Kristján Möller afhenti mér gullið

Ég var á stórskemmtilegu landsmóti Ungmennafélags Íslands sem var rétt í þessu að ljúka, í góðum félagsskap fjölmargra Skagfirðinga. Ég hafði fyrir einhverja rælni skráð mig í sjósundskeppnina en þegar komið var á staðinn óx mér í augum að synda yfir þveran Eyjafjörðinn og var nokkrum sinnum kominn á fremsta hlunn með að hætta við. Vegna fjölda áskorana, m.a. frá Lindu sundþjálfara og Skagfirðingnum Söru Jane, lét ég þó til leiðast og kom mörgum, þó sérstaklega sjálfum mér, á óvart með því að verða fyrstur í mark þar sem þetta var frumraun mín í sjósundi.

Er þá ekki næst að stefna á Drangeyjarsund?

Mér fannst einkar skemmtilegt að skíðakappinn Kristján Lúðvík Möller samgönguráðherra skyldi afhenda mér verðlaunin.

Ég vona að landsmenn fjölmenni á unglingalandsmót UMFÍ sem haldið verður um verslunarmannahelgina á Sauðárkróki.

Athugasemdir

[Dorri (IP-tala skráð) 12.7.2009 kl. 15:22]

Virkilega vel af sér vikid.  Í mínum huga er thetta ekkert minna en stórt og mikid afrek ad synda thessa vegalengd.  Ad vinna svo keppnina er stórglaesilegt afrek!  Til hamingju med sigurinn.

Ég hefdi gaman ad sjá Kidda Lúlla leika thetta eftir thér.  Nei...ég held ad Kiddi Lúdvík sé ekki í heppilegu líkamlegu formi til thess ad synda yfir Eyjafjörd.

Lúdvík kaemist ekki hundrad metra.  Madur veit thó aldrei...skvapid er víst vel fljótandi.

[Gísli Baldvinsson (IP-tala skráð) 12.7.2009 kl. 17:44]

Flott hjá þér! Gerðirðu Möllersæfingar fyrir sund?

[Dorri (IP-tala skráð) 12.7.2009 kl. 18:34]

HAHAHAH..Möllersaefingarnar!!!  Thad sorglega gerdist med Kidda Lúlla skídakappa var thad ad á hans sídasta skídakeppnismóti datt hann í midri brekkunni og kom rúllandi nidur í brekkuna alla leid og hefur eftir thad haft vaxtarlag snjóbolta.

[Lúðvik (IP-tala skráð) 12.7.2009 kl. 20:21]

Bravó fyrir þér,hverjum manni er best að finna sína bestu kosti og þroska þann hæfileika sér og öðrum til ánægju,og stefnan ætti að vera Ísland Noregur, þú gætir kannað hvort fiskigöngur væru á sömu leið og mannfólkið.Annars helt einkver sem þarna var á fjöllum og let fjölmiðla vita, að þarna færi sennilega síðasti Íslandssléttbakur yfir þveran Eyjafjörðinn v-laga Blástur og gusugangur mikill.

[Óskar Þorkelsson, 12.7.2009 kl. 20:55]

flott hjá þér Sigurjón :) 

[Berglind Steinsdóttir, 12.7.2009 kl. 20:59]

Ég gratúlera. Og jú, ég held að Drangeyjarsundið hljóti að vera næst.

[Árni Gunnarsson, 12.7.2009 kl. 22:07]

Til hamingju með þessa glæsilegu frumraun í sjósundi! Svo var ég í ofanálag að frétta að Jóna Björk tengdadóttir hefði unnið bronsið í blaki með Krækjunum á Króknum.

En nú er bara að klára pakkann og fara að þjálfa fyrir Drangeyjarsund. Sem síðasti bóndi á Reykjum og frændi þinn að auki vona ég að mér veitist sá heiður að fá að fylgja þér yfir sundið. Ég fylgdi Eyjólfi Jónssyni á sínum tíma þegar hann synti. Ég hafði meðferðis hitamæli með sökku í oddinum og hitinn mældist 13 gráður mestan hluta leiðarinnar upp við yfirborðið. Það er reyndar óvenju hátt hitastig að ég tel. Eyjólfur var ósmurður og marglytturnar reyndust honum erfiðar. 

[Ulla (IP-tala skráð) 12.7.2009 kl. 23:00]

Duglegur strákur. Til hamingju!

[Halla Rut , 12.7.2009 kl. 23:20]

Þú ert flottur.

[Jón Baldur Lorange, 12.7.2009 kl. 23:51]

Til hamingju með þetta. Svona eiga kappar að synda.

[Steingrímur Helgason, 13.7.2009 kl. 00:27]

Töffari ...

[Jens Guð, 13.7.2009 kl. 00:51]

  Þetta var glæsilegt.  Til hamingju með gullið!

[Sigurjón Þórðarson, 13.7.2009 kl. 09:33]

Ég þakka öll fyrir góðar hamingjuóskir.

Frændi þetta er nú spennandi tilboð sem rétt er að skoða en Drangeyjarsundið er rúmir sex og hálfur kílómetir þannig að sundið ætti að taka dágóða stund.

[Hallur Magnússon, 13.7.2009 kl. 11:16]

Heill og sæll höfðingi!

Kemur mér ekki á óvart að þú  hafir þrjóskast yfir Eyjafjörðinn - og unnið!

En ég var alveg viss um að þú hefðir synt Drangeyjarsund!

Nú er það bara næsta verkefni!