir að miklu meira er af þorski í sjónum við Ísland en hafró og sjávarútvegsráðherra vilja meina. Þorskurin smækkar stöðugt og étur undan sér í stórum stíl. Eingöngu vegna þess hve stór stofninn er við landið.

[Sigmar Þór Sveinbjörnsson, 1.12.2008 kl. 20:48]

Heill og sæll Sigurjón, ég er sammála þér við eigum auðvitað að veiða eins mikið og við getum áður en síldin drepst.

kær kveðja

[Sigurjón Þórðarson, 1.12.2008 kl. 21:52]

Ég hef nú aðeins rennt í gegnum nokkrar greinar á netinu 1. 2. en um er að ræða svepp sem smitast m.a. með rauðátu.

[Jón Aðalsteinn Jónsson, 1.12.2008 kl. 23:07]

Sammála Sigurjón það á að gera verðmæti úr henni

[Hörður Mar Karlsson (IP-tala skráð) 1.12.2008 kl. 23:09]

   Fyrsta sem eg sagði þegar eg heyrði þessar frettir auka veiðarnar. En folk sem ekki hefur stundað veiðar skilur þetta ekki, þeir sem heyrðu i mer voru a öðru mali. Þarna þarf greinilega grisja. Sildin er farin halda til mikið a haustin i þröngum fjörðum þannig að smithætta eykst.

[Víðir Benediktsson, 1.12.2008 kl. 23:20]

Það væri bara heimska að veiða ekki. En við höfum svo sem séð það áður svo maður er ekki of  bjartsýnn.

[Sigurjón Þórðarson, 1.12.2008 kl. 23:42]

Í tíu-fréttum barst tilkynning frá sjávarútvegsráðherra þar sem hann bannaði veiðina á síldinni. Ég hugsaði bara hvaða djöfull væri í gangi, hvort menn væru hræddir um að síldin hefði smitast með nótinni eða hvort Einar Kristinn ætlaði að fá vin sinn og fyrrum dýralækni fisksjúkdóma, Árna Mathiesen, til að lækna síldina á miðunum og jafnvel hvort Árni Matt réðist gegn sjúkdóminum í rauðátunni.

[Grétar Rögnvarsson, 2.12.2008 kl. 10:02]

Það er nú búið að loka Faxaflóanum og svæðinu við Vestmannaeyjar vegna smá síldar. Þvílíkir snillingar, það er ekki allt í lagi með þessa jólasveina, átti auðvitað að byrja mokstur áður en hún drepst öll ef hún drepst, Einar hefur sjálfsagt ráðfært sig við peningamáladoktorinn Árna eins og þú segir Sigurjón.

[Hagbarður, 2.12.2008 kl. 10:24]

Auðvitað eigum við að auka veiðarnar og veiða hana í bræðslu. Hún er dauðadæmd með þessa pest og verður orðinn að þykku botnlagi á Breiðarfirði seinnipartinn í vetur.

[Óskar Þorkelsson, 2.12.2008 kl. 14:00]

sammála Kristni hér.. hverju og einu einasta orði.. 

VEIÐA MEIRI SÍLD STRAX !  

[GOLA RE 945, 2.12.2008 kl. 15:39]

Auðvitað á að veiða eins mikið og við getum, síldin drepst hvort sem er. Ég er sammála Kristni um að kvótalausar útgerðir ættu að fá að taka þátt í veiðinni, en sægreifarnir myndu stoppa það af.

Það verður ekki gæfulegt að hafa dauða sýkta síld í þykkum lögum á botninum. Spurning hvort sýkingin fer þá ekki í hræætur í hafinu.

[Tómas (IP-tala skráð) 2.12.2008 kl. 16:53]

Þéttleiki og magn er sitt hvor hluturinn. Torfufiskar eins og síld stjórna stöðu sinni í torfunni út frá öðrum fiskum. Það skiptir litlu hvort torfan er stór eða lítil, þéttleiki fiskanna er svipaður. Svo er annað mál fjöldi fiska á flatareiningu sem breytist með stofnstærð. Skalinn sem er til skoðunar ræður því svo hvort þéttleiki á rúmmálseiningu eykst (eykst t.d. fyrir Grundarfjörð en breytist ekki innan torfu). Það er því kannski fremur ólíklegt en hitt að sýkingatíðni svepps af þessu tagi aukist eitthvað að ráði með stærri stofni. Það eru mörg ágæt dæmi um þéttleikaháða sýkingarhættu en ég er ekki sannfærður um að þetta sé eitt þeirra. Svo er allt annað mál hvort það á að veiða meira og kemur þessum anekdótísku vangaveltum um sýkingahættu ekkert við.

Bestu kveðjur,

Tómas

[Sigurjón Þórðarson, 2.12.2008 kl. 18:29]

Sérfræðingar Hafró taka undir með Kristni Péturssyni frá Bakkafirði en neðngreint má lesa á vef Hafró um hörpudiskinn (ætli Sturla Böðvarsson Hólmari viti af þessu?):

Ef litið er til einstakra veiðisvæða hefur þróun stofnstærðar síðan árið 2000 alls staðar verið á niðurleið. Ástand miða er þó langskást á sundunum fram af Stykkishólmi, þar sem tiltölulega lítil breyting hefur orðið á stofnvísitölu allt frá haustinu 2002. Þetta er einnig athyglisvert í ljósi þess að sóknin var jafnan hvað mest á þessum svæðum á árum áður auk þess sem nýliðun mældist þar jafnbetri en víðast annars staðar.

.