Borgarstjóri hefur í hótunum við íþróttafélög

Borgarstjóri Reykvíkinga hefur nú tekið upp á því að saka íþróttafélög í Reykjavík um að mismuna stúlkum og drengjum.  Til vitnis um það hefur hann að vopni skýrslu Mannréttindaskrifstofu Reykjavíkur sem samin er af þremur ágætum konum.  Í skýrslunni kemur fram að í sjálfboðaliðastörfum í stjórnum íþróttafélaganna séu fleiri karlar en konur og að fleiri piltar stunda boltaíþróttir en stúlkur en æfingaraðstaða og tími til æfinga sé svipaður hjá báðum kynjum. 

Erfitt er að sjá að skýrslan getir verið málefnaleg ástæða fyrir borgarstjórann Jón Gnarr til að hafa í hótunum við umrædd íþróttafélög og hóta að svipta þau fjárstyrkjum.  Ef litið er til annarra íþróttagreina þá má eflaust sjá að áhugasvið kynjanna á unga aldri er misjafn s.s. á það við um göfugar íþróttir eins og hnefaleika, fimleika, sund og dans.

Hvað varðar þá uppgötvun Jóns Gnarr Kristinssonar um ójafna kynjaskiptingu í stjórnum íþróttafélaga sem mætti vissulega bæta úr,  þá tel ég að virðulegur borgarstjóri ætti að líta sér nær en tveir þriðju af borgarfulltrúum Bestaflokksins eru karlmenn en einungis þriðjungurinn konur. 

http://www.reykjavik.is/Portaldata/1/Resources/mannr_ttindaskrifstofa/skjol/UTTEKTLOKASKJAL34.pdf

Athugasemdir

[Elín Sigurðardóttir (IP-tala skráð) 2.7.2011 kl. 15:28]

Þetta er furðuleg úttekt. Þau einblína á boltaíþróttirnar í þessari jafnréttiskönnun. KR ingar eru góðir með sig og segjast hafa innleitt jafnréttisstefnu. Þegar þeir stækkuðu við sig og vígðu nýja álmu var ekkert pláss fyrir fimleikadeildina lengur. Henni var úthýst og áhugasömum bent á Seltjarnarnes.

[Anna Sigríður Guðmundsdóttir, 2.7.2011 kl. 20:35]

Sigurjón. Oft er ég sammála þér, og sérstaklega í sjávarútvegsmálunum. 

En þegar kemur að borgarstjórninni, og Jóni Gnarr, finnst mér þú vera óréttlátur og ó-málefnalegur?

Er það ég sem er illa gefin, eða er eitthvað óréttlátt í gangi í þínum málflutningi? Ég er svo sannarlega tilbúin að hlusta á rök þín, sem réttlæta þinn málflutning, í sambandi við svik og vanrækslu borgarstjórans í Rvk?

Viltu vera svo vænn að kenna mér, um hvað málið raunverulega snýst? Ég hef nefnilega fulla trú á Jóni Gnarr Kristinsyni, og vil svo gjarnan vita hvað er raunverulega réttlætið í ágreiningnum?

M.b.kv.

[Sigurjón Þórðarson, 2.7.2011 kl. 20:44]

Anna Sigríður, ekki veit ég hvað er ómálefnalegt í þessum skrifum mínum, en ef það er eitthvað þá er tilbúinn til að biðja Jón Gnarr og aðra hlutaðeigandi afsökunar á því.

[Sigurður Sigurðsson, 2.7.2011 kl. 23:23]

Ég velti því óneitanlega fyrir mér hvernig á að skylda íþróttafélög til að hafa jafnt vægi í stjórnum. Þetta er sjálfboðaliðastarf sem fólk tekur að sér án þess að velta neitt sérstaklega fyrir sér kynjahlutföllum.

Ekki má gleyma því að í flestum tilfellum eru þetta foreldrar iðkenda sem gefa sig í þessi stjórnarstörf og það hefur nú ekki verið nein slagsmál um stjórnarsetu hingað til. 

[Sigurjón Þórðarson, 2.7.2011 kl. 23:49]

Einmitt Siggi.

[Elín Sigurðardóttir (IP-tala skráð) 3.7.2011 kl. 10:34]

"Hvað varðar þá uppgötvun Jóns Gnarr Kristinssonar um ójafna kynjaskiptingu í stjórnum íþróttafélaga sem mætti vissulega bæta úr, þá tel ég að virðulegur borgarstjóri ætti að líta sér nær en tveir þriðju af borgarfulltrúum Bestaflokksins eru karlmenn en einungis þriðjungurinn konur."

Ekkert ómálefnalegt við þetta. Á framboðslista Besta flokksins var kona í fjórða sæti. Það er ekki verðlaunasæti í íþróttum síðast þegar ég vissi.