Þiggjum aðstoð Færeyinga á fleiri sviðum

Færeyingar eru mikir höfðingjar að bjóðast til að hjálpa okkur á erfiðum tímum.

Íslenskir ráðamenn ættu að setjast yfir það með Færeyingum hvernig þeim tókst að komast út úr sinni krísu á tíunda áratugnum, en það gerðu þeir meðal annars með því að hætta að nota kvótakerfi við að stýra fiskveiðum.  Færeyingar höfðu reynt kvótakerfi í 2 ár með afar slæmum afleiðingum s.s. brottkasti og minnkandi afla.  Hér höfum við reynt kvótakerfi með hræðilegum afleiðingum í tvo áratugi.

Utanríkisráðherra Færeyinga og formaður Fólkaflokksins, Jörgen Niclasen sem gegndi áður starfi sjávarútvegsráðherra, er sá stjórnmálamaður sem staðið hefur vörð um færeyska fiskveiðistjórnunarkerfið í sjávarútvegi.  Nú er um að gera fyrir íslensk stjórnvöld að taka upp viðræður við utanríkisráðherra Færeyinga og kynna sér fordómalaust gríðarlega mikinn árangur Færeyinga við að stjórna fiskveiðum. Við það eitt að taka upp færeyska kerfið þá streymdu í auknum mæli margir tugir milljarða króna í beinhörðum gjaldeyri til að þjóðarbúsins.

 

Siðferðileg skylda að hjálpa

Athugasemdir

[ha ha (IP-tala skráð) 28.10.2008 kl. 21:26]

Ótrúlega fallegt og veglegt af þeim að vilja lána okkur svona mikla peninga, en eins og þú segir kannski er reynsla þeirra ennþá dýrmætari, ef bara ráðamenn okkar myndu nú vilja hlusta.

[Steingrímur Helgason, 28.10.2008 kl. 22:25]

Vinir okkar & frændur eru alveg innundir hjá mér, á meðan ég þarf ekki að eta ræztisteik, skerpuketið rétt sleppur.

[Skattborgari, 28.10.2008 kl. 22:59]

Við eigum að taka alla þá hjálp sem að aðrar þjóðir eru til í að veita okkur og nýta okkur hana.

Kveðja Skattborgari.

[Sigurjón Þórðarson, 28.10.2008 kl. 23:11]

Ég hefði haldið það skattborgari og skoða alla þætti sem hægt er að gera betur.