Valdabarátta - mun Ögmundur steypa Steingrími?

Svo er að sjá sem það stefni í uppgjör hjá Vinstri grænum þar sem fulltrúi óbreytts kerfis, Steingrímur J. Sigfússon, hvort sem er í embættismanna-, landbúnaðar- eða illræmdu kvótakerfi í sjávarútvegi, muni takast á við róttækari öfl sem sætta sig ekki við að greiða skuldir fjárglæframannanna. Sendiherrann Svavar Gestsson og skrifræðisráðherrann Steingrímur, auk Svandísar Svavarsdóttur, leggja gríðarlega áherslu á að þjóðin verði við fátæktarmörk og greiði upp reikninga fjárglæframannanna næstu áratugina þar sem óþægileg mál trufla eflaust skemmtilega stemningu í veislusölum ambassadöra víða um heim. Hætt er við að Svavar fái færri partí og Steingrímur ekki eins innileg faðmlög frá systurflokkunum í Evrópu.

Ögmundur er líklegur til að sameina á bak við sig róttæk réttlætisöfl innan Vinstri grænna auk liðsmanna sem kunna að leggja saman tvo og tvo, s.s. Lilju Mósesdóttur, sem sjá að það að ætla að greiða Icesave-reikningana ofan á allar aðrar skuldir er ávísun á þjóðargjaldþrot.

Vekur athygli á gagnrýni á AGS

Athugasemdir

[Jakob Þór Haraldsson (IP-tala skráð) 14.6.2009 kl. 23:38]

"Við skulum VONA það besta, en búast við því VERSTA...."  Það væri ROSALEGT heilaspor fyrir VG ef SteinRÍKUR hættir, en því miður þekkir hann ekki sinn vitjunartíma...!

kv. Heilbrigð skynsemi

[C4 (IP-tala skráð) 14.6.2009 kl. 23:55]

Ömmi er kúkur úr gömlu fúlu ræsi. Ef einhver á að víkja þá er það hann. Hann er vart hæfur til að vera hringinn í kringum borðið frekar en aðrir. Varðandi Steingrím......takið fram ævisögu Margrétar Frímansdóttur og lesið um hvernig Dengsi er í návígi, tala ekki um ef Svavar Gestsson er í návígi. Var ekki Svavar eitthvað í þessum Icesave málum? Alþýðubamdalagið lifir enn í þessu fólki, með allri sinni forræðishyggju og mannfyrirlitningu, pakkaðri inn í glanspappír með slaufu eins og bók frá Máli og menningu.Annars...Af hverju á Mál og menning ekki lengur húsið á Laugavegi, hvert fór andvirði þess? hefur einhver spurt að því?? Þetta var byggt fyrir styrk frá Rússlandi meðal annars, a.m.k.

[Jón Óskarsson (IP-tala skráð) 15.6.2009 kl. 00:41]

Það verður ekki Ögmundur sem sækir að Steingrími - Þannig vinnur Ögmundur ekki 

Fylgstu með hvað Svandís segir og segir ekki næstu misserin og líka hvað hún gerir og gerir ekki. Hún er sleip og farin að spá.

Það er einhver mannfyrirliting í gangi hjá næsta ræðumanni hér á undan.  Sjaldan séð annað eins.

[Eva Ól. (IP-tala skráð) 15.6.2009 kl. 13:27]

Ég væri til í að fá Ögmund í forsvar fyrir VG - hann hefur verið sjálfum sér samkvæmur fyrir og eftir kosningar og þó ég sé ekki alltaf sammála honum þá treysti ég honum betur en Steingrími. Lilja Mósesdóttir er líka efnileg enda ný, einnig Guðfríður Lilja, svo ég tali nú ekki um Atla Gíslason - fullt af góðu fólki innan raða VG sem kjósa með hjartanu  Ég treysti á að stjórnarandstaðan gæti hagsmuna okkar og skuldbindi okkur ekki frekar en við ráðum við og þá þarf bara nokkra úr röðum VG til að senda nefndina aftur af stað í betri samningaviðræður.

[Jón Steinar Ragnarsson, 15.6.2009 kl. 19:59]

Stjórnin á samkvæmt öllum sólarmerkjum að vera fallin. Það væri heillaspor nú ef stjórnarandstaðan tæki sig saman og setti fram vantrausttillögu. Rökin fyrir því skortir ekki nú. Þeggar fyrri stjórn fékkk slíka tillögu á sig, var það á grunni óljósrar ábyrgðar. Nú er það hreinlega sjáanlegt hvar ábyrgðin og ásetningurinn er. Leynimakkið er þvílíkt. Menn þora ekki að mæla ofar andardrættinum um ógnanir þjóðverja, Breta og IMF. Þær ógnir einar og sér ógilda alla samninga.Það eru bara alþjóðalög. Hafi menn þessar hótanir skjalfestar er hægt að segja bretum að éta skíit.

[Jón Steinar Ragnarsson, 15.6.2009 kl. 20:05]

Dómstólaleiðina. Það er eina útleiðin. Betri eru 5 mögur ár en 100 sultarár, í vítahring lána til að borga a´f lánum og standa undir vöxtum. Það er það sem þetta snýst um.

Sama hvernig menn ætla sér að borga þetta eftir sjö á og þrátt fyrir allar ofsögur um það að að eignir bankanna hrökkvi langt, þá kostar þessi 7ára gálgafrestur um 120 milljónir á dag alla daga, þann tíma, að gefnu því að gengi haldist stöðugt og jafnvægir ríki á fjármálamörkuðum heimsins. Eru menn tilbúnir að veðja framtíð landsins á það?

ég finn ekkert orð yfir þetta í orða og lagabókum annað en Landráð. Sama hvað ég leita.