Morgunblaðið kokgleypir enn og aftur kjaftæði falsspámanns

Í Morgunblaðinu í dag má lesa frétt þar sem vitnað er í alþjóðlegan "sérfræðingahóp" sem gagnrýnir rányrkju í Norðursjónum, en telur jafnframt að einhver árangur hafi náðst við stjórn fiskveiða við Bandaríkin og Ísland. Sá sem leiðir þennan hóp er enginn annar en Boris Worm sem sendi frá sér dómsdagsspá fyrir nokkrum árum um eyðingu allra fiskistofna árið 2048. 

Í óðagoti við að koma fréttatilkynningu út um dómsdagsspána sem greindi frá eyðingu fiskistofna 2048 var óvart sent bréf til fjölmiðla sem sýndi samskipti höfundar skýrslunnar við samstarfsmenn sína. Samskiptin greindu frá því að helsta ástæðan fyrir framreikningunum til ársins 2048 væri sú að það yrði að búa til beitu fyrir fjölmiðla. Það er óhætt að fullyrða að helstu fjölmiðlar heimsins hafi kokgleypt beituna en tilgangurinn var sá að vekja áhuga þar sem fullyrt var að lítill áhugi væri á innihaldi skýrslunnar nema fyrirsjáanleg væru einhver endalok á næstu áratugum.

Núna greinir Boris Worms frá gríðarlegri rányrkju í Norðursjónum og við Írland.  Staðreyndin er að ofveiðigrýla og fiskveiðistefna Evrópusambandsins er nánast búin að eyða megninu af fiskveiðiflota Íra og Skota.  Ætli þorskveiðin nú sé ekki um 10% af því sem hún var áður en "uppbyggingarstefnan" hófst. 

Það væri ekki úr vegi fyrir gagnrýna blaðamenn að velta fyrir sér árangrinum af íslensk kvótakerfinu en upphaflegt markmið var að fá 400 þúsund tonna jafnstöðuafla en leyfilegur þorskafli verður samkvæmt ákvörðun Jóns Bjarnasonar "hins sterka", 150 þúsund tonn.

 

Athugasemdir

[Jón (IP-tala skráð) 2.8.2009 kl. 09:25]

Það verður aldrei raunveruleg auknin í fiskistofnum hvorki á Íslandi eða annarsstaða nem að öllum togveiðum á grunnslóð verði hætt og lífríkið fái jafnað sig eftir áratuga rányrkju þá first getum við farið að gera ráð fyrir bata taka upp sóknarstýringu .. þannig mínkar brottkast um 90 % og raunverulegar tölur um afla koma fram

Það er ljótt að sjá menn standa á bryggjum og fagna nýum skipum með stórar vélarsem eru jafn breið og þau eru löng  til að geta togað upp í fjörum, þetta er fávitagangur sem verður að stöðva

Meðan heilbrigð skynsemi og ábyrgð kemur hvergi nærri í fiskveiðistjórn verður leiðin bara niður á við!!!!!!!!!!!!

Ég fagna hugrekki núverandi stjórnmálamanna að opna strandveiðar þar þar að bæta í pottin og þá er komin rekstrar hæft kerfi

Athuga má að kvótin til strandveiða er líklega 20 % af brottkasti togaraflotans ......

 Allar Togveiðar út fyrir 30 mílur strax 

[Sigurður Þórðarson, 2.8.2009 kl. 10:44]

Hvaða áhrif hefur mengun á lífríkið? Ég hef heyrt sjómenn tala um að meira sé um vanskapaðan fisk í Eystrasalti og eins sé hann lausari í sér en t.d. hér norðurfrá.

[Sigurjón Þórðarson, 2.8.2009 kl. 10:56]

Togveiðar hafa ekki verið minni nú en í hálfa öld og sama er að segja um togveiðar í Norðursjónum þannig að ekki er hægt að kenna þeim um. 

Vandinn liggur í kengruglaðri ráðgjöf reiknisfiskifræðinga hér og hjá Ices en þar sem lítið sem ekkert er gert með ráðgjöf þeirra ganga veiðar sinn vanagang.