Mun Jóna Kristín Þorvaldsdóttir styðja áframhaldandi mannréttindabrot?

Kunningi minn af Suðurnesjunum sló á þráðinn til mín fyrr í dag og gerði stuttlega athugasemd við skrif mín þar sem ég hefði gefið í skyn að fyrrum sóknarprestur hefði slitið meirihluta bæjarstjórnarinnar í Grindavík til þess eins að komast í ofurlaun sem Samfylkingin hafði skammtað fyrri bæjarstjóra.

Hann sagði að meira hlyti að búa að baki og að öllum líkindum tæki nýi bæjarstjórinn af fullum krafti þátt í baráttu gegn brotum stjórnvalda á mannréttindum íslenskra sjómanna. Þeir eru líka margir í Grindavík. Ég vona svo sannarlega að nýi bæjarstjórinn fari gegn Ingibjörgu Sólrúnu og gerist málsvari Ásmundar Jóhannssonar í glímunni við Golíat.

Guð láti gott á vita.

Bátur á ólöglegum veiðum

Athugasemdir

[Sigurður Þórðarson, 17.7.2008 kl. 00:25]

Ef Jóna Kristín gerir það mun ég kaupa mér hatt til þess eins að geta tekið ofan fyrir henni. Guð láti gott á vita.

[Árni Gunnarsson, 17.7.2008 kl. 00:36]

´Mér sýnist heiðurskarlinn Ásmundur vera byrjaður að rita nýjan kafla í íslenska réttarfarssögu.

Og þá má til gamans minna á gömlu spekina þar sem segir að sagan um stríðið sé ævinlega skrifuð af sigurvegaranum! 

[Jens Guð, 17.7.2008 kl. 00:54]

  Vegir Samfylkingarinnar eru órannsakanlegir.

[Emil Páll (IP-tala skráð) 17.7.2008 kl. 09:33]

Varðandi laun Jónu Kristínar og að það hafi verið orsökin, finnst mér í raun ótrúlegt að menn haldi að þannig gerist hér á landi í dag. Ég veit af vinum mínum í Grindavík að hún hefur þegar afsalað sér ýmsum greiðslum sem hún hefði átt rétt á sem bæjarstjóri og er því langt í frá að vera á ofurlaunum eins og sá fyrrverandi. Þetta ættuð þið sjálf að kynna ykkur.Jú það er auðvitað gott að hafa menn sem þora gegn bákninu, hitt er annað mál hvort orð Guðjóns Arnars Kristjánssonar séu ekki rétt, þ.e. hvort rétt sé að einstaklingar séu að taka lögin í sínar hendur með þessum hætti, eins og Ásmundur gerir þarna.

[Sigurjón Þórðarson, 17.7.2008 kl. 09:39]

Emil Páll jú jú það kom fram að launin væru 20% lægri en þau sem Samfylkingin samdi um við Ólaf en Samfylkingin gerði síðan sérstakan viðauka við samniniginn. 

Hver veit nema það sé einhver viðauki á leiðinni, en ég vona svo sannarlega ekki og að hún ætli að beita kröftum sínum til að tryggja mannréttindi sjómanna.?

[ó s (IP-tala skráð) 17.7.2008 kl. 10:10]

um mannréttindabrot á sjómönnum

varðandi vangaveltur hvort jóna Kristín bæjarstjóri grindavíkur

má draga áligtun að hún láti þau brot í rettum rómi liggja þegar 

 hún tók afstöðu með stórútgerðinni þegar hún samþigti tillögu að

síðastliðnum vetri að afnema línuíviljun krókabáta.

[B.N. (IP-tala skráð) 17.7.2008 kl. 12:05]

!993 flúði ég erlendis með börnin mín 3 og var þar í útlegð í 4 ár eftir mikla baráttu við yfirvöld vegna mannréttindabrota gegn mér og minni fjöldskyldu.

Sú saga er efni í heila bók sem fjallar um tímabil manns sem hafði keypt bát 1990 á 12 milljónir sem var  á sóknarmarki sem þá var en við lýði en var afnumið með lögum sama ár til að treysta aflamarkskerfið í sessi sem tryggði svo kvótabraskið hjá hinum fáu útvöldu.

Við þessar breytingar lækkaði báturinn minn í verði úr 12 milljónum sem var kaupverðið í 4,7 milljónir á aðeins 3 mánuðum. Þessi aðgerð ríkisins setti allt í uppnám hjá mér sem sjómanni, atvinnurekanda og fjöldskyldufaðir 3 ungra barna sem mér bar að framfleyta samkvæmt lögum sama ríkis og kom mér í þessar aðstæður fjárhagslega.

Þessu mótmælti ég harðlega enda ekki miklu að tapa úr því sem komið var með því að róa eftir þeirri áætlun eins og báturinn væri en á sóknarmarkinu sem hann var á þegar ég keypti hann fyrir nokkru mánuðum síðan . Það endaði með því að ég fékk símskeyti frá Landhelgisgæslunni að ef ég færi út úr höfn án þess að leiðrétta stöðu mála hjá mér yrði ég tekinn og færður til hafnar. Ég fór ekki aftur út á sjó eftir þau viðskifti heldur pakkaði saman og kom mér úr landi eins og ég hef sagt frá stuttlega hér ofar.

Hér fyrir neðan  er grein úr stjórnarskrá Íslands sem passar ágætlega við þessa aðför ríkisins að mér og fjölmörgum öðrum í okkar samfélagi sem settir voru í þessar aðstæður og fjölmiðlar margir hverjir þögðu. 

72. grein

,,Eignarrétturinn er friðhelgur. Engan má skylda til að láta af hendi eign sína nema almenningsþörf krefji. Þarf til þess lagafyrirmæli og komi fullt verð fyrir.

Með lögum má takmarka rétt erlendra aðila til að eiga fasteingaréttindi eða hlut í atvinnufyrirtæki hér á landi.''

Verðið á svokölluðum kvóta hækkaði mikið í verði  við þessar breytingar á fiskveiðakerfinu og lántökur stórútgerðar gátu hafist á fullum krafti til að borga sægreifunum  tugir milljarða út úr greininni sem fjármagnað var með erlendum lánum sem bankarnir hér á landi útveguðu, lánum sem eru í dag að setja útgerðina á hausin og jafnvel Íslensku bankanna vegna þessara svikumyllu sem kvótabraskkerfið er eða réttara sagt var því það er komið á hausinn í dag.

Baldvin Nielsen Reykjanesbæ.   

[Árni Gunnarsson, 17.7.2008 kl. 23:52]

Greiningardeild Íslands á mannréttindabrotum byrjar við 200 mílna radíus.

Þetta er bilun í móðurstöðinni og það hefur ekki fengist fé á fjárlögum til að lagfæra þennan galla.

Það var fullyrt við mig í kvöld að um næstu mánaðamót yrði seðlabankanum og nokkrum ráðuneytum lokað í 9 mánuði vegna sparnaðar og hagræðingar í ríkisrekstri að skipan Árna M. Mathiesen.