Yrði það liðið að forstjóri Barnaverndarstofu setti kíkinn fyrir blinda augað?

Stjórnendur Kastljóssins og laganemarnir eiga mikla þökk skilda fyrir að upplýsa um hluta af því braski sem viðgengst í fiskveiðistjórnunarkerfinu og líka hvernig ekki einungis stjórnmálastéttin heldur líka embættismannaklíkan hefur sett kíkinn fyrir blinda augað. Það var að heyra á Fiskistofustjóra að honum þætti eðlilegt og sjálfsagt mál að framfylgja lögum í blindni sem augljósa stangast á við markmið laganna sem hann á að framfylgja. Það kemur fram í 1. gr. laganna:

Markmið laga þessara er að stuðla að verndun og hagkvæmri nýtingu þeirra og tryggja með því trausta atvinnu og byggð í landinu.

Hvað yrði sagt ef forstjóri Barnaverndarstofu teldi það varla sitt mál þó að þær reglur sem honum væri gert að framfylgja gengju í berhögg við hagsmuni barna í landinu? Hvað yrði sagt ef starfsmenn Umferðarstofu hefðu enga skoðun á því að reglurnar sem þeir framfylgdu ykju á slysahættu? Hvað yrði sagt um brunamálastjóra sem hefði enga skoðun á því að reglurnar sem hann framfylgdi stuðluðu frekar að brunahættu en hitt?

Athugasemdir

[Þórður Már Jónsson, 30.6.2009 kl. 10:03]

Góð samlíking. Ef þú vilt sjá skýrsluna í heild sinni þá er hún á síðunni minni.

Bestu kveðjur

[Þór Ludwig Stiefel TORA, 30.6.2009 kl. 10:26]

Kjarni málsins, er varðar embættismannakerfið. Það þarf að láta háttsetta embættismenn svara fyrir verk sín fyrir almenningi líkt og alþingismenn.

[Rósa (IP-tala skráð) 30.6.2009 kl. 10:56]

Yrði það liðið ef forstjóri Barnaverndarstofu væri barnaníðingur?
Lögfræðingurinn sem ráðlagði bankanum að afskrifa kúlulán starfsmanna var einn af kúlu-lántakendum.

[Jakob Þór Haraldsson (IP-tala skráð) 30.6.2009 kl. 13:24]

Rétt hjá þér þessir men eru BLINDIR - SIÐBLINDIR og svo talar LÍÚ, stjórnmálamenn & kerfiskallar í kerfinu um að kvótakerfið sé það BESTA í heiminum - Ísland er vægast sagt ótrúlegt FÁBJÁNA samfélag þar sem spiltir & heimskir stjórnmálamenn ganga lausir.....

kv. Heilbrigð skynsemi

[Jakobína Ingunn Ólafsdóttir, 30.6.2009 kl. 14:16]

Ný neyðarlög takk.

Hreinsa til í embættismannakerfinu

[Elfur Logadóttir, 30.6.2009 kl. 21:13]

Sigurjón, ég held að það sé óhætt að fullyrða að það yrðu aldrei samþykkt lög sem ganga gegn hagsmunum barna í landinu. Hvað þá að einhver þyrfti að framfylgja þeim.