Steingrímur einnota

Jóhanna hefur látið Steingrím kyngja Alþjóðagjaldeyrissjóðnum, Icesave og Evrópusambandinu. Það er ósennilegt að hún hafi meiri brúk af honum og það henti ekkert að nota VG áfram, enda gætu þeir þvælst fyrir stóriðjudraumum og viljað láta rannsaka frekar aðdraganda hrunsins en þar á Samfylkingin hins vegar bandamenn í Sjálfstæðisflokknum, í að gera ekki of mikið úr hinu liðna.

Leiðtogar Samfylkingarinnar vita að ef ætlunin er að fara inn í Evrópusambandið er vænlegra að vinna að því með forystu Sjálfstæðisflokksins sem hefur daðrað við ESB - ef sérlausn fengist fyrir LÍÚ sem gæti þess vegna falist í makríl og marglyttu.

Sá búhnykkur sem fengist með því að söðla um væri að VG væri ótrúverðugt og Sjálfstæðisflokkurinn myndi að öllum líkindum klofna.

Athugasemdir

[Jakob Þór Haraldsson, 20.10.2009 kl. 00:26]

Því miður er þetta eflaust hárrétt greining hjá þér, VG hafa látið Samspillinguna leiða sig eins og sauð til slátrunnar.  Fylgi VG á eðlilega eftir að hrynja af þeim, enda stendur formaður flokksins eflaust fyrir mestu vörusvikum sem viðhöfð hafa verið í kosningum hérlendis frá því 1212 þegar Björn bóndi lék á Sveinn útgerðamann og hafði af honum bátinn.  Ránfuglinn & Samspillingin verða ekki lengi að ná saman - gaman hjá þeim.  Íslenski sauðurinn hefur skammtíma minni er kemur að stjórnmálum og því viðbúið að fylgi  XD fari í hæðstu hæðir þó svo það hafi verið "þeirra útvöldu útrásar rónar sem komu okkur í þessa stöðu - XD lætur eins og þetta Icesave mál komi þeim ekki við - ótrúlega óábyrgt & fyndið lið sem styður XD ávalt í blindni.

kv. Heilbrigð skynsemi (fun.blog.is)

[Jóhann Elíasson, 20.10.2009 kl. 09:29]

Hann er ekki einu sinni einnota.

[joi (IP-tala skráð) 20.10.2009 kl. 16:01]

Ertu að segja að steingrímur j. sé eins og smokkur? einnota drasl?

[Rafn Gíslason, 20.10.2009 kl. 17:18]

Það verður ekki langt í það að Samfylkingin fer að bera víurnar í Íhaldið. Ég held að þeim hugnist sú sambúð nefnilega merkilega vel.

[Jóhannes Laxdal Baldvinsson, 20.10.2009 kl. 17:20]

Þú ofmetur styrk Samfylkingar en vanmetur styrk Steingríms, Sigurjón.  Samkvæmt nýlegum könnunum þá er þjóðin á móti helstu stefnumálum Samfylkingar og nú þegar Icesave deilan er frá, þá getur Steingrímur farið að láta til sín taka. Kannski æxlast mál þannig að Jóhanna verði látin fara út með ruslið og komi bara ekkert inn aftur