Gagnleg fyrirspurn Guðlaugs Þórs

Ljóst er að forsætisráðherra veitti Guðlaugi Þór Þórðarsyni bæði seint og illa, umbeðin svör um greiðslur ráðuneyta til starfsmanna Háskóla Íslands.  Margir af þeim sem hafa þegið laun beint af ráðuneytum hafa síðan verið eins og gráir kettir  í umræðu- og fréttatímum og fjallað um viðkomandi viðfangsefni sín í ráðuneytunum, sveipaðir kápu hlutleysis og fræða.  

Engu líkara er að Samfylkingin og Vg telji það skyldu sína að ástunda sömu slæmu vinnubrögðin og tíðkuðust fyrir hrun og halda verndarhendi yfir sömu ónýtu kerfunum og þeim sem komu þjóðinni í koll.

Mér fannst merkilegt að sjá milljónagreiðslur til Bjargar Thorarensen vegna vinnu við að réttlæta Hæstaréttardóm sem m.a. eiginmaður hennar kvað upp í máli tveggja sjómanna sem íslensk stjórnvöld beittu órétti og sviptu atvinnuréttindum

Það er svo sem eftir öðru í vinnubrögðum ríkisstjórnarinnar að samkvæmt svarinu hefur hún staðið skilvíslega við að greiða "mannréttindasérfræðingnum" fyrir  vinnu sína í því máli sem íslenska ríkið tapaði, á meðan ekki hefur enn verið réttur hlutur þeirra sjómanna sem brotið var á.

 

 

 

 

Segir Jóhönnu staðfesta leynd

Athugasemdir

[Óskar Þorkelsson, 19.12.2010 kl. 17:15]

spurningin sem slík á eflaust rétt á sér.. en þarna spyr sá sem er kóngurinn í því að fá utanaðkomandi ráðgjafa og er milljóna kóngur í spillingu .. svo þetta verður bara prump.

[Kolbrún Stefánsdóttir, 19.12.2010 kl. 18:00]

Jæja er þá í lagi að prumpa bara í þessu máli. Hélt að skjaldborgarstjórnin myndi ekki nota gömlu trixin til að blekkja almúgann. Ég hafði það á tilfinningunni að það séu samliggjandi hagsmunir háskólaelítunnar og Samfylkingarinnar um inngöngu í EU sem þarna væru á ferð en kannski eru þetta bara keypt álit eftir allt saman. Kveðja Kolla

[Ólafur Ingi Hrólfsson, 19.12.2010 kl. 19:08]

Óskar - þú ( og JS ) eruð prumpmeistararnir - þú vilt ræða þessa tómstundaiðju þína - Guðlaugur Þór vill svör - burtséð frá tölum og fjölda - bara fá svör. Sem er réttur þingsins - alveg prumplaust.

[Gunnar Th. Gunnarsson, 20.12.2010 kl. 03:36]

Það er athyglisvert að skoða hvað Stefán Ólafsson, hinn "óháði álitsgjafi",  hefur borið úr bítum eftir að Samfylkingin komst til valda:

• 208 þúsund krónur árið 2009 frá Félags- og tryggingamálaráðuneyti fyrir vinnu við skýrslu um flæði fólks út af vinnumarkaði,
• 755 þúsund krónur árið 2010 frá Félags- og tryggingamálaráðuneyti fyrir vinnu við skýrslu verkefnisstjórnar um endurskoðun almennra trygginga,
• 30 þúsund krónur árið 2009 frá Félags- og tryggingamálaráðuneyti fyrir fyrirlestur á norrænni ráðstefnu um velferðarmál,
• 50 þúsund krónur árið 2009 frá Félags- og tryggingamálaráðuneyti fyrir fyrirlestur á norrænni ráðstefnu um þátttöku eldri borgara,
• 50 þúsund krónur árið 2009 frá Félags- og tryggingamálaráðuneyti fyrir fyrirlestur um atvinnuþátttöku öryrkja,
• 30 þúsund krónur árið 2009 frá Heilbrigðisráðuneytinu fyrir fyrirlestur,
• ótiltekna upphæð (sennilega vegna þess að verkefnið stendur enn yfir) frá Heilbrigðisráðuneytinu fyrir formennsku í nefnd frá 2009.