Sjálfsgagnrýni og endurmat VG

Nú hefur skyndilega runnið upp ljós fyrir VG, og liðsmenn flokksins sjá skýrt að stefnan hefur verið kolröng. Ekki einasta hefur hún kúvenst í málefnum Icesave og Evrópusambandsins, heldur hefur æðsti yfirmaður menntamála í landinu ráðið Baldur Guðlaugsson, einn af guðfeðrum klúðursins, sem næstæðsta yfirmann menntamála í landinu og er vís með að sæma hann á næstu dögum stórriddarakrossi hinnar sérstöku bankaorðu fyrir hreinsi- og uppbyggingarstarf. Er hægt að misbjóða Íslendingnum meira? Svei. Og að auki má reikna með mærðargrein um hann á Smugunni á næstu dögum.

Ég held að VG ætti að gagnrýna sjálfsgagnrýni sína og endurmeta endurmatið, a.m.k. ef þeim þykist einhver alvara í að stefna landinu upp á við.

Áfram Ísland. 

Athugasemdir

[Anna Benkovic Mikaelsdóttir, 9.6.2009 kl. 20:30]

Það er fáránlegt að VG sé í þessari stöðu!

Icesave er mál xD og þeir eiga að þegja eða biðjast afsökunnar!

Í sbv. ESB...þá er auðveldlega hægt að sameinast um þjóðaratkvæðagreiðslu!

Ef samningurinn er slæmur = NEI! Ef samningurinn er góður =J'A!

ps: ekki flækja hlutina

[lydur arnason (IP-tala skráð) 10.6.2009 kl. 02:27]

Sæll, Sigurjón.  Vinstri grænir missa nú hratt flugið og óðum að koma í ljós að vinstri flokkarnir eiga lítið sameiginlegt nema forna rót.  Ósamstæðir í evrópumálum, áhugalausir um sjávarútvegsmál og farnir að feta sömu blóðslóð og fyrri ríkisstjórnir.  Efast um að þetta blessist.

LÁ  

[Sigurjón Þórðarson, 10.6.2009 kl. 10:54]

Vg hafa leikið ótrúlega ljótan leik í sjávarútvegsmálum en flokkurinn hefur frá kosningum gefið í skyn og sagt berum orðum að það ætti að opna kerfið m.a. með strandveiðum en nú er komið fram í júní og ekkert hefur gerst.

Mannréttindabrotin halda áfram.

[Gunnar Skúli Ármannsson, 10.6.2009 kl. 23:15]

Sæll Sigurjón,

þetta er rétt hjá þér. Ástandið er svo sérkennilega undarlegt. VG kyngja öllu núna, grasrótin er æf hjá þeim og hótar hallarbyltingu. Það skýrir asann að hluta. Baldur er dæmigert íslenskt skíta spillingarmál. Samt gerist lítið sem ekkert, furðulegt.