Rangfærslur sjálfstæðismanna um færeyska kerfið

Kristján Þór Júlíusson fer enn og aftur með undarlegar yfirlýsingar um sjávarútvegsmál, nú málin í Færeyjum. Í fyrsta þætti Stöðvar 2 sagði hann að sjávarútvegur væri úreltur atvinnuvegur, í öðrum þættinum taldi hann að kerfið hefði skapað mikinn ágóða sem það hefur sannarlega ekki gert og í þriðja lagi bullaði hann í þætti RÚV í gærkvöldi eitthvað um færeyska fiskveiðistjórnunarkerfið.

Í þessum þáttum getur verið erfitt að koma athugasemdum og leiðréttingum að án þess að grípa stöðugt fram í. Staðreyndin er þó sú eins og kemur fram í fyrri færslu minni að mikill uppgangur er í færeyskum sjávarútvegi, ólíkt þeim íslenska þar sem stærsta fyrirtækið hér tapaði 2 milljörðum á síðasta ári. Svindlið skekur greinina eins og kom fram í Kompássþætti en sem enga náð hefur hlotið fyrir augum Ríkisútvarpsins.

Það sem mér finnst verst við þessa umfjöllun um sjávarútvegsmál er að sjálfstæðis- og framsóknarmenn hafa neitað að skoða færeyska kerfið þrátt fyrir augljósar hörmungar þess íslenska þar sem er tugmilljónasvindl alla daga allan ársins hring.

Athugasemdir

[Guðmundur (IP-tala skráð) 9.5.2007 kl. 11:19]

Núverandi stjórnarmeirihluti virðist neita öllum eigin mistökum.  Hagskýrslum er hampað ef þær eru jákvæðar í garð stjórnarmeirihluta en þeim er hafnað ef þær eru neikvæðar.  Ef verkefni er þeim ekki að skapi er ekki byrjað að rannsaka þau svo ekki sé grundvöllur fyrir að byrja á þeim.  Svo neita þeir fram í rauðan dauðann að þeir hafi gert einhvað rangt þó að öllum sé augljóst að það sé maðkur í mysunni sbr. nokkur ný mál.  Á síðustu dögum fyrir kosningar berjast þeir um að láta bera á sér með að samþykkja ný verkefni sem beðið hefur verið lengi eftir og stjórnarandstaða hefur ýtt á.  Þeir eru of heimakærir og valdasjúkir.

[Guðmundur (IP-tala skráð) 9.5.2007 kl. 11:20]

Núverandi stjórnarmeirihluti virðist neita öllum eigin mistökum.  Hagskýrslum er hampað ef þær eru jákvæðar í garð stjórnarmeirihluta en þeim er hafnað ef þær eru neikvæðar.  Ef verkefni er þeim ekki að skapi er ekki byrjað að rannsaka þau svo ekki sé grundvöllur fyrir að byrja á þeim.  Svo neita þeir fram í rauðan dauðann að þeir hafi gert einhvað rangt þó að öllum sé augljóst að það sé maðkur í mysunni sbr. nokkur ný mál.  Á síðustu dögum fyrir kosningar berjast þeir um að láta bera á sér með að samþykkja ný verkefni sem beðið hefur verið lengi eftir og stjórnarandstaða hefur ýtt á.  Þeir eru of heimakærir og valdasjúkir.

[Árni Gunnarsson, 9.5.2007 kl. 12:47]

Ég var ánægður með þig þarna á Egilsstöðum. En þess var vandlega gætt að hleypa þér ekki of langt. Það var hörmung að verða vitni að viðbrögðum Kristjáns þegar vandi sjávarbyggðanna barst í tal. Honum var leyft að afgreiða þig og Kompássþattinn með ómerkilegu bulli, og þetta hvatvíslega orðalag mitt skal ég standa við. Svo var eins og allir hrykkju við og færu í baklás þega þú barst talið að framleiðslustyrkjum handa milljarðamæringum sem nú ætla að kalla sig bændur og kaupa upp framleiðslurétt í mjólk og kjöti.

[Hallgrímur Guðmundsson, 9.5.2007 kl. 14:28]

Það er hefur aldrei verið gert nóg fyrir bændur að þeirra mati.Ég verð að spyrja,út úr hvað moldarkofa kom maðurinn sem spurði um hvað ætti að gera fyrir bændur í kastljós þættinum í gær? Er ekki nýbúið að afgreiða til þeirra eina litla 19 milljarða og sér eyrnamerktir 3 milljarðar fyrir nýliða í greininni?Eru menn algjörlega búnir að tapa sér í yfirgangi og heimtufrekju af okkur hinum í þessu landi?Er ekki nóg að þessi stétt sé vernduð með ofurtolla ólögum?Hvernig getum við trúað því að bændur séu að drepast 
auraleysi þegar við sem um landið keyrum sjáum í það minnst 3-4 misdýra bíla við nánast hvern bóndabæ og allskonar 
landbúnaðartæki liggjandi eins og hráviði um allar jarðir. 

[Guðrún María Óskarsdóttir., 10.5.2007 kl. 01:51]

Sæll Sigurjón.

Kristján Þór kom þarna fram sem maður sem ekki vill axla ábyrgð á árangursleysi fiskveiðistjórnunarkerfisins frekar en nokkur annar af þeim sem nú tilheyra núverandi Framstæðu sjálfsóknarflokkum auðvaldsaflanna í landinu sem núverandi ríkisstjórn samanstendur af.

Skammtímasjónarmið þess efnis að hvað hver græðir í dag , burtséð frá afleiðingum þess hvað eftir er eftir þann gróða, til handa komandi kynslóðum af fiskistofnum á Íslandsmiðum er frumskógarlögmál undir formerkjum hins meinta frelsis sem ekkert er í raun og hefur snúist í öndverðu sína á alla lund.

kv.gmaria.

[Magnús Þór Hafsteinsson, 11.5.2007 kl. 11:13]

Sæll félagi og aðrir lesendur.

Minni á vefsjónvarp Frjálslynda flokksins þar sem finna má myndbönd meðal annars um sjávarútvegsmál, m. a. eitt með skírskotun til Færeyja og reynslunnar þar. Smellið hér og verðið ekki fyrir vonbrigðum.  

[Ársæll Níelsson, 11.5.2007 kl. 11:50]

Sæll Sigurjón, vildi vekja athygli þína á skrifum vestfirsks Sjálfstæðismans.

http://golli.blog.is/blog/golli/entry/205891/