Þöggunin heldur áfram í Silfri Egils

Sú er raunin að málefni alþýðufólks sem er ekki nógu sívíliserað eða intellígent, s.s. sjómanna og vörubílstjóra, eiga ekki upp á pallborðið hjá þáttastjórnandanum Agli Helgasyni. Hann hefur hvað eftir annað hlíft stjórnmálamönnum við að svara því hvernig þeir ætli að bregðast við mannréttindabrotum gagnvart íslenskum sjómönnum.

Nú í vikunni bar það til tíðinda á forsíðu Moggans að grein hefði verið birt í Nature þar sem vísindamennirnir tóku undir sjónarmið Jóns Kristjánssonar, mín og fleiri um að nýtingarstefna Hafró væri kolröng þannig að nægt tilefni hefði verið til að taka málefni sjávarútvegsins til umræðu. Einhverra hluta vegna þykir það ekki nógu fínt, ekki nógu mikið in, og meira reið á að hlýða á rök aldinna stjórnmálamanna sem deildu um mögulega Evrópusambandsaðild 2020.

Það sem helst bar til tíðinda í þættinum var að Björgvin Sigurðsson viðskiptaráðherra sem leit óvenju vel út greindi yfirvegaður og rólegur þjóð sinni frá því að helsta verk Seðlabankans og forsætisráðherrans væri að kría út stórt erlent lán til að rétta við gengi íslensku krónunnar.

Það er stórfurðulegt í ljósi umfjöllunar Nature og málefnalegrar gagnrýni á ráðgjöf að ráðamenn fari ekki yfir það hvort skynsamlegt sé að veiða meiri þorsk.

Athugasemdir

[Jóhann Elíasson, 4.5.2008 kl. 15:25]

Satt segirðu og það sem verra er að það virðist ekki vera að við sauðsvartur almúginn megum "gagnrýna" vinnubrögð fréttamanna, sem mér þykir oft á tíðum ansi vafasöm svo ekki sé nú fastar að orði kveðið, því fréttamenn og þeir sem við fjölmiðla vinna virðast setja sjálfa sig á stall fyrir ofan aðra.  Þessum orðum mínum til stuðnings ætla ég að segja eina litla sögu en hvort það er tilviljun eða ekki þá kemur Lára Ómarsdóttir þar við sögu.  Svo var snemma í vetur að flutningaskipið AXEL strandaði fyrir utan Hornafjarðarós og í framhaldi af því urðu væringar um borð og eitthvað vesen sem ég er nú búinn að gleyma hvað var.  En Stöð 2 var á staðnum og var Lára Ómarsdóttir fulltrúi Stöðvar 2 á staðnum og flutti ansi "dramatískar" fréttir af málinu og meðal annars sagði hún að skipstjórinn myndi sennilega missa réttindin vegna gáleysis við störf.  Þessi ummæli þótti mér nokkuð vafasöm og ekki koma málinu neitt við þar sem ekki höfðu farið fram nein sjópróf og vildi ég meðal annars fá að vita hvaða heimildir væru fyrir þessu.  Ég hringdi á Stöð 2 og fékk samband við vaktstjóra frétta sem var Kristján Már Unnarson, þegar ég var búinn að rekja mál mitt og spurði hann svo að því hvort honum þætti að fréttatímarnir  ættu að vera vettvangur fyrir "Gróusögur" sagði hann: " Þú ert búinn að koma þínum sjónarmiðum á framfæri" og kvaddi.

[Ólafur Ragnarsson, 4.5.2008 kl. 15:26]

Sæll Sigurjón!Það hringdi áðan í mig kunningi minn(kaus ekki frjálslynda) og spurði hvort ég væri að horfa á"Silfrið"Sem satt var neitaði ég því.Hafði gleymt því.Þá sagðist hann hafa skökkt á því vegna þess sem að hans dómi væri orðin þráhyggja hjá stjórnandanum að hafa bara fulltrúa 4ra af 5 flokkum á Alþingi.Ég kveikti og sá að þetta var rétt og slökkti bara aftur.Hræddur er ég um að það heyrðist hljóð úr horni ef hann sniðgengi annan stjórnarflokkinn eins augsýnilega og hann gerir við FF.Kært kvaddur

[Óskar Helgi Helgason (IP-tala skráð) 4.5.2008 kl. 15:41]

Heill og sæll; Sigurjón og aðrir skrifarar !

Sigurjón ! Rétt til getið; hjá þér. Agli hugnast betur, menntafólk og alvitringar þeir, sem hann hefir mest samskipti við, greinilega. Ekki nógu fínt; að umgangast sjómenn og bændur, hverjir halda jú honum, sem allmörgum annarra, á ríkisjötunni, með launum þessa hroka pilts, sem margra annarra, honum líkum.

Sífur Egils; sem upphafin ESB hyggja Ný- nazistanna, er öllum hugsandi mönnum andstyggð ein, og á að vera. Fólk; af hans stássi, er allrabezt, geymt í alsælunni, suður á Brussel völlum.

Með beztu kveðjum, sem fyrr, úr Árnesþingi /

Óskar Helgi Helgason

[Egill (IP-tala skráð) 4.5.2008 kl. 15:48]

Magnús Þór Hafsteinsson hefur verið amk tvisvar í þættinum hjá mér í vetur, var í síðasta þætti, Jón Magnússon er fastagestur, Grétar Mar hefur verið tvisvar, Kristinn H. líka; Jón var í þarsíðasta þætti og Kristinn í þættinum þar á undan.

Þetta er mannaval í Frjálslynda flokknum, betur representerað í Silfrinu en nokkrum öðrum stjórnmálaþætti.

Tími sjávarútvegsumræðunnar mun væntanlega koma. Minni á að ekki alls fyrir löngu var lögmaðurinn Magnús Thoroddsen í þættinum hjá mér og útlistaði viðhorf sín til málsins. 

[Jóhann Elíasson, 4.5.2008 kl. 15:53]

Egill, kannski er ekki verið að gagnrýna hverja þú ert með í þættinum, heldur virðast menn vera "misjafnlega höndlaðir" eftir því hvar í flokki þeir eru.

[Guðjón Sigþór Jensson, 4.5.2008 kl. 16:30]

Eitt er það sem gleymist gjarnan í umræðunum um EBE: Aðildarríki fá ýms borgaraleg réttindi borgurum sínum til handa. Má þar nefna svonefndan „félagsmálapakka“ sem að verulegu leyti var undanskilinn við inngöngu okkar í EES á sínum tíma. Í þessum réttindapakka eru ýms mál sem verkalýðshreyfingin hefur verið að berjast fyrir handa skjólstæðingum sínum en sérstaklega íhaldsmenn hafa verið á móti slíku.

Það er því ekki svo með öllu illt að ekki boði e-ð gott.

Mosi

[Skipstjóri úr Grindavík (IP-tala skráð) 4.5.2008 kl. 16:56]

Sæll Sigurjón

Ég hlustaði á Silfur Egils í dag og enn og aftur verður maður vitni að því að ákveðnum hópi í þjóðfélaginu er haldið fyrir utan umræðuna ég hef nokkrum sinnum hringt í þingmenn flokksins og kvartað yfir þessu í vetur þegar þingmenn og forystumenn stjórnmálaflokkanna hafa verið í þættinum hjá Agli þá hefur frjálslyndum verið haldið þar fyrir utan.  Þau fáu skipti sem þeir hafa fengið að vera í umræðunni þá hefur það verið með hinum almenna borgar í þjóðfélaginu en ekki þingmönnum hinna flokkanna.  Spurningin er því þessi, hvaða rétt eiga þeir sem er haldið fyrir utan þjóðfélags umræðuna þar sem mér finnst að ætti að gefa þáttarstjórnandanum rautt spjald sem þýðir í mínum huga þriggja leikja bann.

[Sigurgeir Jónsson, 4.5.2008 kl. 17:41]

Ríkissjónvarpið er fjölmiðill í eigu íslenska ríkissins. Því verður Ríkissjónvarpið að sjálfsögðu að undirgangast það, að það haldi ekki skipulega, lýðræðislega kjörnum fulltrúum ákveðins stjórnmálafls frá fjölmiðlinum.Það væri fullt tilefni að kæra það til mannréttindanefndar Sameinuðu þjóðanna.En því miður er ég hræddur um að Kína og Saudi Arabía ásamt hinum mannréttindaríkjunum sem skipa meirihluta í nefndinni hendi slíkri kæru í ruslatunnuna.

[Sigurgeir Jónsson, 4.5.2008 kl. 18:17]

Að sjálfsögðu ber að láta reyna á það fyrir mannréttindanefndinni,hvort Egill á að komast upp með þetta.

[Stefán Bogi Sveinsson, 4.5.2008 kl. 18:49]

Er ekki allt í lagi með ykkur? Það má saka Egil helgason um margt þegar kemur að því að velja viðmælendur í þættina sína, en ekki það að halda Frjálslyndum þar fyrir utan. Og það er heldur ekki hægt að gera þá kröfu til hans að hann eigi að tala um sjávarútvegsmál, bara af því að ykkur langar mest að tala um sjávarútvegsmál.

[Theódór Norðkvist, 4.5.2008 kl. 21:10]

Umræðurnar í dag voru skrípaleikur, en kannski er ekki við Egil að sakast heldur hvað viðmælendurnir eru hálir sem álar. Sérstaklega Guðlaugur Þór, sem komst upp með að þurfa ekki að svara hárbeittum árásum Sivjar um einkavæðingaráform í heilbrigðiskerfinu.

Hvað sjávarútvegsmál áhrærir: Ég get ekki séð að nokkuð geti komið í veg fyrir að erlendir aðilar geti eignast allan kvóta hér við land ef þeir vilja. Getur einhver frætt mig betur um það, ef ég hef rangt fyrir mér? 

[B.N. (IP-tala skráð) 4.5.2008 kl. 22:38]

Stjórnarskrá Íslands 72. grein

,,Eignarrétturinn er friðhelgur. Engan má skylda til að láta af hendi eign sína nema almenningsþörf krefji. Þarf til þess lagafyrirmæli og komi fullt verð fyrir.

Með lögum má takmarka rétt erlendra aðila til að eiga fasteingaréttindi eða hlut í atvinnufyrirtæki hér á landi.''

SællTheódór

Setti þesa gein inn fyrir þig sem er hér fyrir ofan. Þú sérð að í þesari grein kemur fram að það sé hægt að banna erlendum aðilum að eiga sem dæmi eign í Íslenskri útgerð. Það eru landslög í gildi í dag sem leyfa ekki beina eignaraðild erlenda aðila í Íslenskri útgerð en því er hægt að breytta með einföldum meirahluta alþingis á morgum ef 32 þingmenn vilja það.

Baldvin Nielsen, Reykjanesbæ

[Friðrik Þór Guðmundsson, 4.5.2008 kl. 22:53]

Það má lengi deila um þá sem koma fram í þætti Egils og koma þar ekki fyrir. Ég vil hins vgar mótmæla ví að trukkararnir (vörubílstjórarnir) tilheyri alþýðu manna. Þetta eru upp til hópa atvinnurekendur, sjálfstæðir verktakar sem reka sig sem fyrirtæki. Umsjómenn gegnir allt öðru máli, þótt þeir séu reyndar fæstir "alþýða manna" vegna hárra launa. Egill ættti frekar að fjölga hjá sér fulltrúum alvöru alþýðu.

[Theódór Norðkvist, 4.5.2008 kl. 23:30]

Takk fyrir þetta Baldvin. Stjórnarskráin hefur ekki reynst meira virði en salernispappír fyrir kvótagreifana sem hafa þrátt fyrir hástemmdar yfirlýsingar stjórnarskrárinnar um þjóðareign stungið kvótagróðanum í eigin vasa. Þjóðin á ekki kvótann. Nokkur fyrirtæki ráðskast með fiskinn í sjónum eins og þeim sýnist og hlæja að fátæklingunum í sjávarþorpunum.

Útlendingar geta auðveldlega stofnað einkahlutafélag (eða alþjóðaviðskiptafélag) í samvinnu við íslenska leppa sína. Það félag gæti síðan keypt skip og þar með kvóta. Ég sé því ekki að nokkur breyting myndi verða á núverandi fyrirkomulagi þó við gengjum í ESB.

Ég er ekki að leggja til inngöngu, einungis að benda á að rökin um að við missum yfirráð yfir fiskimiðunum halda ekki vatni. Við höfum misst þau hvort eð er til Samherja og fáeinna fleiri auðjöfra.

[Sigurjón Þórðarson, 4.5.2008 kl. 23:53]

Það er mín skoðun að rannsóknarblaðamaðurinn Friðrik Þór ætti að taka það með ákveðinni varúð hvernig síveliseraða intelígentían í Samfó s.s. Pétur Tyrfingsson, Grímur Atla og Dofri Hermanns flokkar fólk en vörubílstjórar landsins hafa verið flokkaðir af ýmsum úr þessum hópi sem einhvers konar smáborgarar og sérhagsmunaseggi.

Samfylkingin er sérkennilegur flokkur en þar á bæ hefja menn upp í hæstu hæðir auðmenn landsins og bjóða þá sérstaklega velkomna á landsþing sín þrátt fyrir að sumir gestanna hafi auðgast á því að gera kaupréttarsamninga nánast við sjálfa sig.  Ekki er látið þar við sitja heldur voru ráðamenn í Reykjavík sársvekktir yfir því að ekki tókst að koma orkuauðlindum til GGE og búa til milljarða og milljarða ofan í fátækustu ríkjum heims í Afríku og Asíu.  Það er óþórft að taka það fram að heilög Jóhanna og fleiri hafa hneykslast á umræddum kaupréttarsamningum.

Þetta gerist á sama tíma og framámenn í flokknum virðast hafa einhverja skömm á einyrkjum sem stunda sjálfstæðan atvinnurekstur s.s. vörubílstjórum og trillusjómönnnum.

[B.N. (IP-tala skráð) 5.5.2008 kl. 00:33]

Sæll aftur Theódór 

Hér eru landslögin sem segja afdráttarlaust hverir eiga fiskinn í sjónum. 

Um eignarhaldsrétt útgerðarfélaga á kvóta.
Lög nr. 38 1990 1. gr. “Nytjastofnar á Íslandsmiðum eru sameign íslensku þjóðarinnar. Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu. Úthlutun veiðiheimilda samkvæmt lögum þessum myndar ekki eignarrétt eða óafturkallanlegt forræði einstakra aðila yfir veiðiheimildum.”

Ég vil sjá þessa lagagrein setta óbreytta inn í stjórnarskrána.

Baldvin Nielsen Reykjanesbæ 

[Trillukarl (IP-tala skráð) 5.5.2008 kl. 05:15]

Friðrik Þór talar um sjómenn sem hálaunastétt. Það getur vel verið, að í örfáar vikur á ári megi tala um yfirmenn á loðnuskipum sem hálaunastétt. En í það heila tekið eru laun sjómanna ekki neitt til að öfundast yfir. Brúttólaunin segja ekki allt í því sambandi heldur. Það segir það sem segja þarf að nú er orðið erfitt að fá sjómenn á frystitogarana.

[Egill (IP-tala skráð) 5.5.2008 kl. 11:51]

Í þættinum fyrir viku var rætt lengi um málefni trukkaranna.

Þá kom Magnús Þór Hafsteinson einmitt í þáttinn, varaformaður Frjálslyndra.

En það er rétt sem hér er bent á. Myndi ekki saka ef þingflokkurinn hefði konu í sínum röðum. 

(Svo myndi ég nú seint segja að gamli trotskíistinn Pétur Tyrfingsson sé partur af intelligensíunni í Samfylkingunni.) 

[Sigurjón Þórðarson, 5.5.2008 kl. 12:15]

Ég er ekki innanbúðarmaður i Samfylkingunni og get því ekki sagt nákvæmlega hver er hvað í Samfylkingunni. 

Ég tók eftir því að þegar Pétur Tyrfingsson sem er í sérstöku dálæti hjá Össuri Skarphéðinssyn var að úthúða vörubílstjórum sem smáborgurum og sérhagsmunaseggjum að þá kom strollan af trúnaðarfólki í jafnaðarmannaflokknum sem tók undir með Pétri og hrósaði honum mjög fyrir naska greiningu sína á lýðnum.

[Ragnar Geir Brynjólfsson, 6.5.2008 kl. 23:02]

Efnistök Egils eru ein birtingarmynd á vanda RÚV sem er að stofnunin nýtur ekki nægilegs aðhalds neytenda. Ef áskrifendur væru frjálsir að því að ráðstafa afnotagjaldi sínu þá væri komið raunverulegt aðhald. RÚV sem jafnframt er öflugasti fjölmiðillinn er nánast framlenging á hinu pólitíska valdi og styður það og styrkir eins og vera ber því eigandinn og eini hluthafinn er ríkisvaldið. Þessu þarf að breyta sjá, t.d. þessa pistla:

Amy Goodman - orð í tíma töluð í og fyrir RÚV

Aðalbjörg Sigurðardóttir um RÚV árið 1944

Framtíðarmöguleikar RÚV

Tæknin breytir stöðunni varðandi ljósvakamiðlun til dreifðra byggða

RÚV - Menningarleg Maginotlína

Stofnun ljósvakasafns er löngu tímabær

Hlúa þarf betur að hljóðrituðum menningararfi

Enn birtast vankantar á fyrirkomulagi Ríkisútvarpsins ohf

Óviðunandi frammistaða RÚV í óveðrinu á Austurlandi