Samherji hf. beitir Ísland og Íslendinga viðskiptaþvingunum

Dótturfélag Samherja beitir Ísland og Íslendinga viðskiptaþvingunum!  Það er engin spurning að íslensk stjórnvöld ættu að svara í sömu mynt.  Það er ekkert náttúrulögmál að Samherji skuli fá nánast óheftan aðgang að náttúruauðlindum þjóðarinnar án endurgjalds.  

Það sannast hér sem aldrei fyrr að sjaldan launar kálfurinn ofeldið.  Í ljósi þessa er furðulegt að þingið sé núna að bögglast með frumvarp, þar sem verið er að afhenda þessu sama fyrirtæki náttúruauðlindir þjóðarinnar til varanlegrar eignar.

 

DFFU hættir viðskiptum við Ísland

Athugasemdir

[Bjarnveig Ingvadóttir (IP-tala skráð) 3.4.2012 kl. 16:12]

Allur fiskur DFFU er veiddur utan íslenskrar lögsögu, og um er að ræða þýskt fyrirtæki þó svo að það sé í eigu íslendinga.

Við hér á Dalvík höfum allavegana haft mikinn hag af því að þeir landa fiski hér til vinnslu í frystihúsi Samherja, sem er stærsti vinnuveitandinn hér í bæ.

Þetta mun þýða verulega skerta vinnu hér í sumar með tilheyrandi fjárhagsskaða fyrir starfsfólk og eigendur Samherja, einnig á Bæjarsjóð og almennt í verslun og þjónustu hér.

[Jón Steinar Ragnarsson, 3.4.2012 kl. 16:29]

Mér finnst það afar ótrúverðugt að fyrirtæki pakki saman á þeirri forsendu einni að þeim sé ekki ljóst um hvað þeir eru sakaðir í rannsókn yfirvalda. Rannsóknin hlýtur að leiða það í ljós hvort eitthvað er saknæmt eða ekki. Hvers vegna geta þeir ekki beðið rólegir eftir því.

Fjöldi einstaklinga er tekinn út árlega í skattrannsókn án þess að staðfest sé að þeir séu brotlegir. Rannsóknin leiðir það í ljós. Eiga þeir allir að fyrtast við og flytja úr landi?

 Þetta ber öll merki ofbeldis og hroka.

[Sigurjón Þórðarson, 3.4.2012 kl. 16:30]

Ég er sammála þér, það er illa gert að taka heilt bæjarfélag í gíslingu vegna rannsóknar yfirvalda á lögbrotum. 

Nú er að sjá hvað Dalvíkingar, þingmenn og þjóðin eru undir miklum áhrifum af svokölluðu Stokkhólmsheilkenni og fari í framhaldinu jafnvel að bera í bætifláka fyrir þvinganir og gíslatöku Samherja. 

[Jón Steinar Ragnarsson, 3.4.2012 kl. 16:41]

Þeim er fyllilega ljóst hvað þeir eru sakaðir um og þeim var gert það ljóst. M.a. er það transfer pricing og það að fara í kringum gjaldeyris og skattalög.  Minna má tilefnið nú ekki vera.  Ég legg til að fyrirtækið verði kyrrsett og stjórnendur þess líka á meðan á rannsókn stendur.  Rétt eins og gert er með alla grunaða í sakamálum, sem hugsa sér til hreyfings. Eru þeir að koma einhverju undan?

Væru þeir með heina samvisku, þá létu þeir ekki svona. Þetta gerir ekkert annað en að efla grunsemdir.

[Árni R, 3.4.2012 kl. 17:13]

Eignaraðild Samherja í erlendum sjávarútvegsfyrirtækjum skapar mikla atvinnu hér á landi. Fyrirtækin hafa gert samninga við íslensk iðnfyrirtæki upp á um 900 milljónir króna tímabilið 21 apríl til 21.okt 2011 og keypt vörur og þjónustu hér fyrir hundruð milljónir króna í tengslum við landanir. Þá hafði Samherji, flutt inn rúmlega 10 sinnum meira magn af fiski til vinnslu en fyrirtækið hefur flutt út, m.v. óaðgerðan, heilan fisk fyrstu 10 mánuði síðasta árs. Áætlaður virðisauki af vinnslu þessa innflutta hráefnis er um 650 milljónir króna. Samtals hafa því um 2 milljarðar króna komið inn í íslenskt atvinnulíf fystu 10 mánuði síðasta árs vegna starfsemi erlendra fyrirtækja sem tengjast Samherja

Þetta Sigurjón skiptir auðvitað engu máli fyrir ríkiskassan og bara gott mál

[Sigurjón Þórðarson, 3.4.2012 kl. 17:16]

Árni R. á ég að skilja þessar línur frá þér á þá leið að þú sér sammála því að Samherji hafi í hótunum við Dalvíkinga?

[Ásthildur Cesil Þórðardóttir, 3.4.2012 kl. 17:17]

Já já við skulum bara gleyma öllum misgjörðum þeirra sem brjóta lögin, af því að ríkið gæti mögulega hagnast á viðskiptunum. 

[IG (IP-tala skráð) 3.4.2012 kl. 18:33]

Ég sá þetta einhversstaðar Sigurjón og ég skal staðfæra það fyrir þig.

Hvað myndir þú gera ef að lögreglan tilkynnti þér að þú lægir undir grun um ótiltekið brot í hvert skipti sem þú keyrðir bíl og þér yrði tilkynnt eftir nokkrar vikur í hverju brotið fælist. Myndirðu halda áfram að keyra?

Ef svarið er já þá ertu áhættufíkill ef svarið er nei þá hefurðu vott af ábyrgðartilfinningu.

Það er tilbúningur hjá þér að haft sé í hótunum við Dalvíkinga. Málið snýst um það hvort DFFU landar þorsk úr kvóta Þýskalands á Íslandi eða einhverstaðar annarstaðar. Ef að það vaknar grunur um lögbrot í hvert skipti sem skip félagsins landa á Íslandi myndir þú halda áfram að landa?

Málflutningur þinn Sigurjón er þeim galla háður að þú hefur lengi hatast út í vel reknar stærri útgerðir á Íslandi og því geturðu ekki horft hlutlægt á málið og vegið það metið.

[Ásthildur Cesil Þórðardóttir, 3.4.2012 kl. 18:52]

Hvernig stendur eiginlega á því að ef fólk segir álit sitt á ákveðnum aðilum eins og í þessu tilfelli stjórútgerðarfélögum og Samherja er talað um hatur?  Ég tel ekki vera neitt hatur í gangi heldur eðlilegar ásakanir sem fólk sem byggir sjávarbyggðir landsins þekkir vel á eigin skinni, nema últra sjálfstæðismenn með stjörnur í augum yfir Flokknum sínum. 

Við þekkjum alveg nákvæmlega aðferðir og viðskiptasiðferði þessa fólks.  Þó 101 Reykjavík sjái það ekki, enda hafa flestir þar núna alist upp við að allt gerist í krinlum og smáralindum þessa lands. 

[Bjarnveig Ingvadóttir (IP-tala skráð) 3.4.2012 kl. 19:56]

Nú bý ég í einni af sjávarbyggðum landsins Dalvík og þökk sé Samherja og fleirum hefur þrátt fyrir allt tekist að halda tiltölulega góðu atvinnustigi hér.

Ég mun aldrei verða einhver sérstkur talsmaður Samherja en tel að þeir eigi að njóta vafans eins og aðrir.

Þá hef ég aldrei og mun aldrei styðja Sjálfstæðisflokkinn.

Miðað við fréttir sem hafa komið fram er húsleitin gerð vegna einhverra grunsemda um svindl í gjaldeyrisviðskipti. Ef það eru réttar fréttir og þeir telja sig hafa verið að gera rétt er eðlilegt að stoppa viðskipti sem öll byggja á gjaldeyrisviðskipum því DFFU er jú þýskt félag sem veiðir utan íslenskrar landhelgi og gerir upp í Þýskalandi.

Sjá athugasemd IG kl. 18.33, fyrir ykkur sem skilja ekki viðbrögð Samherjamanna.

Úr því sem komið er, er eins gott að sannanir séu til staðar því þessar aðgerðir Seðlabanka og síðan Samherjamanna þýða líklega atvinnuleysi hjá yfir 200 manns bara á Dalvík í 3-4 mánuði í sumar, en uppistaðan í sumarvinnu í frystihúsinu hér hefur verið vinnsla á afla frá DFFU og íslendingar veiða þann fisk ekki í íslenskri landhelgi.

[Jón Steinar Ragnarsson, 3.4.2012 kl. 20:24]

Hvað gengur að ykkur Dalvíkingum hér?  Hafa þessir menn verið sóttir til saka í hvert skipti sem þeir hafa landað fiski? Er DFFU undanskilið af því að það er þýskt? Þýðir þetta að fyrirtækjunum verði lokað í 3-4 mánuði í sumar? Hverslags dramadrottningar eruð þið eiginlega?

Á Samherji að fá að njóta vafans? Hvernig? Láta þá eiga sig jafnvel þótt grunur leiki á að þeir hafi brotið af sér?

Það hefur verið farið inn í fjölda fyrirtækja á Íslandi og bókhaldsgögn gerð upptæk vegna gruns um misferli. Stundum hefur grunur verið á rökum reistur, stundum hefur hann ekki fengist staðfestur.   Hafi menn ekkert að fela, þá geta þeir verið rólegir.

Hver man ekki eftir samráðsmáli olíufélaganna? Þar var aldeilis harmagráturinn og allir lýstu sakleysi.  Þar voru erlend viðskipti tengd. Málið tók langan tíma en fyrirtækin störfuðu eðlilega allan þann tíma.

Það er DFFU sem er að taka ákvörðun um að hætta viðskiptum í von um að spinna upp moldviðri og fá samstöðu þarna norðan heiða. Og viti menn allir Dalvíkingar bíta á agnið og telja einum rómi að það eigi að undanskilja Samherja frá nokkrum grun um misferli í krafti stærðar og auðs. 

Hefðu reykvíkingar kannski átt að gera það sama þegar fjármálafyrirtækin voru rannsökuð?

Það eru ekki litlar upphæðir sem þetta fyrirtæki höndlar með. Séu þeir að svindla og brjóta lög, þá snertir það alla þjóðina á versta tíma. Þið viljið að menn sjái í gegnum fingur sér með það.

Ég er síðasti maður til að hampa núverandi ríkistjórn og ég hef engar axir að brýna gagnvart Samherja eða öðrum útgerðum. Þetta er hinsvegar löggæslumál og þar finnst mér sjálfsagt að yfirvöld geti rannsakað þá sem liggja undir grun.

Það var ekkert gert annað en að leggja hald á gögn til rannsóknar. Fyrirtækið getur starfað eins og ekkert hafi í skorist. DFFU hefur hinsvegar í samráði við Samherja ákveðið að hámarka skaðann til að vinna sér fylgjendur. Heimskulegra verður það ekki. 

[Ásthildur Cesil Þórðardóttir, 3.4.2012 kl. 20:32]

Sammála Jón Steinar.  Þetta er afar heimskulegt og fer illa í marga þ.e. utan Dalvíkur vöggu Samherja. 

[Jón Steinar Ragnarsson, 3.4.2012 kl. 20:35]

Hvernig væri að rökstyðja sakleysið? Einu varnir Samherja og ykkar sem hér komið til varnar er að romsa upp veltutölum fyrirtækisins. Hvern fjandan kemur það málinu við?

Vissulega er Samherji stórt og voldugt fyrirtæki, sem veltir stórum upphæðum og er afar mikilvægt í þessum byggðum, en þýðir það að þetta fyrirtæki sé þar með hafið yfir allan grun um misferli?

Maður hefur varla séð svona hundalógík í háa herrans tíð.

[Sigurgeir Jónsson, 3.4.2012 kl. 20:59]

Þettar náttúrulega ekkert annað en hatursáróður hjá þér varðandi Samherja og raunar allan sjávarútveginn.En það hlýtur að vera komminn tími á að sveitarfélög á landsbyggðinni standi saman og stofni Samband sveitarfélaga utan höfuðborgarsvæðisisins.Sjávarútvegur er höfuðatvinnuvegur landsbyggðarinnar og ekki er annað sjáanlegt en að Rykjavíkurríkisstjórninn ætli með þinni hjálp Sigurjón að ganga af sjávarútveginum og þar með landsbyggðinni dauðri.Og hvernig í ósköpunum dettur þér í hug að þýska fyrirtækið geti verið að landa fiski hér á landi þegar Seðlabankinn er á sama tíma að ásaka fyrirtækið um gjaldeyrissvik eftir lygum úr Kastljósi RUV.

[Sigurgeir Jónsson, 3.4.2012 kl. 21:02]

Undirlægjuháttur ísfirðingsins Ásthildar, sem hefur Málefnin com. á samviskunni er ekki nýr. og kemur aldrei á óvart. Svo grenjar hún.

[Sigurgeir Jónsson, 3.4.2012 kl. 21:04]

Undirlægjuháttur gagnvart Reykjavíkurvaldinu.

[Sigurgeir Jónsson, 3.4.2012 kl. 21:06]

Og trúlega er Jón Steinar Ragnarsson fræni þinn.

[Sigurgeir Jónsson, 3.4.2012 kl. 21:08]

Frændi hennar.

[Jón Steinar Ragnarsson, 3.4.2012 kl. 21:13]

Það er fengur í þér fyrir Dalvíkinga Sigurgeir minn. Hér tekst þér á málefnalegan og yfirvegaðan hátt, sem oftar, að afgreiða málið svo það þarf ekki að ræða meir.

Vonandi geta Dalvíkingar notað mannvitsbrekku þessa til skíðaiðkunnar í fásinninu.

[Jón Steinar Ragnarsson, 3.4.2012 kl. 21:16]

Ekki er þetta Sigurgeir úr Gvendarhúsum?

[Sigurjón Þórðarson, 3.4.2012 kl. 22:04]

IG, ég skil ekkert í þér að blanda mér og lögreglunni inn í þessi lögbrot Samherja og viðskiptaþvingunum fyrirtækisins gagnvart Íslendingum.

Í þau fáu skipti sem ég hef verið stöðvaður af lögreglunni, þá hef ég venjulega vitað upp á mig skömmina og hægt á mér í framhaldinu. Mér hefur aldrei dottið í hug að hóta Blönduóslögginni og er þeim þakklátur fyrir umferðaruppeldið.

[Vilhjálmur Stefánsson, 3.4.2012 kl. 22:08]

þessi Sigurgeir virðist farinn á taugum. Hver andskotinn gerir hann út??

[Bjarni Bergmann Vilhjálmsson (IP-tala skráð) 3.4.2012 kl. 22:33]

þetta er bara rétt hjá Sigurjóni og það hlýtur að vekja grunsemdir hjá þjóðinni auðlyndin er hennar,og einhver sagði hér að ofan "eins gott að þeir hafi sannanir"það er að mínu mati óeðlilegt að gera ekki úttekt hjá fyrirtæki sem hefur með auðlynd þjóðar að vinna.Í raun furðulega lélegt eftirlit.Það þurfti Kastljós til að koma að stað rannsókn,tekjur landsmanna af auðlindinni eru ekki ásættanlegar og allir vita að þegar fyrirtæki þurfa að borga skatta ,fara þau í framkvæmdir eða einhverskonar aðgerðir til að sleppa undan sköttum,það kallast mannlegt eðli og ekkert við því að segja.en ef fyrirtækið er að koma undan fé sem hefur áhrif á skatta allra landsmanna,þá ætti því ekki að vera trúað fyrir að höndla með auðlynd okkar allra.

[Ásthildur Cesil Þórðardóttir, 3.4.2012 kl. 22:46]

Aldrei hef ég verið kölluð undirlægja, og hvað þá hatursmanneskja.  En þegar rök þrýtur og skömmin verður mönnum ljós, þá er gripið til meðala sem eru ekki til neins sóma. 

[Anna Sigríður Guðmundsdóttir, 3.4.2012 kl. 23:23]

Sigurjón. Seðlabanki Íslands er reyndar bara útibú frá ESB þessa dagana.

Það rifjaðist upp fyrir mér núna, að risaförmum af fiski var landað tvisvar sinnum á Dalvík, einmitt í kringum eitthvert deilumálið. Var það kannski makríldeilan, eða eitthvað annað? Ég man þetta ekki alveg nákvæmlega, en það eru til gögn um þessar löndunar-gulrætur ESB. Það get ég fullyrt.

Þetta er allt eitt sjónarspil, og trénaðar gulrætur ESB hafa greinilega náð að blekkja einhverja hagsmuna-aðila á Dalvík, þar sem risafarmar voru landaðir á viðkvæmum tímum.

Sumir sjá ekki skóginn fyrir trjánum, eftir því sem best verður séð.

Það er mikilvægt að missa ekki fókusinn af raunverulegu rányrkjunni, sem EES-ESB stundar á Íslandi.

Síðast en ekki síst langar mig að spyrja hver þessi Sigurgeir sé eiginlega, sem segir eitthvað bull hér að ofan, sem segir minna en ekki neitt, sem viðkemur fiskveiðum? Er þetta sami Sigurgeir sem skrifaði grein í Fiskifréttum fyrir nokkrum mánuðum síðan, um tap á strandveiði-fyrirkomulaginu?

Það skyldi þó ekki vera sá sami Sigurgeir! Hverra hagsmuna er þessi maður að gæta? Alþýðunnar eða banka-ræningjanna?

M.b.kv.

[Ásthildur Cesil Þórðardóttir, 3.4.2012 kl. 23:31]

Góð spurning Anna Sigríður.

[Hilmar (IP-tala skráð) 4.4.2012 kl. 00:55]

Það er greinilegt að Sigurjón Þórðarson, og dágóður hluti þeirra sem gera athugasemdir, eiga mjög bágt með að horfa á aðkomu þýskra starfsmanna Samherja, þeirra sem fara með daglegan rekstur DFFU. Sennilega vegna uppeldis á ÍSlandi, og þekkingaleysis á þýskum raunveruleika.

Það er áfall, mjög mikið áfall, fyrir þá starfsmenn og stjórnendur þýskra fyrirtækja sem lenda í opinberri rannsókn. Það hefur afleiðingar allt þeirra líf. Forstjóri sem gerist sekur um lögbrot á mjög erfitt uppdráttar. Það finnst varla sá banki í Þýskalandi sem vill eiga viðskipti við hann í framtíðinni.

Það er því harla ólíklegt að Samherjamönnum hafi tekist að véla þá þýsku til að taka þátt í peningaþvætti, eða einhverjum öðrum ólöglegum gjörningum.

Þessi vinkill er sjálfsögðu ekki mjög ofarlega í hugum þeirra sem sjá pólitísk sóknarfæri í árásum á Samherja. Og kannski fremur ólíklegt að fólk sem elst upp í skjóli gjörspillts kerfis á Íslandi, skilji svoleiðis hugsunargang.

Það er ljóst, að nýja Ísland á mjög erfitt uppdráttar, einfaldlega vegna þess að spillingin, og spillingarhugsunarháttur, er rótgróinn í sálina hjá svo mörgum.

Getur maður gert siðferðilegar kröfur til fólks, sem finnst það eðlilegasti hlutur í heimi að stökkva til og dæma fólk án nokkurra sannana?

Nei, varla.

[Ómar Bjarki Kristjánsson, 4.4.2012 kl. 01:01]

,,Það er mikilvægt að missa ekki fókusinn af raunverulegu rányrkjunni, sem EES-ESB stundar á Íslandi."

Haa??

Já, nú rifjast líka upp fyrir mér að Samherji hefur einmitt verið að veiða karfakvóta ESB á Íslandi á undanförnum árum. Tilviljun?

Allt eitt stórt ESB-Samsæri.

[Jón Steinar Ragnarsson, 4.4.2012 kl. 01:44]

Hilmar. Ekki hef ég dæmt neinn hér. Ekki einu orði. Ef þessir menn eru saklausir, þá kemur það í ljós. Hvers vegna allt þetta uppnám út af því að hið opinbera vill kíkja í bækur þeirra?

Eigum við bara ekki að láta tímann leiða það í ljós? Vonandi hefur þú rétt fyrir þér með þýskt viðskiptasiðferði og strangar kröfur þar á bæ. Ég skil samt ekki hvernig þú getur fullyrt neitt um sekt eða sakleysi út frá því.

Fái yfirvöld rökstuddar ábendingar um brot, þá ber þeim samkvæmt lögum að bregðast við því. Sé þetta spuni, þá verður sá sem klagar settur undir smásjána og heimildarmenn svældir fram. Svo einfalt er það. 

Ég ætla ekkert að segja um sekt né sýknu hér enda hef ég ekki hugmynd um það frekar en nokkur hér, en að réttvísin fái að vinna sína vinnu er lágmarkskrafa. 

[Jón Steinar Ragnarsson, 4.4.2012 kl. 01:55]

Ég vona svo sannarlega allra vegna að Samherji sé saklaus af þessum áburði og að eitthvað óskilgreint samsæri sé á ferð, eins og íjað er að. Yfirdrifin viðbrögð Samherjamanna eru þó ekki til að treysta mann í þeirri von. Ekki heldur svör þeirra við ásökunum sem felast einvörðungu í að tíunda veltutölur og gott skiptahlutfall sjómanna, eða hversu mikil lyftistöng þeir eru í byggðarlögum norðanlands. Það heitir að svara út í hött eða koma sér undan svörum.

Það er búið að draga upp myndina af Hiroshima eina ferðina enn, en það eina sem gerst hefur er að endurskoðendur vilja fara yfir ækur þeirra til að fullvissa sig um að nafnlaus áburður sé ekki á rökum reistur. Hvað er fokkíngs málið? 

[Aðalbjörn Steingrímsson (IP-tala skráð) 4.4.2012 kl. 07:29]

Sigurgeir Jónsson. Ertu ekki of fljótur, að snúast svona harkalega til varnar útgerðinni. DFFU er ekki að landa afla sínum hér á landi, af góðmennsku einni saman þar spilar margt annað inní.

[Sigurjón Þórðarson, 4.4.2012 kl. 08:13]

Hilmar, í öllum fréttum þá hefur forstjóri Samherja Þorsteinn Már Baldvinsson sett fram kröfugerð fyrir hönd DFFU þar sem að hann setur fram skýrar kröfur á hendur íslenskum stjórnvöldum.

Ég efast sannast sagna um að þýskum sé nokkuð um þessar viðskiptaþvinganir gefið þ.e. að auðkýfingur sem var í innsta hring í bankasvikamyllunni og stjórnarformaður eins bankans sé að beita þýsku fyrirtæki í að taka heilt bæjarfélag í gíslinu og beita Íslendinga hörðu.

[Sigurgeir Jónsson, 4.4.2012 kl. 08:39]

Anna Sigríður: Ég er skaftfellingur sem verið hefur búsettur í Skaftafellssýslu, R.Vík, Hafnarfirði og Sandgerði.Er með Farmannpróf frá Sjómannaskólanum og var stýrimaður og skipstjóri á fiskiskipum og stýrimaður á millilandaskipum á árunum 1967-1991.Hef verið trillukarl frá 1991 og var á handfæraveiðum við Vestfirði í mörg ár.Ég er ekki Sigurgeir Brynjar Kristjánsson í Vestmannaeyjum, en ég ar algerlega sammála honum um að aðförin að sjávarútveginum mun leiða til gjaldþrots hans og í framhaldinu landsbyggðarinnar og alls landsins.Ég hef verið á strandveiðum í tvö sumur.Og Sigurjón stattu með þinni heimabyggð en ekki hatursfólki sjávarútvegsins.

[Sigurgeir Jónsson, 4.4.2012 kl. 08:47]

Og það ættu allir að sjá þennan skrípaleik Seðlabankans og RUV. Ef Seðlabankinn taldi sig hafa vissu fyrir afbrotum þýska fyrirtækisins, af hverju var þá ekki gerð húsleit hjá því fyrirtæki.Hljóta ekki peningarnir að vera þar ef þeim hefur verið skotið undan.Þetta er ekkert annað en leikaragangur sem settur er á svið samhliða þvi að lagt er fram þjóðnýtingarfrumvarp sjávarútvegsins til afætanna á höfuðborgarsvæðinu.

[Sigurjón Þórðarson, 4.4.2012 kl. 08:48]

Sigurgeir, láttu ekki kjánalega.

[Anna Sigríður Guðmundsdóttir, 4.4.2012 kl. 12:05]

Sigurgeir. Þá veit ég það, að þú ert ekki sá Sigurgeir. Þessi Þjóðverja-ofurtrú umfram trú að aðra Evrópubúa, með fullu viti og heilbrigða dómgreind, er hreinlega lituð ESB-pólitíkinni.

Ómar Bjarki. Ég er alls ekki að verja spillinguna á Íslandi með þessum orðum mínum. Það þarf bara að finna rót vandans, og hún er ekki sér-íslensk.

Ég er ekki svo mikill íslendingur, að ég geti sagt með góðri samvisku að ég sé hreinræktaður íslendingur, sem aldrei hef búið í öðru landi, og kynnst Evrópu-flóttafólki, sem "friðarbandalagið herlausa" og NATO-tengda hefur nú þegar farið hræðilega illa með. Ég ætla ekki að útskýra það nánar núna, því það er annar vinkill en hér er til umræðu, en geri það kannski seinna, þegar það passar betur í umræðuna.

Frálsar strandveiðar eru mannréttindi á Íslandi, sem verið er að hafa af alþýðunni, og það er ófyrirgefanlegt valdarán, sem stjórnað er frá spilltum öflum EES-ESB.

Sá sem ver slík ESB-valdaráns-mannréttindabrot, er ekki trausts verður.

M.b.kv. 

[Sigurgeir Jónsson, 4.4.2012 kl. 13:05]

Sigurjón,enga vitleysu.

[Guðmundur Guðmundsson (IP-tala skráð) 5.4.2012 kl. 09:08]

Anna það er svo frábært að sjá trillukarlana róa frjálsa í strandveiðikerfinu og hafa eitthvað annað að gera en telja aurana sem þeir fengu fyrir kvótann sinn.

[Akureyringur (IP-tala skráð) 5.4.2012 kl. 12:13]

Þetta er ótrúleg umræða. Afhverju beina menn ekki reiði sinni að Samherjamönnum, stjórnendum þar og Þýska fyrirtækisins. Það voru jú þeir, og þeir einir, sem ákváðu að stöðva öll viðskipti. Menn með hreina samvisku hefðu EKKI gert það, svo mikið er víst.

[Jónatan Karlsson, 6.4.2012 kl. 09:36]

Það var svo greinilegt á sínum tíma, þegar bláeygum íslendingum var talin trú um að Samherji hefði keypt þýskt útgerðarfyrirtæki, þá var það auðvitað D.F.U. sem keypti Samherja. Síðan hafa þýskir togarar veitt látlaust hér, sama hvort þeir hafa heitið Kiel eða Guðbjörg. Þessi hótun um að hætta að landa í Dalvík er marklaus vegna þess að varla geta Evrópusambands togarar veitt í íslenskri lögsögu og landað lepplaust í heimahöfn, jafnvel þó leppurinn haldi að hann eigi fiskinn í landhelginni.

[Sigurjón Þórðarson, 6.4.2012 kl. 15:01]

Einmitt Jónatan, það hefur vantað inn í umræðuna hvar umræddur fiskur er veiddur.  Mér finnst ótrúlegt hvað fjölmiðlar og stjórnmálamenn eru smeykir að fá skýr svör frá gíslatökumönnunum.