Ormarnir hennar Evu Joly

Íslenskt samfélag er hræðilega meðvirkt, enn hefur enginn víkinganna verið tekinn til yfirheyrslu þótt þeir hafi stefnt efnahag landsins í glötun. Það var mikil sátt um stofnun sérstaks embættis sérstaks saksóknara sem fékk næstum enga fjármuni og í ofanálag næstum tómar möppur og engan samstarfsvilja annarra ríkisstofnana þegar til kastanna kom.

Til að hrista eitthvað upp í þessu þurfti Egill Helgason að kalla á þessa mætu manneskju í þátt sinn sem benti á að þessi rannsókn sem (ekki) færi fram væri djók. Það er eins og að þótt raddir þess efnis hefðu heyrst, m.a. úr mínum barka, að þetta væri ódýrt yfirklór, nánast kattarþvottur, væri ekki á þær hlustað. Núna skyndilega er Eva orðin ráðgjafi og það ræðst örugglega í næstu viku hvort ráðning hennar er raunverulegur ásetningur stjórnvalda í að taka á málum eða hvort málið hafi verið einungis að bregðast við þessum eina sjónvarpsþætti.

Ef alvara er í málinu má búast við því að Eva tæti höggormana í sig.

Joly: Viss um að menn misnotuðu aðstöðu sína

Athugasemdir

[EE elle (IP-tala skráð) 10.3.2009 kl. 23:03]

Já, satt segirðu, það þurfti Egil einu sinni enn til að finna bjargvætt.  Hvar værum við án mannsins?  Hann er erki-engill.  Og ég skammast mín svakalega fyrir að hafa ekki metið mannin fyrst. 

Það var grátlegt að horfa upp á sérstakan saksóknara vinna verkið hálf einsamlan og vægt sagt undirmannaðan.  Kannski svipað og aðrir saksóknarar landsins.   Hvaða endapunkt eiga blessaðir mennirnir að ná svona?  Og hvað vakti fyrir fólki að kosta ekki nægum mannafla og peningum í embætti saksóknara?

[EE elle (IP-tala skráð) 10.3.2009 kl. 23:05]

Manninn m. 2 nnum

[Frelsisson (IP-tala skráð) 11.3.2009 kl. 22:07]

Til hamingju með 2.sætið... var einmitt að vona að þú myndir ná þessu sæti... Sáttur við að Magnús Þór sé langt frá því að komast á þing.

[Víðir Benediktsson, 11.3.2009 kl. 22:15]

Til hamingju með árangurinn.

[Guðmundur Óli Scheving, 11.3.2009 kl. 22:44]

Sæll Sigurjón.

Til hamingju með þennan sigur.

Þetta er bara rosalega flott hjá þér.

[Hannes Ingi Guðmundsson (IP-tala skráð) 11.3.2009 kl. 22:53]

Til hamingju með 2. sætið,

þinn vinur Hannes Ingi :)