Nær Katrín sambandi við móður jörð?

Gamlir allaballar, Steingrímur J. og hinn virðulegi sendiherra, Svavar Gestsson, hafa verið iðnir við að skrifa upp á mörg hundruð milljarða skuldaviðurkenningar fyrir hönd þegna sinna eitthvað fram í framtíðina. Að sögn fyrrum formanns Alþýðubandalagsins Svavar Gestssonar þá er samningurinn innan þolmarka og gerður undir þeirri hræðilegu hótun að EES-samningurinn væri í uppnámi.  Það er rétt að geta þess að félagarnir voru báðir á móti EES-samningnum á sínum tíma, svo að þeir hafa greinilega umpólast.

Reyndar er það svo að Steingrímur J. er nánast orðinn hálfgerður skoðanavillingur í sambúð sinni með Jóhönnu Sigurðardóttur.  Hann er skyndilega orðinn mikill Icesave-maður, Evrópusinni og auðsveipur þjónn Alþjóðagjaldeyrissjóðsins.

Einu jákvæðu fréttirnar úr herbúðum ríkisstjórnarinnar koma frá varaformanni Vg sem virðist leggja sig í líma við að ná tengslum við fólkið í landinu og hefur í því skyni tekið að sér kennslu í Háskóla unga fólksins. 

Dægurlagatextar krufnir til mergjar

Athugasemdir

[Haraldur Baldursson, 8.6.2009 kl. 11:03]

Svavar Gestsson er svo virðulegur að hann neitar að láta Sendiherra stöðuna eftir, þó að eftirmaður hans sé þegar búinn að afhenda trúnaðarbréf. Það þurfti að leigja sér íbúð handa væntum sendiherra, því Svavar neitar að afhenda sína. Það hentar honum ekki að hætta strax. Fyrst fró hann það í mánuð og nú hentar það honum að bíða til áramóta. Þetta er allur virðuleikinn

[Sigurjón Þórðarson, 8.6.2009 kl. 11:16]

Það kemur mér annars nokkuð á óvart að gamlir kratar í Samfylkingunni skulu treysta Svavari manna best fyrir framtíðarhagsmunum þjóðarinnar en mig minnir að fyrrum leiðtogi krata Jón Baldvin hefði látið kanna það hvort að Svavar hefði verið útsendari STASI.

[Jóhann Elíasson, 8.6.2009 kl. 11:22]

Já "gömlu" kommarnir gera það ekki endasleppt.

[Tómas Ibsen Halldórsson, 8.6.2009 kl. 15:35]

Það virðist gleymast í umræðunni að ef þessar gífurlegu fjárhæðir lenda á þjóðinni, þá eru og verða það ekki einu lánin sem greiða þarf af.  Nú stendur til að taka enn meiri lán sem bætast ofaná umræddar ábyrgðir ríkissjóðs.  Þetta þýðir það að svo getur farið, eftir sjö ár, eins og Svavar tönglast á, þá verðum við endanlega orðin gjaldþrota og algerlega upp á aðra komin og þurfum þar af leiðandi að afhenda öll okkar verðmæti til lands og sjávar, erlendum aðilum.

[Óskar Þorkelsson, 8.6.2009 kl. 18:46]

það er gott að búa í noregi..