Guðfríður Lilja Grétarsdóttir styður mannréttindabrotin

Ein af furðum íslensks samfélags er að Vinstri grænir sem hafa skipað sjálfa sig sem boðbera mannréttinda og kvenfrelsis hafa með stuðningi Samfylkingarinnar haldið áfram að vanvirða álit mannréttindanefndar Sameinuðu þjóðanna. Mér varð hugsað til þessa þegar mér varð litið inn á ÍNN-sjónvarpsstöðina í gær og þar var Guðfríður Lilja svo umvefjandi og góðleg og af orðum hennar mátti skilja að hún mætti ekkert aumt sjá. Hin kalda staðreynd er hins vegar sú að hún styður stefnu Steingríms J. Sigfússonar um að koma ekki til móts við álit mannréttindanefndar Sameinuðu þjóðanna, heldur þvert á móti halda mannréttindabrotum áfram á sjómönnum.

Gríðarleg tækifæri felast í þjóðfélaginu við að afnema óréttmæt atvinnuhöft og koma á meira réttlæti. Með því að það sé undir hælinn lagt hvort íslensk stjórnvöld virði yfirleitt álit mannréttindanefndar Sameinuðu þjóðanna mun fólk ekki sækja rétt sinn þar sem óvíst er hvort nokkuð verði gert með niðurstöðuna.

Athugasemdir

[Kári Gautason, 16.4.2009 kl. 10:30]

Sæll Sigurjón. Á síðasta landsfundi VG kom skýrsla frá vinnuhóp um sjávarútvegsmál. Hafið bláa hafið heitir skýrlan og er mjög góð aflestrar þar sem farið er út í þessi mál til þaula

http://vge2vefur.eplica.is/media/myndir/landsfundur/Sjavarutvegur_Aherslur_og_tillogur_starfshops_130309.doc

[Gústaf Gústafsson, 16.4.2009 kl. 10:39]

Sæll Sigurjón! Ég skrifaði þessa færslu við aðra færslu hjá þér, en hún átti að birtast hér. 

Það er augljóst að auka mætti kvótann um 100 þúsund tonn. Ég er sammála þér í sumu af því sem þú segir varðandi kvótann, en ég sé ekki betur en að Sjálfstæðisflokkurinn sé stærsti þröskuldurinn í málinu, því þeir koma jafnvel í veg fyrir það á Alþingi að auðlindirnar verði skilgreindar sem þjóðareign. Þeir vilja halda kvótanum í eigu örfárra aðila og stefna að því bæði leynt og ljóst.

Og þess vegna hlusta þeir ekki á fiskifræðinga eins og Jón Kristjánsson, veiðiheimildirnar eru veðsettar í botn og það gæti þýtt verðfall og ónýt veð fyrir skuldaeigendurna. Þeim er algjörlega sama um allt annað en að halda uppi kvótaverðinu, veðunum og öllum réttindunum til veiðanna. Það eru Sjálfstæðismenn sem eru að koma í veg fyrir að hægt sé að laga ,,mannréttindabrotin" sem þér er svo tíðrætt um.

VG er á móti kvótakerfinu, það vita allir sem vilja vita það, hins vegar hefur VG sagt, að afnám kerfisins, eða þær breytingar sem gera þarf verða að taka eitthvert tillit til þeirra sem starfa í greinni. Ég sé ekkert óeðlilegt við það.

Kveðja að vestan.

[Sigurður Þórðarson, 16.4.2009 kl. 10:54]

Vonandi er hún ekki undir áhrifum bróður síns, sem er á mála útgerðaraðalsins.