Samfylkingin svíkur sjávarbyggðirnar

Nú er búið að opinbera stjórnarsáttmálann og er rétt að óska Sjálfstæðismönnum innilega til hamingju með hann. 

Sjálfstæðisflokkurinn tekur við öllum mikilvægari málaflokkum á meðan samstarfsflokkurinn lætur í minni pokann. 

Samstarfsflokkurinn hefur gleymt öllum heitstrengingum um að koma Íslandi af lista yfir stríðsfúsar þjóðir sem styðja innrásina í Írak.  Sömu sögu er að segja um það fyrirheit að endurskipuleggja stjórnarráðið. Samfylkingin  ætlar einnig að svíkja fólkið í sjávarbyggðunum en Ingibjörg Sólrún Gísladóttir boðaði að hún ætlaði að viðhalda núverandi stöðugleika í sjávarútvegi!

 Hvaða stöðugleika er Ingibjörg Sólrún  að boða fyrir fólkið sem býr í sjávarbyggðunum s.s. Flateyri?

 

Athugasemdir

[Hlynur Hallsson, 23.5.2007 kl. 13:07]

Þessi "sáttmáli" er sorglegur. Það að harma "ástandið" í írak er í besta falli slepjulegt og óbreytt ástand í kvótamálum er kjaftshögg á sjávarbyggðirnar. Maður sér ekki stóran mun á innkomu Samfó í ríkisstjórn. Þau taka bara sæti Framsóknar og missa meira að segja heilbrigðismálin. Vandræðalegt. Bestu kveðjur,

[Sigtryggur Karlsson, 23.5.2007 kl. 13:43]

Þau eru súr sagði refurinn þegar hann náði ekki í berin. Það er auðvitað morgunljóst að ekki ræður einn þá tveir semja.

Auðvitað liti þetta öðruvísi út ef Sf hefði ráðið sáttmálanum ein. En því miður var ekki svo og þá verða menn að spurja sig um málefni.  Er til dæmis meira virði að geta bætt hag eldri borgara, öryrkja, barna og fjöskyldna eða lappa upp á ömulega ímynd Íslendinga sem enginn hefur vewrulegar áhyggjur af aðrir en þeir sjálfir.

Ofstækisfull, einstrengingsleg og málefnasnauð skrif breyta þar litlu um.  Auðvitað reyna allir í þeirri stöðu sem núverandi stjórnarflokkar voru í að ná sem mestu af sínu fram. Því er það spurning á hverju menn vilja láta brotna og hvort menn vilja láta brotna yfirleitt. Hvort er hagkvæmara fyrir landslýð að ná árangri í velferðarmálum eða láta nstrika sig af lista "hinna viljugu". Það er bara einfalt verðmætamat.  Hvar liggur það hjá mönnum sem vildu vera þátttakendur í landsstjórninni en var ekki treyst til þess.

[Sigurjón Þórðarson, 23.5.2007 kl. 14:29]

Mér sýnist sem að það sé einmitt lagt upp með það að annar aðilinn ráði í þessu "samstarfi".

Það voru köld skilaboð sem Sjálfstæðisflokkurinn og samstarfsflokkurinn sendu sjávarbyggðunum í morgun.

[Gunnar Skúli. (IP-tala skráð) 23.5.2007 kl. 19:45]

Sigurjón, hvernig túlkar þú eftirfarandi úr stjórnarsáttmálanum,"Gerð verður sérstök athugun á reynslunni af aflamarkskerfinu við stjórn fiskveiða og áhrifum þess á þróun byggða." Er einhver von í þessum texta.

[Hallgrímur Guðmundsson, 23.5.2007 kl. 21:14]

Það er alveg eins og maður sé að lesa niðurstöður og ályktanir frá landsþingi sjálfstæðismanna þegar maður les stjórnarsáttmálann.Og eitt vildi ég segja þér Gunnar Skúli það er
stór munur á því sem þeir segjast ætla að gera og það sem gert er. Hvernig stendur á því að ekkert hefur verið gert eftir 16 ár við völd? Svarið er einfalt það er enginn vilji til þess og stendur ekki til að breyta því.Meðan það eru eintómir sjálfstæðismenn innan LÍÚ verður ekkert gert og stærstu kvótaeigendur eru sjálfstæðismenn verður haldið áfram að skafa undir helvítis rassgatið á þeim svo þeir megi auðgast meira á okkar kostnað.Það er greinilegt að samfylkingin kom bara fyrir framsókn í það minnsta hafa þeir hlaupið frá flestum áherslum sem lofað var í kosningunum.Sá sem trúir því að íhaldið geri eitthvað að viti meðan innanflokksmenn eru að hagnast um marga milljarða á kostnað almennings og litlu sjávarþorpanna á verulega
bágt og legg ég til að sá hinn sami leiti sér tafarlaust hjálpar.Það 
gæti verið að enn sé hægt að lækna viðkomandi.

[Gunnar Skúli Ármannsson, 23.5.2007 kl. 21:53]

Sæll Hallgrímur, ég gerði mér grein fyrir að þetta voru tálvonir, en samt sem áður lifir maður alltaf í voninni. Án vonar gerist ekkert. Ég deili sýn þinni að mestu leiti á vandamálinu nema mér finnst þú frekar vonlaus á að von sé til breytinga. Kosningarnar voru að sjálfsögðu mikil vonbrigði og illskiljanlegt að íbúar á þeim stöðum sem verða verst úti skuli ekki reyna þó að kjósa af sér kvótakerfið. Í hverju sú lækning felst er stóra spurningin.

[Sigurður Þórðarson, 23.5.2007 kl. 22:10]

Óbreytt sjávarútvegsstefna!!

Þetta gengur í berhögg við landsþings- og flokkssamþykktir Samfylkinarinnar sem ganga út frá fyrningarleiðinni.  

Hvað gerir Ellert Schram, hinn aldni og hugprúði íþróttamaður sem gekk úr Sjálfstæðisflokknum vegna þess að honum sveið hið óréttláta kvótakerfi, sem misbauð réttlætiskennd hans? 

Hvað gerir Jóhann Ársælsson, sem er helsti sérfræðingur Samfylkingarinnar í sjávarútvegsmálum til margra ára?

Hvað gerir vinur minn séra Karl V. Matthíasson, sá réttsýni sómamaður, sem starfað hefur sem prestur í sjávarbyggðunum vestur á fjörðum og þekkir óréttlæti kvótakerfisins betur en flestir aðrir?

Við bjóðum þessa heiðursmenn og vopnabræður velkomna í  okkar raðir.

[Jens Guð, 24.5.2007 kl. 01:15]

Ég get ekki ímyndað mér að málsmetandi menn í Samfylkingunni kokgleypi afsláttinn varðandi stuðnig Íslands við stríðsóðar þjóðir Brúsks né hvernig hopað er í kvótamálinu.  Mér segir svo hugur að einhverjir eigi eftir að færa sig yfir til Frjálslynda flokksins á yfirstandandi kjörtímabili.  Hafi menn reisn fyrir sínum skoðunum og baráttumálum. 

[Hallgrímur Guðmundsson, 24.5.2007 kl. 02:33]

Ekki get ég sagt að ég sé vonlaus um breytinga það verður bara að halda áfram að djöflast á þessum mönnum sem öllu ráða.PÚFF hvað getur maður sagt eftir þessar kosningar? Þarna virðist vera hinn illvígi íhaldssjúkdómur á ferðinni.Sem ég held að verði seint útrýmt, svo einkennilegt sem það nú er þá eru algjörlega óskiljanlega 
margir haldnir honum.

[Gísli Baldvinsson (IP-tala skráð) 24.5.2007 kl. 10:35]

Þú ert nú þekktari fyrir að vera málefnalegri Sigurjón, ef "hamingjuóskum" þínum er einungis beint til Sjálfstæðisflokksins þá er það bara svo. Hingað til hafa menn getað unnt stjórnarliði að njóta a.m.k. 100 daga hveitibrauðsdaga, en þú ert kominn í slorstívélin á degi eitt. Vinur okkar Hlynur Halls, dettur ofan í flórinn líka og mér finnst aumt að sjá ykkur þar. Annað hvort veistu ekki betur hvernig málefnasamningar virka eða þú veist betur en slettir samt. Á fyrsta degi er ekki verið að svíkja einn eða neinn. Auðvitað verða þessi mál skoðuð og í samráði við heimamenn. Ekki trúir þú því að ráðherrar séu ílla meinandi fólki í neyð. Þá verður þú rækilega ynntur eftir því að þú teljir ráðuneyti s.s. samgöngumál, velferðar- og tryggingarmál séu ómerkileg ráðuneyti. Hvað þá umhverfisráðuneyti. Komdu þér að bakkanum Sigurjón, taktu í útrétta hönd a.m.k. fyrst 100 dagana og óskaðu ríkisstjórninni velfarnaðar í góðum málum. Það gerði þó Adi Kiddi Gauja.

[Sigurður Þórðarson, 24.5.2007 kl. 10:48]

Hamingjuóskir en Gísli Baldvinsson, bara ein spurning: Eiga Flateyringar að gefa ykkur 100 hveitibrausdaga til að festa kvótakerfið í sessi?

[Guðrún Hulda, 24.5.2007 kl. 11:15]

Úff, ef þetta eru að þínu mati mikilvægustu ráðuneytin þá er ég fegin að þú komst ekki inn á þing með þínar áherlsur......shjúkket! Velferðarmálin, samgöngumálin, utanríkismálin, umhverfismálin, iðnaðar- og byggðarmála og ekki síst viðskiptaráðuneytið skipta sem sagt ekki máli......hjúkket í öðru veldi!!!

[Hallgrímur Guðmundsson, 24.5.2007 kl. 12:55]

Sæll það er í gestabókinni þinni.Kv Halli

[Sigurjón Þórðarson, 24.5.2007 kl. 13:30]

Gísli, mér heyrist þú vera að biðja um 100 daga handa stjórninni til að kinoka sér við að taka á brýnu máli sem endurspeglast í uppsögnunum á Flateyri.

Það þarf enga 100 hveitibrauðsdaga til að semja stjórnarsáttmála í samræmi við gefin loforð í kosningabaráttu. Ef þú skoðar betur það sem ég skrifaði er ég viss um að þú verður sammála mér.

[Hallgrímur Guðmundsson, 24.5.2007 kl. 16:59]

Hvaða stöðugleika,örugga og ábyrga efnahagstjórn er verið að tala um?
Hver er staðan? Algjört hrun blasir við mörgum sjávarþorpum,fyrirtæki í hátækni iðnaði flýja land, skuldir 
vaxa, 
kaupmáttaraukningin hverfur og rúmlega það til þess eins að borga ofurvexti.Og að endingu krónan er algjörlega á frjálsu flugi upp og niður.
Er þetta það sem kallað er ábyrg og örugg efnahagsstjórn?Og ein spurning að lokum.Hvernig er hægt að biðja um 100 hveitibrauðsdaga fyrir þann sem setið hefur í 16 ár við völd.                                Svar óskast.

[Þarfagreinir, 24.5.2007 kl. 17:05]

Já, ég hefði viljað sjá fyrirheit um umbætur á kvótakerfinu í sáttmálanum ... neita því alls ekki.