Hesthús fjármálaráðherra kostuðu glás og meira en Grímseyjarferjan

Ég heyrði í vikunni í miklum stuðningsmanni Sturlu Böðvarssonar og var hann verulega ósáttur við formann Sjálfstæðisflokksins að láta eineltið vegna Grímseyjarferjunnar ganga svo langt sem raun ber vitni gegn forseta Alþingis.

Stuðningsmaður Sturlu rifjaði upp fyrir mér að Árni Matt fjármálaráðherra hefði verið stórtækari en Sturla í að moka út peningum úr ríkissjóði sem ekki var heimild fyrir í fjárlögum. Í  fyrra kom fjármálaráðherra því til leiðar að á fjórða hundruð milljóna hefðu farið í byggingu hesthúsa á Suðurlandi. 

Samkvæmt 33. grein fjárreiðulaga er einungis heimilt að greiða úr ríkissjóði fé til verkefna sem ekki eru heimuluð í fjárlögum ef ófyrirséð atvik eru þess valdandi og greiðslan þoli enga bið.  

Útgjöldin voru að því leyti ófyrirséð að enginn sá það fyrir þegar fjárlögin voru afgreidd að Árni Matt þyrfti að etja harðvítuga keppni við nafna sinn Johnsen um að leiða lista Sjálfstæðismanna á Suðurlandi.  Þessi skyndilegi fjáraustur  úr sameiginlegum sjóðum landsmanna var jú liður í prófkjörsbaráttunni og hefur eflaust skipt sköpum  að fjármálaráðherra náði að merja sigur á flokksbróður sínum Árna Johnsen.  

Það er greinilega þung undiralda meðal Sjálfstæðismanna víða sem furða sig niðurskurði aflaheimilda í kjölfar ráðgjafar sem æ færri hafa nokkra trú á að muni skila nokkrum árangri.  

Athugasemdir

[Þórbergur Torfason, 25.8.2007 kl. 00:10]

Ekki bætir það slæma stöðu slakra stjórnmálamanna að segja sífellt, hann gerði það líka, þegar deilt er á þá. Ef þessir menn eru að misfara með fé úr ríkissjóði er það von okkar almennings í þessu landi að þeir verði teknir í bakaríið af til þess bærum dómstól.

Hitt er svo annað mál. Hvernig stendur á því að þetta hesthúsamál er að dúkka upp núna. Ég minnist þess ekki að hafa heyrt á þetta minnst hér í suðurkjördæmi hvorki í krigum prófkjör þeirra nafna eða kringum kosningarnar.

[Einar Vignir Einarsson, 25.8.2007 kl. 09:35]

Þetta er rosalegt ef satt reynist.  Það verður gaman að fylgjast með umræðum um þetta mál.  Er þetta ekki eins með Grímseyjarferjuna og Vélsmiðju Orma og Víglundar???

[Hallgrímur Guðmundsson, 25.8.2007 kl. 12:05]

Dæmigert fyrir íhaldið. Hvað er íhaldið að gera núna í borg óttans? Jú setja stöðumæla á bílastæði skólanna. Hvenær í ósköpunum ætlar fólk að vakna og sjá það hvernig stefna íhaldsins snýst eingöngu um það að mergsjúga lýðinn og sóa almannafé eins og okkur komi það akkúrat ekkert við, og hengja lítilmagnann fyrir eigin óhæfni og skítverk. Er ekki kominn tími á að gefa þessu auðvaldsinnum frí og draga þá fyrir dómstóla og dæma fyrir stjórnarskrárbrot og stjórnlaust sukk með almannafé.

[Skúli (IP-tala skráð) 25.8.2007 kl. 12:16]

Svona málflutningur er ástæða þess að þú ert ekki lengur á þingi.  Vísa í "stuðningsmann Sturlu" við að níða niður fólk.  Ekki mjög stórmannlegt.

[Sigurjón Þórðarson, 25.8.2007 kl. 13:38]

Skúli ég held að það sé frekar einhver önnur ástæða fyrir því að ég náði ekki kjöri en sú að ég vitna af og til í frændur og vini vestan af Snæfellsnesinu.

[Hallgrímur Guðmundsson, 25.8.2007 kl. 16:06]

Hvernig getur það talist níð að segja sannleikann? Ég bara spyr!!!