Össur gapir yfir forsetanum

Össur fylltist heilagri reiði vegna þess að einhver komst yfir bókhaldslykil forsetaembættisins og gat upplýst þjóðina sundurliðað hvernig forsetinn ákveður að verja best sínum takmörkuðu fjármunum til ræktunar lands og þjóðar, bæði á erlendri og innlendri grundu.

Ég er ekki viss um að forsetanum sjálfum hafi verið svo á móti skapi að þessar upplýsingar bærust þjóðinni sem greiðir fyrir herlegheitin, enda er hann virtur fræðimaður á sviði stjórnmála, vill opna stjórnsýslu og hefur ekkert að fela eins og ný ævisaga forsetans ber með sér. 

Æsingur Össurar yfir bókhaldslyklinum kom mér hins vegar nokkuð á óvart vegna þess að hann virðist ekki stressa sig neitt á því að enn er ekki nein sýnileg rannsókn hafin á öllu svínaríinu í kringum bókhaldslykla bankanna.

Athugasemdir

[Hólmfríður Bjarnadóttir, 18.12.2008 kl. 00:19]

Þú hefur kannski ekki tekið eftir því að nú virðist vera í gangi skipuleg herferð gegn sitjandi forseta og um leið embættinu sjálfu. Það er því ekki nema réttlátt að Össur Skarphéðinsson veki athygli á málinu og leggi til að þessi herferð verði skoðuð. Það er að mínu mati vegið með ósæmilegum hætti að forsetanum og embættinu.

[Sigurjón Þórðarson, 18.12.2008 kl. 01:04]

Nei ég hef ekki tekið eftir skipulagðri herferð sem þú kallar svo, en ég hef tekið eftir umfjöllun þátt Ólafs Ragnars í útrásinni sem hefur verið eins og gengur misítarlega og misvinsamleg en hér er umfjöllun Láru Hönnu Einarsdóttur.

Hvernig er það Hólmfríður hefur þú heyrt Össur hvetja mjög til rannsóknar á fjármálasvínaríinu.  Össur var ekki par kátur þegar REI ruglið stöðvaðist.

[Guðrún María Óskarsdóttir., 18.12.2008 kl. 01:28]

Sæll Sigurjón.

Tækifærismennsku Össurar eru engin takmörk sett.

kv.gmaria.

[Guðrún Hlín (IP-tala skráð) 18.12.2008 kl. 09:40]

Er þetta nýr Össur?Kveðja Guðrún Hlín.

[Róbert Tómasson, 18.12.2008 kl. 12:17]

Sammála þér Sigurjón, Össuri væri nær að rísa upp á afturlappirnar og krefjast skýringa á því hvers vegna þeir aðilar sem klúðruðu bönkunum sitja ennþá þó svo einhverjar hrókeringar hafi átt sér stað.

Ef maður vissi ekki að samkvæmt útlenskum rannsóknum eru íslenskir embættismenn "stálheiðarlegir" á alla kanta, gæti maður freistast til þess að halda að það væri verið að gefa þeim tíma til þess að sópa skít og sönnunargögnum eins langt undir teppið og kostur er.

[ThoR-E, 18.12.2008 kl. 13:14]

Ég persónulega hef ekkert álit á Össuri Skarphéðinssyni.

Hvað þá Ólafi Ragnari ... yfir-klappstýru útrásarpakksins...

[Pétur Henry Petersen, 18.12.2008 kl. 15:18]

Sveltandi þjóð, skuldug þjóð hefur ekki efni á tildri eins og forstetaembættinu skilgreindu af ÓRG, kannski eins og skilgreindu af Kristjáni og Vigdísi.

[Hólmfríður Bjarnadóttir, 18.12.2008 kl. 16:04]

Hvort sem ykkur líka betur eða verr þá hefur Ólafur Ragnar Grímsson staðið sig feikna vel í embætti forseta Íslands. Hann er búin á löngum stjórnmála og háskólaferli að mynda tengsl við fjölmarga embættis- fræði- stjórnmálamenn út um allan heim. Hann er maður lýðræðisins, með yfirgripsmikla þekkingu á umhverfis- og orkumálum og hefur komið fram fyrir hönd þjóðarinnar við fjölmörg tækifæri um allan heim. Þið sem takið undir með þeim sem vilja nú níða hann niður, eruð með því að segja um leið heilmikið um ykkur sjálf. Þau ummæli eru ykkur ekki til framdráttar.

[Hólmfríður Bjarnadóttir, 18.12.2008 kl. 16:13]

Össur Skarphéðinsson hefur kannski það helst til saka unnið að hann er ekki sáttur við vinnubrögð Davíðs Oddssonar í aðdraganda bankafallsins. Það að Samfylkingarráðherrar skuli vilja rannsaka alla þætti þess aðdragandi, hefur örugglega gert marga hrædda og þá er bara að níða þá niður með öllum til tækum ráðum. Sannleikurinn um eftirlitsleysið og rýmkun á öllu regluverki þarf að koma upp á borðið. Það fólk sem vann eða vinnur í fjármálastofnunum var og er að vinna eftir því regluverki og hefur þar af leiðandi haft afar frjálsar hendur innan ramma laga og reglan. Það fólk er ekki hinir raunverulegu sökudólgar, heldur gerendur í afar frjálslegu fjármálaumhverfi. Þeir sem vilja sækja starfsmenn fjármálafyrirtækja til saka, verða að kynna sér vel það regluverk sem gilti á hverjum tíma. Svo einfalt er það.

[Hólmfríður Bjarnadóttir, 18.12.2008 kl. 16:18]

hér er framsaga Gunnars Axels á Borgarfundinum í gær, 17. des. Það er athyglisverð lesning.  FRAMSAGA GUNNARS AXELS.

[Björn Birgisson, 18.12.2008 kl. 16:33]

Leggjum forsetaembættið niður og breytum Bessastöðum í safn. Ólafur Ragnar gæti verið safnvörður og sagt gestum frægðarsögur af sér þegar hann var að bjarga heiminum "ásamt öðrum forystumönnum og ráðamönnum í veröldinni"

[Víðir Benediktsson, 18.12.2008 kl. 16:52]

Þetta eru ótrúlegar smjörklípur. Hefur Össur virkilega ekkert annað að gera í vinnunni en fást við einskis nýtan hégóma? Held að nær væri fyrir hann að hysja upp um sig buxurnar og taka á þeim málum sem þarf að taka á. Það er ekki nóg að vera kjaftfor. Það þarf að láta verkin tala svo maður sé marktækur og það hefur Össur sannarlega ekki gert.

[Ragnar Gunnlaugsson, 18.12.2008 kl. 20:45]

Össur grét mikið fyrir ári síðan,yfir því hvað OR.tapaði miklu að vera ekki afhent "útrásarvíkingunum" mig mynnir að það væru einkverjir miljarða-tugir sem Reykvíkingar voru að tapa vegna þess að sá gjörningur var stoppaður.

[Hlédís, 18.12.2008 kl. 23:17]

Niður með spillinguna! - OG REGLUVERKIN! - Orðið regluverk er nýtilkomin prentsmiðjuþýðing á þýska orðinu "Regelwerk" Orð eins og reglur, lög, starfsreglur og vinnureglur hafa dugað okkur hingað til. "Regluverkin" flutu trúlega inn í islenska tungu í milljón orða tilskipana-bæklingum frá ESB.

[Hlédís, 18.12.2008 kl. 23:38]

Reglu-GERÐ er auðvitað nærtækasta þýðingin á þýska orðinu REGELWERK!

Góða nótt!