Geir og greiðsluseðlarnir

Aðstoðarmaður Seðlabankastjóra mun á morgun flytja stefnuræðu ríkisstjórnar „jafnaðarmanna“ og sjálfstæðismanna. Satt að segja munu landsmenn hvorki búast við að ræðan innihaldi mikil tíðindi né að gæta muni nokkurrar framsýni. Fyrir örfáum mánuðum, þann 13. mars, flutti aðstoðarmaðurinn ræðu á ráðstefnu Íslensk-ameríska viðskiptaráðsins í New York. Það var Ísland-best-í-heimi-ræðan þar sem Geir sannfærði sjálfan sig og reyndi að sannfæra aðra um gríðarlega sterka stöðu efnahagsmála og í framhaldinu var afráðið að gera nákvæmlega ekki neitt.

Þjóðin þarf ekki að velkjast í vafa um að mat Geirs var langt frá því að vera rétt enda sést það best á greiðsluseðlunum sem berast nú um bréfalúgur landsmanna um mánaðamótin.

Ég reikna með að Geir verði í svipuðu fari og áður í ræðunni á morgun og tali um að landsmenn verði að standa saman og kenna útlensku bankakreppunni um ófarirnar hér heima. 

Eina spennan á morgun verður væntanlega í ræðu starfandi leiðtoga „jafnaðarmanna“, Össurar Skarphéðinssonar. Ég reikna með að hann finni þó nokkra milljarða í ræðu sinni, hvort sem þeir verða í fiskeldi eða vatnsútflutningi. 

Þingsetning í skugga kreppu

Athugasemdir

[Guðmundur Ásgeirsson, 1.10.2008 kl. 17:02]

Geir er annaðhvort veruleikafirrtur, eða harðsvíraður lygari, og strengjabrúða í höndum Davíðs Odssonar sem virðist vera búinn að yfirtaka fleira en bara Glitni að undanförnu ef mið er tekið af myndunum af þessum herramönnum keyrandi saman á brott eftir leynifundi í skjóli myrkurs. Iss, fasistar!

[Víðir Benediktsson, 1.10.2008 kl. 23:18]

Hva?? Ertu eitthvað efins? Bíða ekki múlti millar í massavís fyrir utan ráðuneyti Össurar á hnjánum og biðja þess að fá að eyða peningum sínum hér á landi?

[Skattborgari, 1.10.2008 kl. 23:31]

Þetta er alveg hárétt hjá þér. Það er látið eins og þetta sé allt einhverjum öðrum að kenna en ekki þeim sjálvum.

Kveðja Skattborgari.