Bjarni Benediktsson illur

Afar lítið hefur farið fyrir formanni Sjálfstæðisflokksins síðustu mánuðina og ef ekki væri fyrir hnyttna Staksteina fyrrum formanns í Morgunblaðinu væri flokkurinn algerlega forystulaus.

Mér þótti því sæta miklum tíðindum að heyra Bjarna Benediktsson illan í skapi í kvöldfréttum RÚV yfir því að ráðalaus ríkisstjórn vildi eitthvað trufla hann og ráðfæra sig við hann. Reiði formanns Sjálfstæðisflokksins má eflaust rekja til þess að Bjarni hefur þegar á hólminn er komið engar tillögur í farteskinu aðra en þá að hengja sig á tillögur SA og ASÍ. Hann er jafn ráðalaus og ríkisstjórnin. Tillögur Bjarna og aðila vinnumarkaðarins ganga víst meira og minna út á það að sömu aðilar geri nákvæmlega það sama og fyrir hrun, þ.e. viðhalda óbreyttu fjármálakerfi, kvótakerfi og fari í stóriðjuframkvæmdir.

Vandinn er bara að þessi kerfi eru hrunin og ekki er á lausu fjármagn til þess að fara í stóriðjuna.

Athugasemdir

[Jón Valur Jensson, 1.11.2010 kl. 09:17]

Bjarni er kannski í óhressara lagi vegna birtingar Milestone-skjalanna fyrir helgina, gríðarmikilla upplýsinga úr fjármálalífinu, þar sem hann og Karl Wernersson koma mikið við sögu, sjá hér: http://www.utvarpsaga.is/leyniskjol/. – Óska þér góðra daga, Sigurjón.

[Sjálfstæðismaður (IP-tala skráð) 1.11.2010 kl. 15:00]

Ef einhver flokkur á Íslandi er forystulaus þá er það leifarnar af Frjálslynda flokknum undir stjórn Sigurjóns Þórðarsonar. Fylgið er í núlli í öllum skoðanakönnunum og rödd flokksins heyrist hvergi.

[Sigurjón Þórðarson, 1.11.2010 kl. 15:10]

Eitthvað virðist þó formaður Frjálslynda flokksins hreyfa við Sjálfstæðismönnum sem skýla sér á bak við nafnlaus skrif hér á síðunni.

[Sjálfstæðismaður (IP-tala skráð) 1.11.2010 kl. 16:06]

Nei, þú hreyfir ekki við neinum Sigurjón Þórðarson. Þú kýst að fara fram með þínu venjulega gelti á formann Sjálfstæðisflokksins þegar hann leggur fram í nafni flokks síns góðar og málefnalegar tillögur um það hvernig koma má hagkerfinu upp úr hjólförunum, minnka atvinnuleysi og örva efnhag þjóðarinnar. Þú hjólar alltaf í mennina persónulega en horfir aldrei á málefnin. Kannski ertu að reyna að vekja á þér athygli. Það gengur þér illa. Þér höndlast hörmulega að koma eigin flokk af stað. Fyrst þú ræður ekki við það verkefni þá áttu ekkert erindi í það að koma þjóðfélaginu af stað á nýjan leik. Enda hafa kjósendur hafnað þér og þínum ítrekað í kosningum. Flokkur þinn mælist ekki skoðanakönnunum. Hann fékk herfilega útreið í kosingunum í vor. Bjarna Benediktssyni gengur vel með Sjálfstæðisflokkinn. Hann mælist vel í könnunum og við vinnum góðan sigur í næstu kosningum. Við tölum um málefnin og við horfum fram á veginn og leitum að leiðum úr kreppunni. Margir sem voru í Frjálslynda flokknum eru gengnir aftur til liðs við Sjálfstæðisflokkinn og það góða fólk er hjartanlega velkomið til okkar að vinna að endurreisn efnahagslífsins með lýðræðislegum hætti í alvöru stjórnmálaflokk í staðinn fyrir að eyða tíma sínum í að elta lýðskrumara eins og þig. x - D.

[Sigurjón Þórðarson, 1.11.2010 kl. 16:44]

Ég sé ekki betur en að pennavinur minn Sjálfstæðismaðurinn sem vill einhverra hluta vegna ekki leggja nafn sitt við skrif sín, vera nokkuð hrærðan og í geðshræringu yfir þessum fáu línum mínum þar sem ég bendi réttilega á að það sé Davíð sem stjórni Sjálfstæðisflokknum.

Vel á minnst þá fékk formaður Frjálslynda flokksins ágætis kosningu í sveitarstjórnarkosningunum í Skagafirðinum í vor.

[Sjálfstæðismaður (IP-tala skráð) 1.11.2010 kl. 17:05]

Síðan um kosningarnar á wikipedianetinu sýnir að Frjálsyndi flokkurinn fékk 0,5 prósent og um 270 atkvæði í Reykjavík undir þinni forystu Sigurjón. Í Kópavogi fékk hann 0,7 prósent og 99 atkvæði líka undir þinni forystu. Þú fékkst 10 prósent og um 370 atkvæði í Skagafirði og situr einangraður og valdalaus í minnihluta þar. Ég held að þið hafið ekki boðið fram annar staðar í eigin nafni. Hérna fyrir vestan jú á Ísafirði í blönduðum lista en þar mistókst þeim lista eina ferðina enn að ná hreinum meirihluta. Það er altalað að þið í Frjálslynda keyptuð ykkur stuðning í Skagafirði meðal annars með því að lofa smábátasjómönnum hljóðlega að dragnótaveiðar í firðinum yrðu bannaðar og olluð þar með stórstjóni á sjávarútvegi í Norðvesturkjördæmi. Til þessa beittuð þið Guðjóni Arnari fulltrúa ykkar í sjávarútvegsráðuneytinu sem tekur þar ákvaðanir fyrir Jón Bjarnason ásamt Grétari Mar og Níels á Tálknafirði. Það er altalað í fiskiskipaflotanum. Þetta um dragnótarbannið. stangaðist á allt sem þið Fjálslyndir hafið prédikað um frelsi í veiðum en þið gerðuð það samt til að kaupa ykkur stuðning svo þú slefaðir inn í bæjarstjórnina í einu af minni sveitarfélögum landsins. Þú hreykir þér af þessu en horfir framhjá því að flokkurinn þurrkaðist annars staðar út. Þetta er ekki burðugur málflutningur hjá fylgislausum manni sem þykist hafa efni á að ausa aðra skömmum og briglsum um pólítískt svínarí.

[Jón Valur Jensson, 1.11.2010 kl. 17:05]

En hvernig telurðu þig vita það, Sigurjón, "að það sé Davíð sem stjórni Sjálfstæðisflokknum"?

[Sjálfstæðismaður (IP-tala skráð) 1.11.2010 kl. 17:07]

http://is.wikipedia.org/wiki/Sveitarstj%C3%B3rnarkosningar_%C3%A1_%C3%8Dslandi_2010 Þú fékkst 219 atkvæði í  Skagafirði rétt skal vera rétt.

[Sigurjón Þórðarson, 1.11.2010 kl. 18:45]

Sjálfstæðismaður, þú virðist vaða villu og reyk hvað varðar afstöðu mína til veiðarfæra og framboðsmál Frjálslyndra. 

Ég er langt frá því að vera mikill andstæðingur dragnótar eða trollveiða.  Ég er reyndar þeirrar skoðunar heimamenn eigi að ráða hvernig veiðum er háttað í innfjörðum.  Ég styð t.d. heilshugar að Húnvetningar geti ákveðið það sjálfir hvort þeir haldi áfram að nýta dragnótina í Miðfirði svo dæmi sé tekið. Ég hef reyndar boðist til þess að fræða Bjarna Benediktsson um sjávarútvegsmál eftir að áhrifamaður í Sjálfstæðisflokknum fór þess á leit við mig, sem er sammála mér um öngstræti ráðgjafar Hafró sem Sjálfstæðisflokkurinn fylgir.

Hvað varðar völd og áhrif Frjálslyndra í Skagafirði þá get ég upplýst Sjálfstæðismenn sem skrifa hér á síðuna að ég á m.a. einkar gott uppbyggilegt samstarf við fulltrúa Sjálfstæðisflokksins í sveitarstjórninni sem og aðra fulltrúa.

Ég er nokkuð viss um að margir Skagfirðingar taki undir mér með hvað það varðar að nafnlausir Sjálfstæðismenn tali heldur niður til Sveitarfélagsins Skagafjarðar hér á síðunni.  Sveitarfélagið er með þeim stærri en að vísu ekki nema í 12. sæti ef litið er til mannfjölda. 

Jón Valur - þetta er nú ekki vísindalegt mat heldur byggt á tilfinningu minni fyrir skrifum og viðræðum mínum við fjölmarga sjálfstæðismenn - Davíð virðist fylla upp í þögn Bjarna um þjóðfélagsmál, með skemmtilegum og beittum skrifum í Morgunblaðinu.

[Sjálfstæðismaður (IP-tala skráð) 1.11.2010 kl. 19:03]

Sigurjón skautar létt framhjá þeirri staðreynd að honum hefur gersamlega mistekist að ná neinum árangri sem formaður Frjálslynda flokksins. Flokkurinn er í molum. Er sú kjaftasaga rétt sem gengur hér vestra að þú standir nú í leynimakki við Hreyfinguna um að þú leggir flokkinn niður og sameinir hann Hreyfingunni gegn því að fá að launum að leiða lista fyrir Hreyfinguna í Norðvesturkjördæmi og Ásta Hafberg í Norðausturkjördæmi? Þannig að þið séuð að selja flokkinn gegn framboðssætum undir ykkar eigin rassa? Þetta frétti ég á bryggjurúntinum í dag.

[Sigurjón Þórðarson, 1.11.2010 kl. 19:24]

Gott að vita til þess að ég og Frjálslyndi flokkurinn sé ofarlega á baugi á bryggjunum vestra en við Guðjón Arnar ráðgerum fundferð bráðlega á Vestfjörðunum.

Ég býð þig hér með hjartanlega velkomin á fund Frjálslynda flokksins þannig að hægt sé að útkljá ýmsan misskilning.  Ég get lofað þér því að það verður líflegra á bryggjurúntinum vestra eftir að Frjálslyndi flokkurinn hefur náð fram stefnu sinni í sjávarútvegsmálum.

[Sjálfstæðismaður (IP-tala skráð) 1.11.2010 kl. 19:42]

Þú svarar nánast engu af því sem til þín er bent. Ferð bara undan í flæmingi eða byrjar að tala um allt annað. Svona stjórnmálamenn viljum við ekki á Íslandi í dag. Þetta styrkir grun margra um að þú sért ekki allur þar sem þú ert séður Sigurjón og að kjósendur geti ekki treyst þér. Við sjáum það á fylgistölum nú síðast í Gallup sem var að birtast áðan að nanast allir íslendingar eru sammála um þetta. Líklega er kjaftasagan sem ég heyrði í dag rétt og á við fót að styðjast fyrst þú vilt ekki tala um hana og játa eða neita. Þið eruð að selja flokkinn í von um að fleyta ykkur sjálfum inn á þing. Þannig eruð þið ekki hótinu betri en þeir sem selja kvótann úr byggðinni sinni til að komast suður eða til Flórída. Það er svo líka mjög merkilegt að þú upplýsir að embættismaðurinn Guðjón Arnar sé enn virkur stjórnmálamaður á trúboðsferð í kjördæmi sjávarútvegsráðherra. Kannski fyrir Hreyfinguna sem er í stjórnarandstöðu. Veit Jón Bjarnason um þetta?

[Sigurjón Þórðarson, 1.11.2010 kl. 20:44]

Ágæti pennavinur

Ég stend ekki í neinu leynimakki með Hreyfingunni. En mér er ljúft að upplýsa þig um það að ég veit ekki hvað Jón Bjarnason veit.

Staðan er því miður sú að Sjálfstæðisflokkurinn ber megin ábyrgð á hræðilegri stefnu í sjávarútvegsmálum ásamt Halldóri Ásgrímssyni, sem felur í sér mannréttindabrot, sóun og atvinnuhöft. Þessi stefna hefur bitnað harkalega á sjávarbyggðunum á Vestfjörðum og síðan á Höfuðborginni þegar kvótakerfið kom suður með hruninu.

Þetta eru hræðileg örlög fyrir flokk kenndi sig eitt sinn við einkstaklingsfrelsi og skartaði forystumönnum á borð við Matthías Bjarnason sjávarútvegsráðherra.

[Sjálfstæðismaður (IP-tala skráð) 1.11.2010 kl. 22:15]

Sigurjón Þórðarson. 36 prósenta fylgi við Sjálfstæðisflokkinn undir forystu Bjarna Benediktssonar en núll prósenta fylgi við Frjálslynda flokkinn undir forystu Sigurjóns Þórðarsonar í Gallup könnun októbermánaðar segja að fólk er alls ekki sammála þessari söguskýringu þinni. Kvótakerfið er alls ekki fullkomið og rétt er það að mistök hafa verið gerð og sjálfsagt ber Sjálfstæðisflokkurinn ábyrgð eftir að hafa verið eimreiðin í stjórnun landins í nálega heila öld. Það er enginn að víkjast undan því. En við lærum af mistökunum, erum reiðubúin að lagfæra það sem aflaga hefur farið og horfum svo fram á veginn eins og í tillögum okkar í dag en störum okkur ekki blind í baksýnisspegilinn og úthúðum einstaklingum endalaust með innihaldslausu gjammi eins og þú gerir Sigurjón. Enda erum við með næstum fjörtíu prósent á meðan þið eruð með núll komma núll eða þar um bil. Við erum til en þið hafið þurkast út. Hlakka til að heyra Guðjón Arnar tala gegn ríkisstjórninni sem hann vinnur fyrir á fundum ykkar hér vestra. Þú mátt bóka að ég mæti. Þið komið ef þið þorið.

[Númi (IP-tala skráð) 1.11.2010 kl. 22:52]

''''Sjálfstæðismaður,, passaðu blóðþrýstinginn.(Kveðja Númi flokkslausi)

[Árni Gunnarsson, 2.11.2010 kl. 10:12]

"En við lærðum af mistökunum og erum reiðubúin að lagfæra það sem aflaga hefur farið..."

Ég held að þjóðin hafi líka lært alveg heilmikið um Sjálfstæðisflokkinn í tengslum við þessi "mistök" hans.

En það er ágætt ef það er farið að renna upp fyrir ármönnum þessa flokks að hugmyndafræðin, - Litla gula hænan hans Hannesar Hólmsteins er ekki sú hugmyndafræði sem reisir þessa þjóð úr rústum frjálshyggjunnar. 

En ég er ekki viss um að hugmyndafræðin: Græða á daginn og grilla á kvöldin" sé með öllu horfin úr hugum þessara blessaðra aula.

"Þið komið ef þið þorið" segir sá sem horfir með stolti yfir vestfirskar sjávarbyggðir og fyrirtækin sem hin dauða hönd sjálfstæðismanna hefur fórnað handa sægreifunum.

Líklega er tiltekinn, huglægur sjúkdómur ólæknandi.

Hugmyndafræðin á bak við Frjálslynda flokkinn er hluti af þessum nýju tillögum sjálfstæðismanna og sá besti að sjálfsögðu.

[Árni Gunnarsson, 2.11.2010 kl. 10:49]

Í síðustu málsgreininni átti ég aðeins við aukningu aflaheimilda. En auðvitað ganga tillögur sjálfstæðismanna út á að kvótahafarnir fái þessa aukningu. Það er líklega þetta sem verður stóra bomba sjáfstæðismannsins þegar hann tekur þá Guðjón Arnar og Sigurjón í gegn á fundunum fyrir vestan.

Mikið held ég að trillukarlarnir á Vestfjörðum verði glaðir þegar þeir horfa á eftir 35 tonna aukningu handa stóru útgerðunum.

Sveitarstjórnin á Grenivík byggir atvinnumöguleika og afkomu íbúanna á 500 tonna kvóta sem byggðarlagið á í þeim undarlega skilningi sem enn gildir um óveiddan fisk.

[Sjálfstæðismaður (IP-tala skráð) 2.11.2010 kl. 13:33]

Ef málstaður ykkar er svona frábær af hverju hafið þið þá núll fylgi? Getur einhver svarað því? Það ættu að hafa verið næg sóknarfærin fyrir ykkur frá hruni en þið eruð með allt á hælunum. Sigurjón formaður geltir og glefsar en ekki nokkur einasti maður tekur mark á honum. Fjölmiðlar nenna ekki einu sinni að hringja í hann til að spyrja álits. Staða Sjálfstæðisflokksins er mjög sterk á Vestfjörðum. Við síðustu sveitarstjórnarkosingar nú í maí 42% á Ísafirði, 55% í Vesturbyggð og 62% í Bolungarvík. Samt dettur ykkur í hug að kenna Sjálfstæðisflokknum um að hafa lagt landshlutann í rúst.

En ég er ekki viss um að hugmyndafræðin: Græða á daginn og grilla á kvöldin" sé með öllu horfin úr hugum þessara blessaðra aula.

"Þið komið ef þið þorið" segir sá sem horfir með stolti yfir vestfirskar sjávarbyggðir og fyrirtækin sem hin dauða hönd sjálfstæðismanna hefur fórnað handa sægreifunum.

Líklega er tiltekinn, huglægur sjúkdómur ólæknandi.

Þetta feitletraða er skrifað af Árna Gunnarssyni. Formaður Frjálslynda flokksins sakaði mig um hroka þegar ég benti á að Skagafjörður væri eitt af smærri bæjarfélögum landsins sem er alveg rétt. Ekkert var mér þó fjarri en að sýna vinum mínum og ættingjum í Skagafirði hroka. En ef þetta hér fyrir ofan heitir ekki að tala niður til vestfirskra kjósenda með hroka og drambsemi þá veit ég ekki hvað. Það er ekki skrítið þó kjósendur hafi hafnað ykkur trekk í trekk þannig að ekkert er nú eftir.

[Sigurjón Þórðarson, 2.11.2010 kl. 14:02]

Ágæti pennavinur

Ég þykist skynja ákveðinn ótta við Frjálslynda Flokkinn á máli þínu. En ég vil fullvissa þig um að stefnan feli í sér aukinn kraft og auðlegð í sjávarbyggðunum fyrir Vestan.

Þeir vita það fyrir Vestan.                                                                         Tveir Vestfirðingar höfðu samband við mig í gær og þökkuðu mér fyrir skrif mín hér á síðunni.

Ég skora á þig að slá á þráðinn sjálfur til mín, þá get ég leiðrétt ýmsan misskilning og fróað áhuga þínum á Frjálslynda Flokknum. Ég svara öllu m.a. leyninúmerum.

[Sjálfstæðismaður (IP-tala skráð) 2.11.2010 kl. 14:43]

Það þarf enginn að óttast það sem ekkert er. En sem áhugamaður um stjórnmál þá langar mig að vita af hverju enginn vill kjósa flokkinn sem þú leiðir Sigurjón? Þú hlýtur að hafa svarið á reiðum höndum og þetta er svar sem ég vil ekki heyra í prívat símtali heldur hér þar sem allir geta séð hverju þú svarar. Þú gefur þig út fyrir að vera stjórnmálamaður og ættir að svara opinberlega þó þú farir oftast undan í flæmingi og reynir að tala um eitthvað annað þegar á þig er gengið. Reyndar virðist þú nota stóran hluta af vinnutíma þínum sem heilbrigðisfulltrúi á launum skattgreiðenda til að vasast í pólitík og blogga og rífast hér á netinu. Tímasetningar á skrifum þínum hér aftur í tímann benda eindregið til þess.

[Sjálfstæðismaður (IP-tala skráð) 2.11.2010 kl. 15:21]

Síðasti punktur minn er svo mikilvægur að ég verð að fylgja honum aðeins eftir. Sigurjón sakar alla aðra um spillingu en er spilltur sjálfur. Situr og bloggar öllum stundum í vinnutímanum á kostnað skattgreiðenda. Sjálfur ríkisstarfsmaðurinn. Ég fór að skoða þetta áðan. Sjáið bara tímasetningarnar hér aftur í tímann. Þetta er alveg makalaust. Vita yfirmenn hans um þetta?

[Árni Gunnarsson, 2.11.2010 kl. 16:06]

Ég tala ekki til Vestfirðinga með hroka þú þarna nafnleysingi. Fáir hafa lagt sig meira fram við að brýna stjórnvöld til að afhenda þeim það sem af þeim var stolið.

Annars held ég að þú sér með einhverja flensu og ætla ekki að eyða á þig meira púðri.

[Sjálfstæðismaður (IP-tala skráð) 2.11.2010 kl. 17:19]

Árni ég er búinn að vitna í nýjustu kosningatöldur sem benda eindregið til að nálega annar hver íbúi á Vestfjörðum hafi kosið Sjálfstæðisflokkinn í kosningum nú í maí. Þú kallaðir þetta fólk "aula" og ýjaðir að því að það væri haldið ólæknandi sjúkdómum. Núna bætir þú um betur og fullyrðir að ég sé líka sjúkur. Einungis vegna þess að ég er ekki sammála þér í pólitík. Þetta er háttsemi rökþrota manna að standa í svona málflutning sem lýsir eingu nema hroka og yfirlæti í garð annars fólks. Það má hafa gaman af því að stríða ykkur og hrekja úr einu fylgsninu í annað með staðreyndum og um leið afhjúpa hve átakalega fátækir þið eruð að málefnum, pólitísku siðferði og rúnir bæði trausti og fylgi. En ég er aumingjagóður að eðlisfari og læt því staðar numið.

[Sigurjón Þórðarson, 2.11.2010 kl. 17:31]

Ég þakka Sjálfstæðismanni fyrir að veita aðhald - Allir þurfa aðhald og er ég engin undantekning frá því. Kannski er það einmitt ástæðan fyrir því að Sjálfstæðisflokkurinn og stjórnmálastéttin hafi komist upp með að eyðileggja efnahag landsins - Það skorti aðhald.

Satt best að segja frá því að ég fór heldur seint í mat vegna anna í vinnunni. Ég fékk þess vegna guttann minn til þess að slá á lyklaborðið og bloggið, á meðan ég var að malla ofan í okkur feðga, þar sem ég vildi af tillitssemi ekki láta pennavininn að vestan bíða lengi svars.

Guttinn er víst einhverra hluta vegna skráður í Heimdall en mér heyrist á honum að Sjálfstæðismaðurinn fyrir vestan hafi frekar hjálpað til þess að gera hann veikari í trúnni og þakka ég pennavininum kærlega fyrir það.

[Sjálfstæðismaður (IP-tala skráð) 2.11.2010 kl. 17:48]

Aumur er sá maður sem skýlir sér á bak við og dregur börn sín inn í pólitíska umræðu en aumastur er þó sá sem reynir að ljúga því til að þau sjái um bloggið fyrir hann á meðan hann þykist vera í vinnunni. Þetta er verra en mig grunaði.

[Árni Gunnarsson, 2.11.2010 kl. 17:49]

Þú þarna sjálfstæðismaður! Ég veit um marga sem hafa kosið flokkinn þinn og þora alveg að láta sjá sig úti á götu. Þeir segja að þetta hafi verið vont svona fyrst á eftir að flokkurinn var búinn að setja fólk á höfuðið og í gjaldþrot. En þeir segjast hafa mætt tillitssemi hjá vel flestum og að þeim líði svo miklu betur eftir að þeir komu út úr skugganum.

Prófaðu spegil. Þú gengur fram fyrir spegilinn og réttir úr þér og svo þylurðu nafnið þitt svona stundarhátt þrisvar sinnum og segir: "Ég heiti NNNNNNNNNN og ég þori sko alveg að segja til nafns.

Það hafa sagt mér gamlir og traustir sjálfstæðismenn að þetta svínvirki.

[Sjálfstæðismaður (IP-tala skráð) 2.11.2010 kl. 18:50]

Þið félagar eruð algerlega ófærir um að stunda pólitíska umræðu. Því miður. Það má hafa gaman af ykkur í smá stund en maður verður fljótt leiður á að tuska ykkur til. Hér er ítrekað til að mynda búið að reyna að brydda á því að ræða þá staðreynd að Sigurjóni og öðrum í forystu flokksins gengur ekkert að vinna fylgi á sama tíma og Sjálfstæðisflokkurinn er sífellt að styrkjast aftur eftir hrun. Þó reynið þið að kenna Sjálfstæðisflokknum um flest sem aflaga hefur farið hér á landi en fólk er bara ekki sammála ykkur og á ykkur er ekkert hlustað. Sigurjón hefur um langan aldur stundað níð og róg gegn nafngreindu fólki sem hefur lagt fram starfskrafta sína í þágu þjóðfélagsins hér á síðu sinni nú síðast gegn formanni Sjálfstæðisflokksins en ekkert gengur. Þetta árangursleysi vekur athygli ekki síst vestra þar sem sumir hafa talið að væri höfuðvígi þessa flokks sem kennir sig við Frjálslyndi en var upphaflega stofnaður uppúr spillingarhneyksli og heift Sverris Hermannssonar þegar flett var ofan af honum í sjálftökunni í Landsbankanum. Í staðinn fyrir að ræða þessar staðreyndir og þá augljósu spillingu núverandi formanns Frjálslynda flokksins að stunda umfangsmikið blogg á kostnað skattgreiðenda í vinnutímanum þá veltið þið ykkur upp úr persónum. Þið forðist að ræða þau mál sem reynt er að ympra á og ætti vissulega að vera mikilvægt í ykkar huga ef þið meinið eitthvað með því að vera í stjórnmálum. Það er lánleysi ykkar í þeim efnum. Í pólitík skiptir öllu að fá fylgi til að ná fram stefnumálum sínum. Frjálslynda flokknum og Sigurjóni Þórðarsyni er hvergi að takast það. Sigurjóni vegnar hörmulega sem formanni og það er eftir því tekið meira að segja í herbúðum andstæðinganna. Var það ekki nóbelskáldið sem sagði að í hvert sinn sem sumir Íslendingar kæmust að kjarna málsins þá setti þá hljóða? Þið minnið mann á þessa lýsingu.

[Árni Gunnarsson, 2.11.2010 kl. 19:01]

Hva! ennþá bara sjálfstæðismaður?

Kannski kemur kjarkurinn með morgni.

[Sigurjón Þórðarson, 2.11.2010 kl. 19:05]

Fáir andmæla því nú sem Sverrir Hermannsson benti ítrekað á hvað varðar hreina og tæra spillingu í kringum einkavinavæðingu bankanna og kvótakerfið. Reynt var að gera Sverri ómarktækan með því að gera mikið úr yfirsjónum hans sem Sjálfstæðisflokkurinn hefði örugglega horft í gegnum fingur sér með ef hann hefði ekki verið með múður.

Það er þó einn og einn s.s. Sjálfstæðismaðurinn vinur minn en við því er ekkert að segja það er eins og það er.

[Sjálfstæðismaður (IP-tala skráð) 2.11.2010 kl. 19:41]

Þarna sjáið þið góðir hálsar. Formaður Frjálslynda flokksins og Árni G. geta ekki talað um neitt sem skiptir máli en hengja sig bara á persónur þar sem þeir reyna að drepa umræðunni á dreif. Engin furða þó fylgið hafi hrunið af þessum mönnum og þeim hafi ítrekað verið hafnað af kjósendum í kosningum. En nú er formaður Sjálfstæðisflokksins í Kastljósi þar sem hann talar mynduglega um málefnin og framtíðina eins og sannir forystumenn eiga að gera. Bjarni Benediktsson er að standa sig vel.

[Þórhallur Arnberg (IP-tala skráð) 2.11.2010 kl. 19:52]

Virðulegi Sjálfstæðismaður

Þú virðist hafa mikinn áhuga á tímasetningum og því sem hann faðir minn gerir. Það er vægast sagt merkilegt að sjá hvernig þú talar um hann en það er annað mál en ég ætla að ræða við þig.

Í þau skipti sem hann var að eyða peningum skattgreiðenda í blogg og annað var hann í hádegismat, ég vona þín vegna að þú hafir prófað svoleiðis.

Ég get fullvissað þig um það, Sjálfstæðismaður, að sjálfur er ég mjög pólitískur og í þokkabót stuðningsmaður Sjálfstæðisflokksins.

Þú virðist styðja Sjálfstæðisflokkinn í blíðu og stríðu, þó ég fullyrði ekki, og gagnrýnir hann lítið sem ekkert.

Ekki skil ég samt andstöðu þína við Davíð, sem mér persónulega þykir einhver merkilegasti stjórnmálamaður íslands, þó víðar væri leitað.

Í einu eintaki Eimreiðarinnar, Davíð tók þátt í útgáfu þess, sem ég hef lesið stendur skýrum stöfum:"Kjölfesta frjálshyggjunar er trúin á manninn."

Ég sem maður trúi á sjálfan mig sem aðra, þó mismikið eftir einstaklingum eins og gengur og gerist.

Munurinn á mér sem manni, og Sjálfstæðismanni, og þér er sá að ég kem undir nafni.

[Jón Valur Jensson, 2.11.2010 kl. 21:36]

Frjálslyndi flokkurinn átti það sannarlega skilið að koma mönnum á þing síðast, en ekki var á hann hlustað, enda í 1. lagi hálfgert slysatilfelli vegna óstjórnar fyrri stjórnenda flokksins, og í 2. lagi eru kjósendur margir milli steins og sleggju vegna ótta við að kasta atkvæðum sínum á glæ, þar sem kjördæmaskipanin er höfð þannig (jafnvel með skiptingu Reykjavíkur í tvennt!!!) að ná þarf um 8–10% atkvæða í hverju kjördæmi til að ná inn manni, auk 5% þröskuldsins, ... en hver skyldi vera ábyrgur fyrir þessu rangláta fyrirkomulagi nema einmitt Sjálfstæðisflokkurinn?! Það var HANN, sem lét kljúfa Reykjavík í tvö kjördæmi!

Þennan sama Sjálfstæðisflokk skortir siðferðisþrek til að lýsa siðferðislegri vandlætingu sinni vegna framferðis féplokkandi þingmanna sinna, en einn þeirra þáði a.m.k. rúmar 25 milljónir í prívatstyrki frá fyrirtækjum og var yfirverkstjóri í því að fá FL-og Landsbanka-tugmilljónastyrkina til FLokksins.