Sjálfstæðisflokkurinn og Maó

Ég var að lesa ævisögu eftir Jung Chang og Jon Halliday um dekkri hliðarnar á valdabrölti einræðisherrans Maós. Það kom skýrt fram að Maó fyrirleit réttarríkið og vildi stjórna með tilskipunum flokksræðisins.

Nú þegar ég verð vitni að tómlætislegum viðbrögðum forsætisráðherra Geirs Haarde og ekki síður þingflokksformanns Sjálfstæðisflokksins Arnbjargar Sveinsdóttur við úrskurði mannréttindanefndar Sameinuðu þjóðanna um að fiskveiðilögin séu ósanngjörn og þeim beri að breyta svo að atvinnufrelsi og jafnræði þegnanna séu tryggð hvarflaði óneitanlega að mér að skeytingarlaus og í raun harðneskjuleg viðbrögð þeirra við úrskurðinum væru ekki sæmandi í flokki sem kennir sig við lýðræðið og grundvallar í orði kveðnu stefnu sína á mannréttindum þegnanna. Þau hljóma frekar eins og þau eigi heima í flokki Maós. Mér fannst orðræða þeirra miklu frekar eiga við fulltrúa alræðisflokks sem lætur grundvallarmannréttindi og reglur réttarríkisins lönd og leið.

Athugasemdir

[Ásthildur Cesil Þórðardóttir, 5.2.2008 kl. 23:18]

Sammála þér þarna.  Það er með ólíkindum hvað sjálfstæðismenn komast upp með í okkar litla þjóðfélagi.  Vonandi losnum við undan þessu oki sem allra fyrst.

[Steingrímur Helgason, 5.2.2008 kl. 23:39]

Sjallarnir eru vanir sínun ljúfu stöllum & hlýða því fámennisklíku LÍÚ sem að ræður því hvaða skoðanir þeir eiga að hafa þessann daginn eða hinn.  Kómíksar þykir mér að formenni almenns íhalds & framskóknarlegs afturhalds samkinkar andstöðunni á mót núverandi fiskveiðikerfinu & hljómar nú frjálslyndar en til dæmis einhver meðalfrjálslyndisjóninn.

Kýrhausinn getur verið kindarlegur & um margt skrítinn..

[Guðrún María Óskarsdóttir., 6.2.2008 kl. 01:50]

Sæll Sigurjón.

Það var ekki til bóta að fá næstum skoðanalausan formann þessa flokks sem forsætisráðherra með nokkuð tækifærissinnaðan varaformann sér við hönd sem leiðir annnars tækifærissinnaðan stjórnmálaflokk sér við hönd í valdastóla.

þar er Amen eftir efninu.

kv.gmaria.

[Jóhann Hannó Jóhannsson, 6.2.2008 kl. 07:16]

Verð að seigja að ég veit ekki alveg hvað þú ert að fara og enn síður þeir sem eru með athugasemdir hér á undan.  Kannski þú viljir að menn gaspri og gaspri og þurfi svo að taka megnið af því til baka eins og þekkist til dæmis í þínum flokki.  Sígandi lukka er best og verið er að kanna þetta mál eins og komið hefur fram í máli sjávarútvegsráðherra, semsagt málið er í farvegi Sigurjón. Kveðja.

[Vigfús Davíðsson, 6.2.2008 kl. 08:20]

Rétt hjá þér Jóhann. Góðir hlutir gerast hægt. Það verður aldrei hægt að breyta þessu kerfi nema allir flokkar komi að þessu máli. Það þíðir ekki að vera með þennan flumbrugang. Nú er bara að setjast yfir þetta mál, því þetta er alveg borðleggjandi. En Sigurjón það hefur aldrei verið mikill munur á milli Kommúnisma og Kapetalistma.

[Óðinn Þórisson, 6.2.2008 kl. 08:23]

geir hilmar haarde er ábyrgur stjórnmálamaður og nálgast öll mál og viðfangsefni að yfirvegum og lætur ekki frá sér óábyrgar yfirlýsingar um stór málefni.
sigurjón hafðu bara í huga að meðan sjálfstæðisflokkurinn hefur með málefni sjávarúvegsins að gera getur þú verið rólegur og viss um að þeim málaflokki er stjórnað með heildarhagsmuni allra íslendinga að leiðarljósi.

munu sigurjón ekkert er betra en íhaldið.

[Árni Gunnarsson, 6.2.2008 kl. 09:56]

Nú ættir þú Hannó minn að skjótast austur á Stöðvarfjörð, Þórshöfn, Raufarhöfn, svo eitthvað sé nú nefnt af þem stöðum sem hafa notið hinnar sígandi lukku af hendi sjávarútvegsráðherranna undanfarin ár.

Þú verður að gefa þér góðan tíma til að skýra það út fyrir þessu fólki að verðlausar fasteignir þeirra og hóflegar atvinnuleysisbætur kallist bara sígandi lukka.

Mér hefur skilist á þessu fólki að því finnist að lukka þess hafi sigið óþarflega mikið, borið saman við lukku t.d. Brims og H.B. Granda.

Hann Óðinn væri nú vís til að skjótast með þér og skýra þá um leið út fyrir þessu fólki hvað átt er við með hugtakinu "heildarhagsmunir."

B. kv.

[Jónas Egilsson (IP-tala skráð) 6.2.2008 kl. 11:31]

Að höfundur þessa bloggs skuli bera saman íslenska stjórnarhætti og stjórnunaraðferðir Maós er með endemum. Annað hvort hefur Sigurjón ekki lesið bók Chang og veit ekkert um ofbeldið undir stjórn kommúnistaflokksins í Kína eða er frekar illa upplýstur um landið sem hann býr.

Reyndar er það refsivert í sumum löndum að líkja mönnum við menn eins og Hitler. Það er ekki gert hér, sem betur fer, en sýnir helst ótrúlegt dómgreindarleysi fyrrverandi þingmanns. Og ég vil leggja til að þessi maður verði almennt ekki tekinn alvarlega! Í Bretlandi væru svona yfirlýsingar teknar það alvarlega að formaður flokkins yrði að biðjast afsökunar á þeim.

[Sigurjón Þórðarson, 6.2.2008 kl. 11:32]

Jóann Hannó: Mér finnst nær að spyrja Geir hvert hann sé eiginlega að fara með Sjálfstæðisflokkinn en hann telur að það þurfi ekki að breyta lögum sem hafa verið úrskurðuð ósanngjörn og mismuna borgurunum.  Í leiðinni reyna minni spámenn í flokknum að láta úrskurðinn líta út eins og eitthvert léttvægt álit. 

Þessi viðbrögð eru með öllu óskiljanleg í flokki sem kennir sig við lýðræði og eðlilegt réttarfar.  Maður hefði vel skilið þessi viðbrögð ef þau hefðu komið frá stjórnmálamanni í alræðisflokki sem gerir lítið með reglur réttarríkisins.

Vigfús ég er nú ekki sammála þér hvað varðar að það sé ekki grundvallarmunur á Kommúnisma og Kapítalisma en það verður þó að segjast eins og er að  nú eru skrítnir hlutir að gerast í Kína þar sem kapítalisminn er á fullri ferð í alræðisríki kínverskra kommúnista. 

Það er greinilega margt í mörgu og ýmislegt að renna saman bæði hér og í Kína.

[Sigurjón Þórðarson, 6.2.2008 kl. 12:29]

Jónas: Það hefur nú gerst ofttar en einu sinni og oftar en tvisvar að einmitt sjálfstæðismenn hafa líkt ýmsum gjörðum vinstrimanna við stjórnarhætti í Kína eða Sovét og hafa fáir tekið því  að með því væri verið að klína á íslenska vinstrimenn einhverjum ofbeldisverkum.

Reyndar er ég ekki fyrsti Íslendingurinn sem hef séð eitt og annað sammerkt með Sjálfstæðisflokki Geirs og Kommúnistaflokki Maós en mig minnir að ekki ómerkari maður en sálfur iðnaðarráðherra Össur Skarphéðinsson hafi skrifað á merka heimasíðu sína stjórnmálagreiningu þar sem að hann sá að það svipaði mörgu saman í fyrrgreindum flokkum.

[Árni Gunnarsson, 6.2.2008 kl. 15:04]

Kommúnismi eða kapítalismi?

Í báðum tilvikum er valdið framselt frá þjóðinni til einstaklinga nema þegar að einræðinu kemur.

Sagan kennir okkur að stjórnmálamenn kunna misvel með valdið að fara. Og um það er afar nýlegt dæmi á Íslandi.

[Steingrímur Helgason, 6.2.2008 kl. 22:51]

Þetta eru kátlegar umræður, Óðinn forræðishyggjast fyrir fullorðið fólk með félaga Heimdall sér við hlið & Hannó naglhittir þetta með að 'sígandi lukka sé best'

Ætli flestir í fyrrum blómlegum byggðum landsins séu tilbúnir til að taka undir að þeirra sígandi 'lukka' sé best, um hluti sem að þeir hafa aldrei haft neitt að segja um ?

Merkilegt að ekki sé nú hægt að núa inn einu Téi, þó svo að fáir taki samt undir að hafa séð einhvern 'sTíganda í sinni lukku' þar undanfarið.

[Halla Rut , 7.2.2008 kl. 23:45]

Vigfús Davíðsson, "Góðir hlutir gerast hægt" er aumasti málsháttur Íslenskrar tungu og er eingöngu notaður af fólki sem ætlar ekki að gera neitt eða styður aðgerðaleysi annarra.

Merkilegt að nokkur maður skuli styðja það verk manna að stela lífsbjörgina úr hendi eins manns og gefa hana öðrum. 

[Baldur Fjölnisson, 7.2.2008 kl. 23:55]

Tölurnar tala sínu máli. Ríkisútþenslutrylltir og skattaóðir hægri kommar hafa leikið hér lausum hala. Síðan hefur einhvers konar útþynnt wannabí hæbrid af Stalín og Bush sem einhvers konar yfirforsætisráðherra í seðlabankanum og hefur skiljanlega með öllu gjöreytt trúverðugleika þeirrar stofnunar. Þetta er grátbrosleg staða. Meira að segja mogginn grenjar orðið yfir þessu ömurlega hugmyndafræðilega perraklámi. Hvaða áhrif ætli það hafi á menn að vera í sérstöku vinfengi við sækóa sem eru með pyndingar á heilanum? Hvers vegna skyldu þeir laðast að heilaskemmdum pyndingaperrum til að byrja með? Það væri fróðlegt að fá álit geðlækna á því.

[Baldur Fjölnisson, 8.2.2008 kl. 00:24]

Talandi um lækna þá er allt til reiðu og viðbúnaðaráætlanir tilbúnar fyrir einhvers konar sam-alræði lækna og stjórnmálamanna. Það er bara beðið eftir að sækóarnir í Washington sleppi einhverjum drepsóttum lausum. Þeir hafa verið að undirbúa jarðveginn og prógrammera liðið með SARS og fuglaflensunni og frá Hollywood/Pentagon rignir yfir okkur hverri útrýmingarfilmunni af annarri. Og lyfjamafían græðir feitt á öllu saman. Núna er verið að setja lög í BNA sem banna alfarið málshöfðanir gegn lyfjafyrirtækjum. Hvað segir það ykkur? Þetta á að vera frítt spil.

[Baldur Fjölnisson, 8.2.2008 kl. 00:28]

Ég veit ekki með ykkur en kengruglað ástand í stjórnmálum segir mér er td. að geðlæknar þurfi strax að taka við kennslu í stjórnmálafræði og sennilega hagfræði líka í háskólanum. Ef það reynist vel má athuga með fjölmiðlafræði og fleiri greinar.

[Baldur Fjölnisson, 8.2.2008 kl. 00:38]

Deildarforseti stjórnmálfræðideildarinnar  þyrfti reyndar helst að vera efnafræðidoktor með kvikasilfurseitranir sem sérgrein. Síðan sé ég fyrir mér Lísu í undralandi sem skylduáfanga í grein þessarri.

[Vigfús Davíðsson, 8.2.2008 kl. 10:38]

Komdu sæl Halla Rut.Það sem ég á við. Góðir hlutir gerast hægt. Frumvarp Iðnaðarráðherra  um auðlindir og orkumál er fast í þingflokki Sjálfstæðisflokksins. Á meðan tjáir Samfylkingin sig ekkert um kvótadóm. Hún bíður eftir að frumvarpið verði afgreitt úr þingflokknum. Svo að það geti orðið að lögum. Þetta er allt spurning um Eignarhaldið og Eignarétt hver á fiskinn í sjónum og vatnið og orkulindirnar. Þetta hangir allt saman. Ríkistjórnin er að vinna í þessum málum. Og þetta gerist ansi hægt. En Halla ég  er trillusjómaður og er á móti kvótakerfinu. En þú ásakar mig fyrir þjófnað , að ég vilji stela lífsbjörginni úr hendi eins manns og gefa hana öðrum. Dæmir þig bara sjálfa. Þú átt ekki að dæma aðra. Því  það er bara einn sem dæmir að lokum.