Steingrímur Jóhann Sigfússon auðgar íslenska menningu

Margir hafa misst álit á Steingrími J. Sigfússyni vegna viðsnúnings hans í mörgum mikilvægum málum. Margur gamall alþýðubandalagsmaðurinn er farinn að vorkenna alþýðuhetjunni.

Í Skagafirði og Húnavatnssýslum hefur maður þó heyrt ýmislegt jákvætt um aðalritarann, t.d. það er að skattahækkanir hans á áfengi séu liður í þrifnaðaraðgerðum og almennum hreinsunum eftir óþrif sjálfstæðismanna. Þessar aðgerðir verða til þess að endurvekja heimilisiðnað; brugg og landagerð.

Skál, og syngja, Skagfirðingar!

Athugasemdir

[Óskar Helgi Helgason (IP-tala skráð) 28.6.2009 kl. 02:08]

Heill og sæll; Sigurjón !

Trúi því vart; að frændgarður minn nyrðra, Húnvetningar og Skagfirðingar, séu farnir að sýna Þingeyska hrokanum meðaumkun nokkra, í þeim afglapa aðstæðum, sem dreng fjandinn; SJS, kom sér í sjálfur, óumbeðinn, andkotinn hafi það, Sigurjón minn.

Það bað hann enginn; að leggjast hundflatan, undir AGS/ESB/NATÓ samsteypuna, nema,......... hin baneitruðu kratapeð, hver öllu húrra hér til helvítis, fái þau öllu meira ráðið, eða hvað sýnist þér, Hegranesingur góður ?

Með; hinum beztu kveðjum, úr Árnesþingi, sem jafnan /

Óskar Helgi Helgason 

[Hildur Helga Sigurðardóttir, 28.6.2009 kl. 02:56]

Nú er ekki tíminn fyrir hótfyndni í garð Steingríms.

Endilega nefnið þann sem þið sjáið betur til þess fallinn að draga okkur upp úr feninu, sem aðrir komu okkur í.

[Óskar Helgi Helgason (IP-tala skráð) 28.6.2009 kl. 03:07]

Komið þið sæl; á ný !

Hildur Helga !

Hygg; að fyrir hvorugum okkar Sigurjóns vaki, nokkur hótfyndni, fjarri því.

Málið er það; að tími hvítflibba roludóms, og blúndu kerlinga er liðinn, og við þurfum þjóðernissinnað fólk, hvert; kemur beint úr atvinnulífinu, í samfestingnum - fiskvinnzlu sloppnum og ekki uppstrílað af monti, til þess, að spúla út hroða þeim, hver viðgengist hefir - áratugunum saman, í Stjórnarráði - sem annars staðar, í embættismanna kerfinu. Og; hefir hirt, sín ofurlaun, með smeðjulegu glotti - þó lítt hafi, fyrir eiginlegri vinnu þessa hyskis farið.

Er fordæðan; og svika kerlingin, Jóhanna Sigurðardóttir ekki, með um 935.000.- þúsundir króna, í mánaðarlaun, fyrir ekki neitt, nema; að mylja undir sinn eigin bakhluta - kollegar hennar; svona áþekkt, hlutfallslega ?

Með ágætum kveðjum; sem þeim fyrri /

Óskar Helgi Helgason   

[Sigurjón Þórðarson, 28.6.2009 kl. 10:52]

Hildur Helga, ég myndi t.d. treysta Guðjóni Arnari miklu betur til þess að auka tekjur í þjóðfélaginu strax með því að auka atvinnufrelsi í sjávarútvegi.  Leið Steingríms að skattleggja og kreista skuldug heimili er langt því að vera vænleg.

[Haraldur Baldursson, 28.6.2009 kl. 11:49]

Hildur Helga.
Úr því sem komið er mun ekki vera hægt að fá styrka hönd Davíðs Oddsonar. Af þeim sem ég hef lesið skrifa um málefni liðandi stundar í fjölmiðlum og á netinu, finnst mér tveir einstaklingar bera af. Hvor um sig hefur getu og hæfileika til að stýra skútunni betur en núverandi skipsherrar. Að mínu áliti eru þessir tveir menn Björn Bjarnason og Sigurjón Þórðarson. BB er hættur, þannig að SÞ situr eftir.
SÞ þarf bara að stíga fram með meiri krafti og taka við stýrinu af félaga sínum Guðjóni, sem ég hygg að myndi styrkja hann í þeirri vegferð. SÞ hefur fjallað málefnanlega um hvert það mál sem ég hef lesið og heyrt hann fjalla um. Frjálslyndi flokkurinn þarf, að mínu áliti, einmitt núna að fara að huga að næstu kosningum og skilgreina sig að nýju. Fengi ég að leggja inn gott orð og ráðleggingar myndi ég mæla með eftirtöldum áherslum :

1. Kvótakerfið burt
2. Ríkari áherslur á smábátaveiðar
3. Báknið burt og vinna að valddreifingu
4. ESB andstöðu
5. Dreift eignarhald fjölmiðla

Og við núverandi aðstæður :

Nei við Icesave-samningnum í þessari mynd. Svarið við Iceasave þarf að verða : Landsbankinn er ykkar og við borgum MAX 12 milljaðra í 5 ár, vaxtalaust. Það er hreinlega ekki okkar að borga fyrir gallað regluverk ESB (sem sannast á því að þeir vilja breyta regluverkinu).

[Jón Valur Jensson, 28.6.2009 kl. 13:41]

Niður með Steingrím J. Sigfússon, sem berst gegn þjóðarhag og gegn okkar ótvíræðu réttindum. Sjá nánar HÉR.