Jón Gnarr maður Jóns Ásgeirs Jóhannessonar

Jón Gnarr borgarstjóri er maður ársins að mati fréttastofu Stöðvar 2 sem er í eigu Jóns Ásgeirs Jóhannessonar.  Fréttamiðlum Jóns Ásgeirs var endurúthlutað af Samfylkingunni til fyrri eigenda sem er einn af höfuðpaurum hrunsins á sama tíma og tekið var af mikilli hörku á skuldum heimilanna

Í viðhafnarviðtali við Jón Gnarr þar sem að hann birtist áhorfendum ýmist sem geimvera eða friðarsinninn Dalai Lama þá boðaði hann framboð til Alþingis sem ætlaði litlu sem engu að breyta í íslensku samfélagi.

Ekki kemur á óvart að Stöð 2 styðji þann mann heilshugar sem engu vill breyta þó svo að hann hafi sýnt af sér fádæma undarlegheit og hroka.

 

 

Jón Gnarr maður ársins á Stöð 2

Athugasemdir

[Óskar Þorkelsson, 31.12.2010 kl. 15:48]

Þessi grein var þér ekkert sérstaklega til sóma eða framdráttar Sigurjón.

[Sigurjón Þórðarson, 31.12.2010 kl. 15:49]

Óskar það væri ekki úr vegi að þú rökstyddir þessa fullyrðingu.

[Óskar Þorkelsson, 31.12.2010 kl. 15:59]

að ráðast á Jón Gnarr vegna þess að einhver blaðasnepill hafi valið hann sem "mann ársins" finnst mér fyrir neðan allar hellur..

Hvað varðar það að JG tók ekki á móti Guðjóni vegna máls sem að mínu mati er löngu dautt hefur ekkert með hroka að gera.. allavega ekki eins og ég sé það.

En ég reikna með að þú hafir skrifað þetta í pólitískum tilgangi..

[Sigurjón Þórðarson, 31.12.2010 kl. 16:47]

Mér finnst það einmitt lýsandi dæmi  um hroka, damb og virðingarleysi af æðsta embættismanns Reykjavíkur að boða fólk á fund og mæta síðan ekki sjálfur án nokkurra skýringa. Við Óskar, erum greinilega ekki sammála hvernig ber að skilgreina hrokafulla framkomu.

Ég er alls ekki sammála þér að málið sé "dautt" en það er ekki dauðara en svo að sveitarstjórnarráðuneytið lýsti því yfir fyrr í þessum mánuði að Reykjavíkurborg ætti að leita lausna á málinu á grundvelli fyrri úrskurðar ráðuneytisins.

Ekki veit ég hvað Jón Gnarr fær út úr þessum stælum en kannski geta stuðningsmenn hans s.s. Óskar skýrt það nánar út?

[Óskar Helgi Helgason (IP-tala skráð) 31.12.2010 kl. 18:38]

Heill og sæll Sigurjón; og aðrir gestir þínir !

Nafni minn; Þorkelsson !

Ég hygg; að þú sjáir mál ýmis, hér úti á Íslandi, í nokkurri móðu fjarlægðar þinnar, sem kannski; eðlilegt er, hvar; þú dvelur með Austmönnum - þó; ekki sé lengri leiðin.

Því miður; hefir fornvinur minn, Sigurjón Þórðarson all nokkuð, til síns máls, Jón frá Gnerri (Jón Gnarr); er ósköp lítilsigldur, þegar á reynir, þó svo;; ég hafi haft nokkra tiltrú á honum, í upphafi, fyrir hönd nágranna minna, Reykvíkinga, svo sem.

Hann er aðeins; þægt verkfæri - sem flautaþyrill viðhlægjenda sinna, og slíkir, hafa aldrei verið hátt skrifaðir, í mínum ranni, Nafni minn.

Með; kveðjum góðum - sem þökkum, fyrir líðandi ár - sem liðin, til ykkar beggja /

Óskar Helgi

[Óskar Þorkelsson, 31.12.2010 kl. 22:23]

Sigurjón er að mínu mati mætasti maður sem finnst til að vera á alþingi íslendinga.. en þetta var honum ekki til sóma Nafni minn.

[Óskar Þorkelsson, 31.12.2010 kl. 22:23]

Gleðilegt nýtt ár félagar

[Jón Steinar Ragnarsson, 1.1.2011 kl. 07:55]

Ég tek nú undir méð Óskari Þorkelssyni hér.  Þessi niðurstaða er svona eins og að segja að 2+2 séu simsalabimm.  Átta mig ekki á þessari gemju þinni Sigurjón í garð Jóns Gnarr.  Hann er verðugur útnefningarinnar.  Hvern hefðir þú viljað sjá?

Gleðilegt ár annars og takk fyrir góð kynni á liðnum árum.

[Óskar Helgi Helgason (IP-tala skráð) 1.1.2011 kl. 15:33]

Heilir; á ný !

Um leið; og ég árna ykkur öllum, heilla, á komandi ári - sem í framtíð annarri, vil ég benda ykkur á;; Nafni, og Jón Steinar, að Sigurjón iðkar lítt, að fara með skrum, í sínum skrifum - né; orðræðu annarri.

Því; bið ég ykkur, að líta á sjónarmið hans, út frá víðari sjóndeildar hring, en þið virðist gera, hér að ofan, ágætu drengir.

Með; þeim sömu kveðjum, sem áður - og fyrri /

Óskar Helgi

[Guðrún (IP-tala skráð) 1.1.2011 kl. 15:54]

Hefur Frjálsyndi flokkurinn staðið skil á ársreikningum sínum og uppgjöri til Ríkisendurskoðunar síðustu tvö árin eins og lög kveða á um? Er hægt að staðfesta það? Ekkert sést um slíkt á vef Ríkisendurskoðunar og engu er svarað þó athugasemdir birtist ítrekað meðal annars hér á þessari bloggsíðu. Ef ekki er þannig að Frjálslyndi flokkurinn hefur ekki farið að lögum um fjármál stjórnmálaflokka og gert grein fyrir því í hvað tugmilljóna styrkir til flokksins 2007, 2008 og 2009 hafa farið hvernig stendur þá á því að þetta hefur ekki verið gert? Er ásættanlegt að flokkur sem brýtur þannig lög um fjármál stjórnmálaflokka sé að gera tilkall til meiri fjármuna af skattfé almennings? Er Frjálslyndi flokkurinn búinn að greiða Margréti Sverrisdóttur þær bætur sem henni ber samkvæmt dómi? Er það ekki fádæma hroki af formanni Frjálslynda flokksins þegar hann telur að hann og flokkur hans séu hafin yfir lög og dómstóla þessa lands með því að hunsa hvorugtveggja? Margar spurningar en engin svör. Í staðinn er ráðist endalaust með skítkasti og skæting á Samfylkinguna, Besta flokkinn og fleiri aðila í þjóðfélaginu. Þó er búið að greiða þennan styrk borgarinnar út með löglegum hætti og Reykjavíkurborg getur ómögulega borið ábyrgð á því að ástandið innan Frjálslynda flokksins hafi verið í upplausn þegar það var gert eins og svo oft áður og líka seinna meir og eflaust aldrei meira en nú.

[Sigurjón Þórðarson, 1.1.2011 kl. 17:01]

Frjálslyndi flokkurinn hefur skilað ársreikningum 2007, 2008 og verið er að ljúka ársreikningum fyrir árið 2009. Ólíkt Samfylkingunni fékk Frjálslyndi flokkurinn ekki tugmilljóna summur inn í flokkssjóði né í prófkjór til einstakra frambjóðenda frá þeim sem settu landið á hausinn. Spilling og ábyrgð Samfylkingarinnar á hruninu er ekki skítkast heldur staðreyndir sem að samfylkingarfólk verður að axla ábyrgð á að mínu viti, með öðrum hætti en að benda stöðugt á Sjálfstæðisflokkinn.

Það kemur satt að segja á óvart ef að Dagur B. Eggertsson og Oddný Sturludóttir styðji það að ekkert eðlilegra en að hunsa algerlega úrskurð æðra stjórnvalds og sýna Guðjón Arnari Kristjánssyn lítilsvirðingu.

Ég mun væntanlega skrifa þessu ágæta fólki bréf þar sem ég óska eftir afstöðu þeirra til bolabragða og hroka Jóns Gnarr.

[Sannleikurinn í málinu (IP-tala skráð) 1.1.2011 kl. 20:40]

Já, það vantar ekki ímyndunaraflið þó sannleiksást og heilbrigðri dómgreind og skynsemi sé ef til vill ábótavant. Nú á anarkista pönkarinn ofvirki sem hékk á Hlemmi þegar hann var ekki á upptökuheimilum, sonur kommúnistans sem fékk aldrei stöðuhækkun í löggunni út af stjórnmálaskoðunum sínum, sem óx úr grasi sem einrænt barn sem átti enga vini áður en hann varð kærastinn hennar Birgittu að vera sérlegt handbendi milljónera hér á landi. Ja, það er mannþekkingin eða hitt þú heldur. Jón Gnarr er fæddur listamaður, gæddur sérstakri en auðveldlega misskilinni snilligáfu. Hann er alls ekki eins og fólk er flest, í allra bestu merkingu þess orðs, og einu mistökin sem hann gæti gert í lífinu væri að reyna að vera venjulegur, eins og lið eins og Dagur Eggertsson reynir að fá hann til að vera. Jón er ekki fífl og fáviti. Þess vegna elskum við hann. xÆ

[Sannleikurinn í málinu (IP-tala skráð) 1.1.2011 kl. 20:44]

villa: Ætlaði að segja unglingaheimilum, skólum fyrir vandræðagemsa úr borginni etc. Jón fór aldrei á upptökuheimili, smá ruglingur í orðum hér. Jón er einn af örfáum lifandi mönnum sem kemur nálægt stjórnmálum hér. Flestir stjórnmálamenn hér eru lifandi dauðir uppvakningar og strengjabrúður. Við vildum lifandi mann, sem er óhræddur við að viðurkenna ófullkomleika sinn, og þess vegna völdum við Jón. Enginn af hinum sýndi auðmýkt, sannleiksást, húmor eða nokkuð annað það sem fegurst er í mannlegu eðli.

[Sannleikurinn í málinu. (IP-tala skráð) 2.1.2011 kl. 00:00]

Þarf að taka fram svo misskiljist ekki, að það er þráðarhöfundi hér sem vantar ekki ímyndunaraflið, þó eigi sýni hann það jafn skemmtilega og fallega og Jón Gnarr, en sannleiksást og skynsemi vantar þráðarhöfund alveg, svo og bara eðlilega dómgreind og að lesa mennina.

[Guðrún (IP-tala skráð) 2.1.2011 kl. 13:18]

Af hverju finnum við í hinum flokkunum ekkert um bókhald Frjálslynda flokksins 2008 á vef Ríkisendurskoðunar? Af hverju brýtur flokkurinn ítrekað lög um fjármál stjórmálaflokka? Er það svona flókið mál að færa bókhald fyrir þennan fylgislausa og trausti rúna örflokk? Er þessi augljósa bókhaldaóreiða tilefni til að ykkur sé treyst fyrir skattpeningum almennings?

[Sigurjón Þórðarson, 2.1.2011 kl. 13:54]

Eitthvað er nú bogið við þann hita og ástríðu sem augljóslega er að finna í tilfinningaríkum skrifum Guðrúnar þar sem að hún fjallar um Frjálslynda flokkinn sem hún segir í hinu orðinu engu máli skipta.

Annars er það eftir öðru hjá Samfylkingunni að áhrifafólk flokksins skuli í skjóli dulnefnis réttlæta hroka borgarstjóra og að virða ekki úrskurð æðra stjórnvalds. Samfylkingin var beinlínis á jötu þeirra sem settu landið á hausinn og greiddu götu þeirra og gera enn sbr. endurúthlutun á 365 miðla til Jóns Ásgeirs.

Það er rétt að það hefur orðið dráttur á skil á ársreikningi fyrir árið 2009 en Frjálslyndi flokkurinn eins og Samfylkingin eru reyndar ekki einu flokkarnir um þá yfirsjón eins og fram kemur hér  http://www.rikisendurskodun.is/frettir/nanar/?tx_ttnews[tt_news]=270&cHash=f288d08310

Af skrifum "Guðrúnar" má ráða að Samfylkingin telji þegar öllu er á botninn hvolft að  Frjálslyndi flokkurinn sé hættulegri andstæðingur en hina arma Fjórflokksins.