Ríkisstjórnin stuðlar að sjálfsrannsókn

Algerlega augljóst er að aflaregla Hafró hefur alls ekki skilað neinum árangri. Reglan felur í sér að veiða fyrirfram ákveðið hlutfall af reiknuðum veiðistofni en nú gildir að veiða 20% af stofni. Hún var í fyrstu tekin í gagnið snemma á tíunda áratugnum en þá var þorskaflinn tvöfalt meiri en hann er núna.

Reynslan af aflareglunni og veiðiráðgjöf Hafró er einfallega hræðileg - það blasir við öllum sem fer yfir aflatölur á íslandsmiðum.

Umhugsunarvert er að sjávarútvegsráðherra felur einum af höfundum aflareglunnar Kristjáni Þórarinssyni stofnvistfræðingi LÍÚ að meta kosti reglunnar. Sömuleiðis er Jóhanni Sigurjónssyni sem áður hefur tekið út aflaregluna í kjölfar þess að mönnum blöskraði árangursleysi veiðiráðgjafarinnar upp úr síðustu aldamótum. 

Jóhann komst að því að reglan skilaði árangri þrátt fyrir aflinn væri þá liðlega eitthundrað þúsund tonnum minni en þegar reglan var tekin í notkun.  Ekki finnst mér ólíklegt að þeir félagarnir Kristján og Jóhann sjái mikinn "árangur" af staðfastri ráðgjöf sinni sem felst í því að veiða minna til að veiða meira seinna, þó svo að þetta seinna hafi aldrei komið og aðferðin stangist á við viðtekna vistfræði.

Meta kosti aflareglu og kvótaaukningar

Athugasemdir

[Jón Kristjánsson, 17.11.2010 kl. 12:07]

Þú hljópst yfir Einar Hjörleifsson (Guttormssonar) Hafró og ICES.

Þegar fiskveiðistefna VG, sem lögð var fram fyrir síðust kosningar, er skoðuð sjást greinileg fingraför þeirra feðga á því mikla og stóra plaggi.  

[Jóhannes Laxdal Baldvinsson, 17.11.2010 kl. 13:06]

Er ekki sonur Jóns líka fiskilíffræðingur? Sá hinn sami og var hjá Veiðimálastofnun og stal verkefnum þaðan til síns einkafyrirtækis og fór síðan í framhaldsnám allt í boði Veiðimálastofnunar

[Jón Kristjánsson, 17.11.2010 kl. 13:19]

Jú Jóhannes, sá er maðurinn. Hann bolaði mér einnig út úr 2 verkefnum í Skagafirði með hjálp föður síns.

[Fannar frá Rifi, 17.11.2010 kl. 15:22]

við gætum verið að veiða meira, tvöfalt meira og jafnvel þrefalt meira. en við slíka aukna sókn, telja menn þá fleiri fiska í sjónum?

 þegar sóknin var meiri, voru þá fiskarnir fleiri? eða var þá allt á niðurleið? 

við vitum að aðstæður í hafinu hafa breyst, það sannreynist á útbreiðslu skötusels og breittri útbreiðslu ýsunnar. 

það að veiða meira er ekki sama og að það sé meira til. ef það væri satt þá ætti allt að vera fullt af Geirfugli hér á landi. 

[Sigurjón Þórðarson, 17.11.2010 kl. 15:39]

Fannar, þegar veitt var meira af þorski þá var mun meiri nýliðun og vöxtur hraðari. 

[Aðalsteinn Agnarsson, 17.11.2010 kl. 20:15]

Mætið á Austurvöll fimmtud. kl. 14.00, biðjum um frjálsar Handfæra

veiðar, sem leysa fátæktar og atvinnu vanda Íslendinga!