Furðulega einhliða umfjöllun

Það er merkilegur fjandi að ekki eru fengin fram gagnrýnin sjónarmið náttúrufræðinga á mjög svo umdeilda fiskveiðiráðgjöf.  Á sama tíma eru fjölmiðlar kjaftfullir af hagfræðingum að blaðra um efnahagsleg áhrif  fiskveiðiráðgjafarinnar.

Þeir fiskifræðingar og líffræðingar sem hafa leyft sér að kasta opinberlega rýrð á ráðgjöf sem skilar stöðugt færri sporðum land, hafa verið settir til hliðar í umræðunni. Þeirri aðferð er gjarnan beitt að fræðilegri gagnrýni er látin ósvarað og jafnvel látið í veðri vaka að um séu að ræða einhverjar öfgar eða vitleysa. 

Einn þeirra sem hefur mátt sætta þessari meðferð er Jón Kristjánsson fiskifræðingur sem hefur á síðustu áratugum haldið fram málefnalegri gagnrýni á ráðgjöf reiknisfiskifræðinnar sem hafði það upphaflega  markmið að skila árlega 550 þúsund tonna þorskafla. Ráðgjöfin nú hljóðar upp á 177 þúsund tonna þorskafla á næsta ári, sem er talsvert minni afli en veiddist árið 1914! Furðulegt er að hlusta á reiknisfiskifræðingana fullyrða um sé að ræða einhvern árang,  af vel lukkaðri nýtingarstefnu- Maður hlýtur að spyrja hvaða merkingu hugtakið árangursleysi hafi í kolli þeirra sem halda framangreindum öfugmælum óhikað fram.

Reynslan hefur sýnt að Jón Kristjánsson fiskifræðingur hefur haft rétt fyrir sér eins og sjá má á þessu viðtali sem tekið við hann fyrir 10 árum. 

 

     

420 milljóna samdráttur

Athugasemdir

[þórður Áskell Magnússon (IP-tala skráð) 8.6.2011 kl. 22:23]

Að tala um árangur þegar enn er verið að veiða um þriðjung af þvi sem stefnt var að er fáránlegt með öllu. Maður gæti grátið þegar maður sér þessa menn hrósa sér af því að skerða þorskveiði um 200-300 þús tonn á ári frá því sem var áður en byrjað var að hlusta á þessa fávita. Og hvað með ýsuna, 35 þús tonn??? Var ekki farið eftir ráðleggingum þar? Og afhverju hrundi þá stofninn? Og hvernig stendur á að það er hægt að auka veiði á löngu og keilu þrátt fyrir að það séu einu tegundirnar sem hafa verið ofveiddar miðað við þeirra eigin tillögur? Það stendur ekki steinn yfir steini í þessari stofnun. Steininn tekur þó út að menn geti hrósað sér af þessum "árangri". Þetta er heildarminnkun í aflamagni, enn einn legsteinninn í helfararstefnu Hafró. Og eru þeir legsteinar orðnir margir.

Höfum við efni á þessu lengur?

[Sigurjón Þórðarson, 8.6.2011 kl. 22:39]

Nei við höfum alls ekki þessari þvælu.

[Ásthildur Cesil Þórðardóttir, 9.6.2011 kl. 11:50]

Það er mikil þjóðarskömm að þessu fólki, og það þarf að setja það af sem fyrst.